བལ་ཡུལ་དུ་རྒྱལ་པོའི་ལམ་སྲོལ་བསྐྱར་གསོའི་རེ་འབོད།

༄༅།།གནས་དབྱུང་བཏང་བའི་བལ་ཡུལ་གྱི་རྒྱལ་ཛྱ་ནེན་དྲ་ཤྭ་(Gyanendra Shah) མཆོག་གི་བསྐྱར་དུ་རྒྱལ་པོའི་ལམ་སྲོལ་བསྐྱར་གསོ་དགོས་ལུགས་གསུངས་ཡོད་པའི་གནས་ཆུལ་ཐོན་འདུག
ཕྱི་ལོ་༢༠༠༨ལོར་བལ་ཡུལ་ནང་རྒྱལ་པོའི་ལམ་ལུགས་མེད་པ་བཟོས་པའི་རྗེས་སུ་ད་ཆ་རྒྱལ་པོ་ཟུར་པ་ ཛྱ་ནེན་དྲ་ཤྭ་མཆོག་བསྐྱར་དུ་གསེར་ཁྲིར་མངའ་སྲོལ་དགོས་ལུགས་ནིའུས་ ༢༤བརྙན་འཕྲིན་ལས་ཁང་ལ་གསུངས་གནང་འདུག།   རྒྱལ་པོ་ཟུར་པས་གསུངས་པར་གཞིགས་ན།  ལོ་དྲུག་ཆབ་སྲིད་ཚོགས་པ་ཁག་དང་མོས་མཐུན་གནང་བའི་སྐབས་རྒྱལ་པོས་ཆབ་སྲིད་ཀྱི་སྐུ་དབང་ཕྱི་བཤོལ་གྱིས་རྒྱལ་ལྡན་དམངས་གཙོའམ་རྩ་ཁྲིམས་གཙོ་གཞུགས་ཀྱི་རྒྱལ་སྲིད་མུ་མཐུད་གནས་རྒྱུར་ཐག་གཅོད་བྱུང་ཡོད་ལུགས་གསུངས་གནང་འདུག  འོན་ཀྱང་གཞུང་གིས་ཕྱི་ལོ་༢༠༠༨ལོར་རྒྱལ་པོ་གནས་དབྱུངས་བྱས་པ་མ་ཟད་  རྒྱལ་པོའི་རིང་ལུགས་ཀྱང་མེད་པ་བཟོས་པ་རེད།  གནས་ཚུལ་ནང་ཐོན་པར་གཞིགས་ན་ རྒྱལ་པོས་ད་ཆ་བསྐྱར་དུ་ཆབ་སྲིད་ཀྱི་སྐུ་དབང་བཞེས་འདོད་མེད་ཀྱང་རྟེན་འབྲེལ་མཚོན་ཆེད་ཀྱིས་སྐུ་དབང་བཞེས་འདོད་ཡོད་པ་གསལ་བཏོན་གནང་ཡོད་དགོས་དོན་ནི་བལ་ཡུལ་ནང་ཆབ་སྲིད་ལྷིང་འཇུགས་མེད་པ་དེར་ཐུག་ཡོད་ལུགས་འགྲེལ་བརྗོད་བྱས་འདུག  ད་ལྟའི་སྐབས་སུ་བལ་ཡུལ་ནང་ཆབ་སྲིད་བརྟན་ལྷིང་མེད་པ་མ་ཟད་བར་བརྒལ་གྱི་གྲོས་ཚོགས་ཀྱང་ཕྱིར་བསྡུ་ཡིས་ད་ལྟ་གཞུང་མེད་པ་ལྟ་བུའི་ཁོར་ཡུག་ནང་ལྷུངས་ནས་མི་མང་ལ་དཀའ་ངལ་ཆེན་པོ་འཕྲད་བཞིན་པ་རེད། རྒྱལ་ཡོངས་འོས་བསྡུ་གསར་པ་ཞིག་འདི་ལོ་ཕྱི་ཟླ་བཅུ་གཅིག་པའི་ནང་གནང་རྒྱུ་ཡིན་པ་རེད།  རྒྱལ་པོ་ཛྱ་ནེན་དྲ་མཆོག་རེས་གཟའ་སྤེནཔའི་དགུང་གྲངས་༦༦པ་ཕེབས་འཁྲུང་སྐར་སྲུང་བརྩི་མཛད་སྒོའི་སྐབས་རྒྱལ་པོའི་ལམ་སྲོལ་གྱི་ཕྱོགས་གཏོགས་སྲིད་དོན་ལ་གཙོས་པའི་མི་སྣ་བརྒྱ་སྐོར་མཉམ་ཞུགས་གནང་འདུག།