ཨན་སན་སུ་ཅི་དང་ཕ་རན་སིའི་བློན་ཆེན་བར་མཇལ་འཕྲད།

༄༅༎ནུབ་ཕྱོགས་ཡུལ་གྲུ་ཁག་གིས་འབར་མའི་ནང་དཔལ་འབྱོར་དམ་བསྒྲགས་སྲིད་བྱུས་ཕྱིར་བསྡུ་གནང་སྲིད་པའི་གནས་སྟངས་འོག་རེས་གཟའ་ཟླ་བའི་ཉིན་ཕེ་རན་སིའི་ཕྱི་འབྲེལ་བློན་ཆེན་ཨེ་ལེན་ཇུ་པེ་གིས་འབར་མའི་གཞུང་འཛིན་དབུ་ཁྲིད་དང་མཇལ་འཕྲད་གནང་ཡོད་པ་རེད།
གང་ཡིན་ཟེར་ན་འདས་པའི་དུས་རིང་ལ་འབར་མའི་གཞུང་གིས་སྤྱི་ལོ་༢༠༡༠་ལོར་ཡུལ་དེའི་ཕྱོགས་འགལ་རྒྱལ་ཡོངས་དམངས་གཙོ་ཚོགས་པའི་དབུ་ཁྲིད་ཨུན་སན་སུ་ཀི་དམ་བསྒྲགས་འོག་ནས་གུ་ཡངས་གློད་བཀྲོལ་བཏང་བ་མ་ཟད་ཨུན་སན་སུ་ཀི་དང་བཀའ་གྲོས་གནང་ཡོད་པ་སོགས་ཧ་ལས་དགོས་པོའི་འགྱུར་ལྡོག་གི་སྣང་ཚུལ་ཤུགས་ཆེ་ཞིག་ཐོན་ཡོད་པ་རེད།
གནད་དོན་དེ་ཚོའི་ཐད་ཁོང་གིས་གཟའ་ཉི་མའི་ཉིན་ཨུན་སན་སུ་ཀི་དང་མཇལ་འཕྲད་གནང་བའི་རྗེས་སུ་གསུངས་ཡོད་པར་འབར་མའི་སྲིད་འཛིན་ཐེཨིན་སེན་མཆོག་གིས་བཟང་ཕྱོགས་ཀྱི་ཕྱག་བཞེས་དེ་ཚོར་རྒྱལ་སྤྱིའི་ནང་དང་ལྷག་དོན་དུ་ང་ཚོ་ནུབ་ཕྱོགས་ཡུལ་གྲུའི་ཕྱོགས་ནས་ཀྱང་ཤེས་རྟོགས་བྱུང་ལུགས་གསུངས་ཡོད་པ་རེད།།