ཀུན་སློང་འཁྱེར་བཟོའི་ཐོག་གི་གསུང་བཤད།

༄༅༎འདས་པའི་གཟའ་པ་སངས་ཉིན་བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོར་ལགས་ནས་བོད་མི་མང་སྤྱི་འཐུས་དང་དབུས་བོད་མིའི་སྒྲིག་འཛུགས་ཀྱི་སྲི་ཞུའི་ལས་བྱེད་རྣམ་པ་ཚོར་ཕྱག་ལས་གནང་བའི་སྐབས་ཀུན་སློང་བཟང་པོ་འཁྱེར་དགོས་རྒྱུ་ནི་ལས་དོན་ཡར་རྒྱས་འགྲོ་རྒྱུར་མེད་དུ་མི་རུང་བའི་ཆ་རྐྱེན་ཞིག་ཆགས་ཀྱི་ཡོད་པ་སོགས་ཀྱི་སྐོར་བཀའ་སློབ་གནང་ཡོད་འདུག དེ་ཡང་ཁོང་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱུན་དུ་བཀའ་སློབ་ཕེབས་ཀྱི་ཡོད་པ་ལྟར་། ལས་དོན་ག་འདྲ་ཞིག་བྱེད་ཀྱང་བཟང་སྤྱོད་ཀྱི་ཐོག་ནས་ལྷག་བསམ་བཟང་པོས་ལས་དོན་སྤེལ་བ་ཡིན་ན་དེ་ནི་ནང་པ་སངས་རྒྱས་ཀྱི་ཆོས་དང་མཐུན་ལ་འགྲོ་བ་མིའི་བཟང་སྤྱོད་དང་ཡང་མཐུན་པ་ཞིག་ཆགས་རྒྱུ་དང་སྤྱི་ཚོགས་ལ་ཕན་ཐོག་ཡོད་པ་ཞིག་ཀྱང་ཡོང་རྒྱུ་ཡིན་ལུགས་གསུངས་འདུག།
གསར་འགོད་པ་རིག་འཛིན་ཆོས་སྒྲོན།