བོད་མི་ཆབ་སྲིད་བཙོན་པར་སྡུག་སྦྱོང་མནར་གཅོད་སྐོར་གྱི་སྙན་ཐོ།
2015.02.26
རྒྱལ་སྤྱིའི་བོད་དོན་ལས་འགུལ་ཁང་གིས་གཙོ་འཛིན་སྐུ་ཞབས་Matteo Mecacciལགས 2015/2/12
Lhuboom
རྒྱལ་སྤྱིའི་ཁྲིམས་ལུགས་དང་རྒྱབ་འགལ་བྱས་བའི་རྒྱ་ནག་གི་བྱ་སྤྱོད་ལ་རྒྱལ་སྤྱིའི་བོད་དོན་ལས་འགུལ་ཁང་གིས་སེམས་ཚབས་གནང་འདུག
དེ་ཡང་རྒྱལ་སྤྱིའི་བོད་དོན་ལས་འགུལ་ཁང་གིས་སྤྱི་ཟླ་༢བའི་ཚེས་༢༦ཉིན་སྤེལ་བའི་གནས་ཚུལ་ཞིག་གི་ནང་། སྤྱི་ལོ་༢༠༠༨ནས་༢༠༡༤ལོའི་བར་བོད་མིའི་ཆབ་སྲིད་བཙོན་པ་༢༩ལ་བཙོན་ཁང་ནང་བསྡད་པའི་རིང་སྡུག་སྦྱོང་མནར་གཅོད་ཕོག་པ་དང་། ལྷག་པར་དུ་ཁོང་ཚོའི་ནང་ནས་སྡུག་སྦྱོང་མནར་གཅོད་འོག་དུས་མིན་རྐྱེན་འདས་སུ་བཏང་པའི་ཆབ་སྲིད་བཙོན་པ་༡༤ཡི་གནས་ཚུལ་ཞིབ་ཕྲ་སྙན་ཐོ་འདིའི་ནང་བཀོད་གནང་ཡོད་ཅིང་། བོད་མི་ཆབ་སྲིད་བཙོན་པ་ཚོར་རྒྱ་ནག་གི་བཙོན་ཁང་ནང་གི་རྒྱ་རིགས་ལས་བྱེད་པ་ཚོས་སྡུག་སྦྱོང་མནར་གཅོད་གཏང་པ་དེ་ནི་རྒྱ་ནག་དང་། རྒྱལ་སྤྱིའི་ཁྲིམས་ལུགས་དང་རྦད་དེ་རྒྱབ་འགལ་བྱས་ཡོད་པ་དེར་རྒྱལ་སྤྱིའི་བོད་དོན་ལས་འགུལ་ཁང་གིས་སེམས་ཚབས་ཆེན་པོ་ཡོད་ལུགས་བརྗོད་འདུག རྒྱལ་སྤྱིའི་བོད་དོན་ལས་འགུལ་ཁང་གིས་གཙོ་འཛིན་སྐུ་ཞབས་Matteo Mecacciལགས་ཀྱིས་གསུངས་དོན། སྙན་ཐོ་དེ་ནི་༢༠༠༨ལོ་ནས་བཟུང་བོད་མི་བཙོན་པ་ཚོར་སྡུག་སྦྱོང་མནར་གཅོད་བཏང་ཡོད་པའི་སྐོར་ཡིན་པ་དང་། བོད་ཀྱི་ན་གཞོན་མི་རབས་་གསར་པ་ཚོས་ཞི་བའི་ཐོག་ནས་རང་ཉིད་ཀྱི་བལྟ་ཚུལ་འདོན་པར། རྒྱ་ནག་གཞུང་གིས་འཆར་གཞི་ལྡན་པའི་སྒོ་ནས་མནར་གཅོད་གཏོང་བའི་བྱ་སྤྱོད་དེ་ལ་རྒྱལ་སྤྱིའི་ཚོགས་སྡེ་དང་། དམངས་གཙོའི་གཞུང་ཁག་གིས་སྣང་མེད་དུ་འཇོག་ཐབས་མེད་པ་ཞིག་རེད་ཅེས་གསུངས། བོད་མི་ཆབ་སྲིད་བཙོན་པ་ཚོར་མནར་གཅོད་བཏང་པའི་སྐོར་གྱི་ཞིབ་ཕྲའི་སྙན་ཐོ་དེ་ནི་ཐེངས་རྗེས་མའི་འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་སྡུག་སྦྱོང་མནར་གཅོད་འགོག་མཁན་གྱི་རྒྱལ་ཚོགས་ཀྱི་འབྲེལ་ཡོད་ཚོགས་ཆུང་ལ་ཡང་འབུལ་ལམ་ཞུ་རྒྱུའི་འཆར་གཞི་ཡོད་པ་རེད།
གསར་འགོད་པ་རྡོ་རྗེ་དགྲ་འདུལ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨེ་ཤེ་ཡ་རང་དབང་རླུང་འཕྲིན་ཁང་གི་སྐད་ཡིག་སྡེ་ཚན་ཕལ་ཆེ་བ་སྒོ་བརྒྱབ་རྒྱུའི་གསལ་བསྒྲགས།
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- བཀའ་ཟུར་བཀྲ་ཤིས་དབང་འདུས་ལགས་འདས་གྲོངས་སུ་གྱུར་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཨ་རྒྱ་གཉིས་ཀྱི་ཚོང་དམག་ཁྲོད་བཟོ་གྲྭ་མང་པོ་སྒོ་བརྒྱབ་པའི་རྐྱེན་གྱིས་རྒྱ་ནག་གི་ས་ཁུལ་གང་སར་ལས་མིས་ངོ་རྒོལ་བྱེད་བཞིན་འདུག
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- ༸གོང་ས་༸སྐྱབས་མགོན་ཆེན་པོ་མཆོག་གི་གོ་སྟོན་དང་བསྟུན་སྐུ་ཚེའི་ལོ་རྒྱུས་སྐོར་གྱི་གློག་བརྙན་སྐུ་མདུན་ཞེས་པ་ཨ་རིའི་ཊེ་བྷེ་ཀ་གློག་བརྙན་དུས་སྟོན་ཐོག་གཟིགས་འབུལ་ཞུ་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཚང་མ་མཐུན་སྒྲིལ་ཐོག་མཉམ་གནས་ཐུབ་རྒྱུ་དེ་མགོན་པོ་མཆོག་གི་ཐུགས་རེ་གཙོ་བོ་ཡིན་ཞེས་རྒྱ་རིགས་ཚན་རིག་པ་ཚོར་བཀའ་སྩལ་མཛད་འདུག
- ཨ་རིའི་ཕྱི་སྲིད་ལས་ཁུངས་ཀྱི་འཛིན་སྐྱོང་སྒྲོམ་གཞི་བསྐྱར་སྒྲིག་ཁྲོད། སྲིད་སྐྱོང་སྤེན་པ་ཚེ་རིང་ལགས་ཀྱིས་བོད་དོན་དམིགས་བསལ་འབྲེལ་མཐུད་པ་ཕྱི་སྲིད་དྲུང་ཆེའི་ཐད་ཀར་འོག་ལས་གནས་བསྐོ་བཞག་ཡོང་བའི་འབོད་སྐུལ་གནང་འདུག