རྒྱ་གར་ནང་གི་མའོ་གྱེན་ལོག་པའི་ལས་འགུལ་ལ་བློ་འཚབ།

༄༅༎རྒྱ་གར་གྱི་སྲིད་བློན་མཱན་མོ་ཧན་སིང་མཆོག་གིས་བར་ལམ་ནས་རྒྱལ་ཁབ་ནང་མའོ་གྱེན་ལོག་པའི་ལས་འགུལ་ཤུགས་ཆེ་ཏུ་འགྲོ་བཞིན་པ་དང་པ་ཀི་སི་ཐན་ནས་དྲག་རྒོལ་བ་རྒྱ་གར་ནང་བཙན་འཛུལ་བྱེད་བཞིན་པ་དེར་གདོང་ལེན་གནང་ཕྱོགས་ཐད་བློ་འཚབ་བཏོན་གནང་ཡོད་པའི་གནས་ཚུལ་ཐོན་འདུག

སྲིད་བློན་མཱན་མོ་ཧན་སིང་མཆོག་གིས་ཆེས་མཐོའི་དཔོན་རིགས་ཀྱི་འདུ་འཛོམས་ཐོག་རྒྱལ་ཁབ་ཁྱོན་ཡོངས་སུ་མའོ་གྱེན་ལོག་པས་རྒྱལ་ཁབ་ནང་གི་སྲུང་སྐྱོབ་ལ་ཉེན་ཁ་ཆེན་པོ་བཟོས་ཡོད་པས་དཀའ་ངལ་དེར་གདོང་ལེན་ནུས་པ་ཐོན་པ་གནང་དགོས་པའི་སྐུལ་དེད་ནན་པོ་གནང་ཡོད་འདུག རྒྱ་ནག་ནང་མའོ་གྱེན་ལོག་པའི་ལས་འགུལ་ཕྱི་ལོ་༡༩༦༧ལོར་འགོ་བཙུགས་པ་ནས་བཟུང་མངའ་སྡེ་ཉི་ཤུ་རྩ་དགུ་ནས་ད་ཆ་མངའ་སྡེ་ཉི་ཤུའི་ནང་ཁྱབ་གདལ་ཕྱིན་ཡོད་པ་མ་ཟད་འདི་ལོ་རང་ལ་ཡུལ་མི་༥༨༠ཐམ་པའི་ཚེ་སྲོག་ཤོར་ཡོད་པ་རེད། སྲིད་བློན་མཱན་མོ་ཧན་སིང་མཆོག་གིས་གོང་ཞུས་དཔོན་རིགས་ཀྱི་ཚོགས་འདུའི་སར་གཞུང་གིས་ད་བར་མའོ་གྱེན་ལོག་ཤོག་ཁག་གི་ལས་འགུལ་ཚར་གཅོད་བྱེད་རྒྱུར་ནུས་པ་ཐོན་པའི་ལས་འགུལ་སྤེལ་ཐུབ་མེད་པས་མ་འོངས་པར་འདི་མུར་འཇོག་ཐབས་མེད་ལུགས་གསུངས་གནང་འདུག་ཀྱང་སྲིད་བློན་གྱིས་བར་ལམ་ནས་རྒྱ་གར་དང་པ་ཀི་སི་ཐན་གྱི་ས་མཚམས་ནས་དྲག་རྒོལ་བ་བཙན་འཛུལ་བྱེད་མཁན་ཇེ་མང་དུ་ཕྱིན་ཡོད་པ་མ་ཟད་བལ་ཡུལ་དང་བཱང་ལ་རྡེཤི་གཉིས་ནས་ཀྱང་བཙན་འཛུལ་བྱེད་མཁན་ཡོད་པས་དེ་དག་གི་ཐགོ་ལའང་ཟབ་ཟབ་གནང་དགོས་པའི་སྐུལ་མ་གནང་ཡོད་འདུག།