དྷ་སར་བདེན་པའི་མེ་ལྕེ་འབྱོར་བའི་མཛད་སྒོ།

༄༅།    །མཛད་སྒོའི་ཐོག་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་གསུང་བཤད་གནང་བའི་ནང། གཞིས་ཞུགས་བོད་མིའི་མངོན་འདོད་དང༌། རང་སྲོག་འབེན་ལ་བཙུགས་ཏེ་ལས་འགུལ་སྤེལ་བ་རྣམས་འཛམ་གླིང་ཁྱོན་ཡོངས་སུ་ངོ་སྤྲོད་ཡང་དག་པ་ཞུ་རྒྱུའི་འགན་འཁྲི་བཙན་བྱོལ་རང་དབང་ལུང་པར་ཡོད་པའི་བོད་མི་ཚོར་ཡོད་ལ། ད་བར་དུ་འདས་པའི་ཟླ་བ་གཉིས་རིང་བཀའ་བློན་མང་ཆེ་བ་ཕྱི་རྒྱལ་ཡུལ་གྲུ་ཁག་ཏུ་ཕེབས་ཏེ། ད་ལྟའི་བོད་ནང་གི་ཛ་དྲག་གི་གནས་སྟངས༌ངོ་སྤྲོད་དང༌། ཕྱི་རྒྱལ་གྱི་གནད་ཡོད་མི་སྣའི་བོད་དོན་རྒྱབ་སྐྱོར་ཐོབ་ཐབས་ཀྱི་ཕྱག་ལས་གནང་བའི་བརྒྱུད་རིམ་ཁག་ངོ་སྤྲོད་གནང་ཡོད་པ་རེད།
ཡང་སྐབས་དེར་བཀའ་བློན་ཁྲི་པ་བློ་བཟང་སེང་གེ་མཆོག་གིས་གསུང་བཤད་གནང་སྐབས།    བོད་མི་དང་འཛམ་གླིང་སྤྱི་ཡོངས་ལ་ཡོད་པའི་བོད་དོན་རྒྱབ་སྐྱོར་གྱི་ཚོགས་པ་ཚང་མས་སྤྱི་འཐུས་ལྷན་ཁང་ནས་དབུ་ཁྲིད་པའི་བདེན་པའི་མེ་ལྕེ་སྐོར་སྐྱོད་ལས་འགུལ་སྤེལ་མུས་ཡིན་པ་འདིར་འཛུལ་ཞུགས་དང་རྒྱབ་སྐྱོར་གནང་རོགས་ཞེས་འབོད་སྐུལ་ཞུ་རྒྱུ་ཡིན།    ཞེས་གསུངས་ཡོད་པ་རེད།
གསུང་བཤད་ཀྱི་ལས་རིམ་ཁག་གྲུབ་རྗེས།    མང་གཙོའི་ཀ་བ་གསུམ་གྱི་མཛད་གཙོ་རྣམ་པ་གསུམ་གྱིས་བདེན་པའི་མེ་ལྕེ་སྐོར་སྐྱོད་ལས་འགུལ་དང་འབྲེལ་བའི་མཚན་རྟགས་བཀོད་དེ་མཛད་སྒོ་མཇུག་བསྒྲིལ་གནང་འདུག