རྒྱ་གར་ཀ་ཤེ་མིར་ཁུལ་དུ་མི་གྲངས་བཅུ་གཅིག་རྐྱེན་ལམ་དུ་ཕྱིན་པ།

༄༅༎རྒྱ་གར་དང་པ་ཀི་སི་ཐན་གྱི་ས་མཚམས་ཀྱི་འཐབ་རྩོད་ནང་རྒྱ་གར་གྱི་དམག་མི་ལྔ་དང་ཁ་ཆེའི་གྱེན་ལོག་པ་དྲུག་རྐྱེན་ལམ་དུ་ཕྱིན་ཡོད་འདུག

རེས་གཟའ་ཉི་མའི་ཉིན་ཀ་ཤེ་མིར་ཁུལ་གྱི་རྒྱ་གར་དང་པ་ཀི་སི་ཐན་གྱི་ས་མཚམས་སུ་ཟླ་བ་ཁ་ཤས་རིང་དྲག་རྒོལ་གྱི་འཐབ་རྩོད་ནང་དམག་མི་རྐྱེན་ལམ་དུ་ཕྱིན་པ་ཐོག་མ་ཡིན་འདུག ཐེངས་འདིའི་དྲག་རྒོལ་ཡོང་རྐྱེན་ནི་རེས་གཟའ་སྤེན་པའི་ཉིན་པ་ཀི་སི་ཐན་གྱི་དམག་མིས་རྒྱ་གར་གྱི་དམག་མི་གཅིག་རྨས་སྐྱོན་བཏང་བ་དེ་ཡིན་ལུགས་འགྲེལ་བརྗོད་བྱས་འདུག རེས་གཟའ་ཉི་མའི་ཉིན་རྒྱ་གར་གྱི་དམག་མིས་བྱང་ཕྱོགས་ཀུབ་ལྦ་ར་རྫོང་ཁུལ་ས་མཚམས་སུ་འཚོལ་ཞིབ་བྱེད་སྐབས་ཁ་ཆེའི་གྱེན་ལོག་པས་དྲག་རྒོལ་གྱིས་རྒྱ་གར་གྱི་དམག་དཔོན་གཅིག་དང་དམག་མི་བཞི་བཅས་ལྔ་རྐྱེན་ལམ་དུ་བཏང་ཡོད་འདུག རྒྱ་གར་གྱི་དམག་མིས་གྱེན་ལོག་པ་གཉིས་རྐྱེན་དུ་བཏང་ཡོད་འདུག ཡང་ས་ཁུལ་དེ་གའི་ས་ཁུལ་གཞན་ཞིག་ལ་གྱེན་ལོག་པ་བཞི་བཅས་དྲུག་རྐྱེན་ལམ་དུ་བཏང་ཡོད་པ་དང་ད་ལྟ་དྲག་རྒོལ་མཚམས་འཇོག་བྱས་མེད་ལུགས་ས་གནས་ཀྱི་ཉེན་སྲུང་དཔོན་རིགས་ཤིག་གིས་རྒྱལ་ས་ཤི་རི་ན་གར་དུ་ཨེ་ཨེཕ་པི་གསར་ལང་ཁང་ལ་འགྲེལ་བརྗོད་གནང་འདུག།