༧གོང་ས་མཆོག་གི་ཐེ་ཝན་ཆིབས་བསྒྱུར་ལ་བཀག་འགོག

༄༅།    །ཨེ་ཨེཕ་པི་གསར་ལས་ཁང་གིས་གནས་ཚུལ་སྤེལ་བར་གཞིགས་ན།  ཐེ་ཝན་ནས་རྒྱ་ནག་གི་གནོན་ཤུགས་འོག་༧གོང་ས་མཆོག་གི་ཆིབས་བསྒྱུར་ལ་འགོག་རྐྱེན་སྤྲད་པར་ངོས་འཛིན་གྱིས་དེ་ནི་ཧ་ཅང་བློ་ཕམ་གྱི་རང་བཞིན་ཡིན་པས་མ་ཟད།    ཐའེ་ཝན་གྱིས་རྒྱ་ནག་གི་བཀའ་འཁྲོལ་ཞུ་དགོས་པ་དེ་ནི།    ཡ་མཚན་གྱི་གནས་ཚུལ་ཞིག་རེད་ཅེས་ཐའེ་ཝན་གྱི་སྲིད་འཛིན་གཞོན་པ་ཟུར་པ་ལྕམ་ ཨེ་ཎེ་ཊེ་ ལུ་(Annette Lu) ཡིས་དབུ་ཁྲིད་པའི་ཐའེ་ཝན་གྱི་བེུད་ཚོང་དོན་ལྷན་ཚོགས་ཀྱིས་ སྐྱོན་བརྗོད་གནང་འདུག  ཐེ་ཝན་བེུད་ཚོང་དོན་ལྷན་ཚོགས་ཀྱིས་༧གོང་ས་མཆོག་ལ་ཐད་ཀར་འབྲེལ་བ་ཞུས་ནས་ཕྱི་ཟླ་བཅུ་གཉིས་པའི་ནང་ཐའེ་པི་ནང་འཚོགས་གཏན་འཁེལ་བའི་ཨེ་ཤེ་ཡ་དང་ཞི་བདེ་རྒྱ་མཚོའི་ཁུལ་གྱི་བེུད་ཚོང་དོན་ཚོགས་ཆེན་ཐོག་ཕེབས་རྒྱུའི་ཞལ་བཞེས་གནང་ཡོད་འདུག ཐེ་ཝན་གྱི་ཕྱི་སྲིད་ལས་ཁུངས་ཀྱིས་༧གོང་ས་མཆོག་ལ་མཐོང་མཆན་ཕུལ་མེད་པ་ངོས་ལེན་གནང་འདུག་ཀྱང་།    རྒྱ་ནག་གནོན་ཤུགས་འོག་ཐག་ཆོད་བྱས་པ་ཞིག་མིན་ལུགས་འགྲེལ་བརྗོད་བྱས་འདུག   གསར་འགོད་པས་བཀའ་འདྲི་ཞུ་སྐབས་ཕྱི་སྲིད་ལས་ཁུངས་ཀྱི་མགྲིན་ཚབ་པ་ སི་ཊིབ་ (Steve) ཡིས་དུས་ཚོད་རན་པོ་ཞིག་མ་རེད་ཅེས་གསུངས་པ་ཙམ་ལས་རྒྱས་བཤད་གནང་མི་འདུག།