བདེན་པའི་མེ་ལྕེ་གུ་ཇ་རཏ་ནང་འབྱོར་བ།

༄༅༎རྒྱ་གར་ལྷོ་ཕྱོགས་ཁུལ་གྱི་བདེན་པའི་མེ་ལྕེ་ཕྱི་ཟླ་༡༠ཚེས་༡༡་ ཉིན་Gujarat མངའ་སྡེའི་གྲོང ཁྱེར་Amedabad ནང་འབྱོར་བའི་མཛད་སྒོ་འཚོགས་པ་དང༌། ཕྱི་ཚེས་༡༢ ཉིན་ས་གནས་Nevrangpura ནང་སྐོར་བསྐྱོད་འགོ་བཙུགས་པ་དང༌། ཕྱི་ཚེས་༡༣ ཉིན་Gujarat མངའ་སྡེའི་རྒྱལ་ས་གན་དྷི་ན་གར་དུ་སྐོར་བསྐྱོད་གནང་ཡོད་པ་རེད།
ཕྱི་ཟླ་བཅུ་པའི་ཚེས་༡༡ ཉིན་བདེན་པའི་མེ་ལྕེ་Gujarat མངའ་སྡེའི་གྲོང་ཁྱེར་Amedabad ནང་དུ་འབྱོར་བའི་མཛད་སྒོའི་ཐོག་མར་ད་བར་དུ་བོད་དོན་ཆེད་དུ་རང་སྲོག་བློས་གཏོང་གནང་མཁན་ཚོར་གདུང་སེམས་ཉམས་བསྐྱེད་དང་མྱ་ངན་གུས་བཏུད་སྐར་མ་གཅིག་རིང་ཞུས་པ་དང༌། དེ་རྗེས་བོད་མི་དམངས་སྤྱི་འཐུས་ཀརྨ་ཡེ་ཤིས་ལགས་ཀྱིས་བོད་ནང་གི་ད་ལྟའི་ཛ་དྲག་གི་གནས་སྟངས་དང༌། ༢༠༠༩ ནས་བཟུང་བོད་དོན་ཆེད་དུ་བོད་ནང་དུ་བོད་མི་ལྔ་བཅུ་ང་གྲངས་ཤིག་གིས་རང་སྲོག་བློས་གཏོང་གནང་བའི་རྒྱུ་རྐྱེན། བདེན་པའི་མེ་ལྕེའི་ལས་འགུལ་གྱི་དམིགས་ཡུལ་སོགས་གཏམ་བཤད་གནང་ཡོད་པ་རེད།།