བདེན་པའི་མེ་ལྕེ་སྐོར་སྐྱོད་མན་ཌིའི་ནང་འབྱོར་འདུག

༄༅།    །མན་ཌིའི་ས་གནས་འཐུས་མི། ས་གནས་འགོ་འཛིན་དང་ལས་བྱེད། ཁྱབ་ཁོངས་ས་གནས་ཁག་བཞིའི་སེར་སྐྱ་མང་ཚོགས་ནས་བདེན་པའི་མེ་ལྕེ་སྐོར་སྐྱོད་ལ་བསུ་ལེན་ཞུས་གནང་ཡོད་པ་རེད།    བཀའ་ཤག་གི་བཀའ་དགོངས་ལྟར། ཁེ་ས་ཕྱི་ཚེས་ ༨ ཉིན་བོད་ནང་གི་ཛ་དྲག་གནས་སྟངས་དང༌། རང་ལུས་མེར་སྲེག་གནང་མཁན་ཚོར་གདུང་སེམས་མཉམ་སྐྱེད་དང་སྐྱིད་སྡུག་མཉམ་མྱོང་ཚོན་ཆེད་དུ་ཙམ་མ་ཚད།    བཀའ་བློན་ཁྲི་པ་མཆོག་གིས་ལས་ཁུར་
བཞེས་ནས་ལོ་གཅིག་འཁོར་བའི་དུས་ཚིགས་ཉིན་ས་གནས་སོ་སོར་ལས་འགུལ་སྤེལ་རྒྱུའི་
ཉིན་མོ་དང་སྟབས་བསྟུན། བདེན་པའི་མེ་ལྕེ་ས་གནས་སུ་བསུ་ལེན་གྱི་མཛད་སྒོ་དེ་གནང་འདུག    ཕྱོགས་མཚུངས་རྒྱ་གར་ལྷོ་ཕྱོགས་ཁུལ་གྱི་བདེན་པའི་མེ་ལྕེ་སྐོར་སྐྱོད་དེ་ཟླ་བ་འདིའི་
ཚེས་ ༣ ཉིན་ཧུན་སུར་གཞིས་ཆགས་ནས་ཀོ་ལི་གྷལ་གཞིས་ཆགས་སུ་འབྱོར་ཡོད་པ་དང༌།
ཁུལ་དེར་སྐོར་སྐྱོད་གྲུབ་རྗེས། ད་ཆ་མེ་སོར་གྲོང་ཁྱེར་ནང་འབྱོར་ཡོད་པ་རེད།།