༸གོང་ས་མཆོག་དང་ཨང་སན་སུ་ཀི་བར་མཇལ་འཕྲད་མཛད་ཡོད་པ།

༄༅༎ཁེ་ས་ཕྱི་ཚེས་༡༥རེས་གཟའ་ཉི་མའི་ཉིན། ཅེཀ་སྤྱི་མཐུན་རྒྱལ་ཁབ་ཀྱི་རྒྱལ་ས་པ་རག་ཏུ་ ཕོ་རོམ་༢༠༠༠ཞེས་པའི་རྒྱལ་སྤྱིའི་ལྷན་ཚོགས་གནང་བའི་སྐབས་དང་བསྟུན་ནས།  བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དང་མ་ཡན་མར་གྱི་ནོ་བེལ་ཞི་བདེའི་གཟེངས་རྟགས་བཞེས་མྱོང་མཁན་ལྕམ་ཨང་སང་སུ་ཀི་རྣམ་གཉིས་དབར་མཇལ་འཕྲད་མཛད་གནང་འདུག།
གཞན་ཡང་ཉིན་གཉིས་ཀྱི་གོང་ཞུས་ལྷན་ཚོགས་སྐབས་ལྷོ་ཨཕ་རི་ཀའི་སྲིད་འཛིན་ཟུར་པ་དང་ནོ་བེལ་ཞི་བདེའི་གཟེངས་རྟགས་བཞེས་མྱོང་མཁན་སྐུ་ཞབས་Frederik Willem de Klerk དང་། དེ་བཞིན་ཆོས་ཕྱོགས་དང་ཆབ་སྲིད། ཤེས་ཡོན། གསར་འགྱུར། ཚོང་ལས་སོགས་ཚན་པ་འདྲ་མིན་ཐོག་རྒྱལ་སྤྱིའ་ནང་སྙན་གྲགས་ཅན་གྱི་དབུ་འཁྲིད་བརྒྱ་ལྷག་མཉམ་ཞུགས་གནང་ཡོད་པ་རེད།།