བླ་མ་རྫུན་མ་ལས་འཕྲོས་བའི་སྐྱོན་བརྗོད་རྩོམ་ཡིག་སྤེལ་བ།
2015.12.23
གླིང་སྒྲུང་དང་བོད་རིག་པའི་ཆེད་མཁས་པ་འཇམ་དཔལ་རྒྱ་མཚོ་ལགས།
དྲ་བཤུས།
འཇམ་དཔལ་རྒྱ་མཚོ་ལགས་ཀྱིས་རྒྱ་ནག་གི་འཐབ་ཕྱོགས་གཅིག་གྱུར་གྱི་བློན་ཆེན་གཞོན་པ་ཟུར་བ་ཀྲུའུ་ཝེ་ཆོན་ལ་སྐྱོན་བརྗོད་རྩོམ་ཡིག་སྤེལ་འདུག
ཉེ་བའི་ཆར་༧གོང་ས་སྐྱབས་མགོན་ཆེན་པོ་མཆོག་གིས་ISISདྲག་སྤྱོད་པར་གདུང་སེམས་མཉམ་སྐྱེད་བྱེད་ཀྱི་འདུག་ཞེས་སྐྱོན་བརྗོད་ཞུ་མཁན་རྒྱ་ནག་གི་འཐབ་ཕྱོགས་གཅིག་གྱུར་གྱི་བློན་ཆེན་གཞོན་པ་ཟུར་བ་ཀྲུའུ་ཝེ་ཆོན་ལ་དེ་སྔ་ཕྱི་ལོ་༡༩༥༠ཐམ་པའི་ནང་རྒྱ་ནག་གུང་ཁྲན་ཏང་གི་དཔོན་རིགས་དང་ལྷན་དུ་ཕྱག་ལས་གནང་མྱོང་མཁན་དང་། ཤེས་ཡོན་རིག་གནས་ལ་མཁས་ཞིང་། སྤྱི་ཚོགས་ནང་ཧ་ཅང་ཆེས་མཐོང་ཡོད་པའི་བོད་རིགས་རྒན་གྲས་འཇམ་དཔལ་རྒྱ་མཚོ་ལགས་ཞུ་བས་སྐྱོན་བརྗོད་ཞུས་པའི་ནང་། ཀྲོའུ་ཝེ་ཆོན་གྱིས་༧གོང་ས་སྐྱབས་མགོན་ཆེན་པོ་མཆོག་གིས་དེང་སང་རྒྱ་ནག་དང་། ཧོང་ཀོང་སོགས་ནང་དངུལ་གྱི་ཆེད་དུ་བླ་མ་རྫུན་མ་ངོས་འཛིན་བྱས་ནས་མི་མང་ལ་བཤུ་གཞོག་བྱེད་བཞིན་པར་ཐུགས་ཚབས་ཆེན་པོ་ཡོད་ལུགས་ཐེངས་མང་གསུངས་པ་བཞིན་ད་སྐབས་རྒྱ་ནག་ནང་བླ་མ་རྫུན་མ་བྱུང་བཞིན་པ་དེ་ཚོར་ཁ་གཏད་བྱ་རྒྱུའི་ཚབ་ཏུ་རྒྱལ་གཅེས་བློ་མཐུན་དང་། བོད་མིའི་བླ་མ་སོགས་ལ་སྐུར་བ་འདེབས་པ་སོགས་ཀྱི་ངན་ཇུས་བཤམ་པར་སྐྱོན་བརྗོད་ཀྱི་རྩོམ་བྲིས་ཞིག་སྤེལ་ཡོད་པ་དང་། རྗེས་སུ་རྩོམ་ཡིག་དེ་རྒྱ་ནག་དང་བོད་ནང་གི་དྲ་རྒྱ་མང་པོ་ནས་ཕྱིར་འཐེན་བྱས་ཡོད་འདུག
དེ་ནི་དེ་སྔ་རྒྱ་ནག་ནང་བྱུང་མྱོང་མེད་པའི་གནས་ཚུལ་ཞིག་ཡིན་པ་དང་། རྒྱ་ཡིག་གི་ཐོག་བྲིས་པའི་རྩོམ་བྲིས་དེ་རྒྱལ་སྤྱིའི་བོད་དོན་ལས་འགུལ་ཁང་གིས་དབྱིན་ཡིག་ཐོག་བསྒྱུར་འདུག
ཕྱི་ལོ་༢༠༡༠ལོ་བར་རྒྱ་ནག་གཞུང་དང་། བོད་མིའི་སྐུ་ཚབ་དབར་ཞི་མོལ་ཐེངས་མང་གནང་སྐབས་ཀྲོའུ་ཝེ་ཆོན་ཁོང་གྲངས་ཉུང་མི་རིགས་དང་རྒྱ་ནག་ཆོས་དོན་ལྷན་ཁང་གི་གཙོ་འཛིན་ཡིན་པའི་ཆ་ནས་ཁོང་དང་ལྷན་དུ་༧གོང་ས་སྐྱབས་མགོན་ཆེན་པོ་མཆོག་གི་སྐུ་ཚབ་རྣམ་པས་མཇལ་འཕྲད་གྲོས་མོལ་གནང་མྱོང་ཡོད་པ་རེད།
གསར་འགོད་པ་ཚེ་དབང་དངོས་གྲུབ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨེ་ཤེ་ཡ་རང་དབང་རླུང་འཕྲིན་ཁང་གི་སྐད་ཡིག་སྡེ་ཚན་ཕལ་ཆེ་བ་སྒོ་བརྒྱབ་རྒྱུའི་གསལ་བསྒྲགས།
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- བཀའ་ཟུར་བཀྲ་ཤིས་དབང་འདུས་ལགས་འདས་གྲོངས་སུ་གྱུར་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཨ་རྒྱ་གཉིས་ཀྱི་ཚོང་དམག་ཁྲོད་བཟོ་གྲྭ་མང་པོ་སྒོ་བརྒྱབ་པའི་རྐྱེན་གྱིས་རྒྱ་ནག་གི་ས་ཁུལ་གང་སར་ལས་མིས་ངོ་རྒོལ་བྱེད་བཞིན་འདུག
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- ༸གོང་ས་༸སྐྱབས་མགོན་ཆེན་པོ་མཆོག་གི་གོ་སྟོན་དང་བསྟུན་སྐུ་ཚེའི་ལོ་རྒྱུས་སྐོར་གྱི་གློག་བརྙན་སྐུ་མདུན་ཞེས་པ་ཨ་རིའི་ཊེ་བྷེ་ཀ་གློག་བརྙན་དུས་སྟོན་ཐོག་གཟིགས་འབུལ་ཞུ་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཚང་མ་མཐུན་སྒྲིལ་ཐོག་མཉམ་གནས་ཐུབ་རྒྱུ་དེ་མགོན་པོ་མཆོག་གི་ཐུགས་རེ་གཙོ་བོ་ཡིན་ཞེས་རྒྱ་རིགས་ཚན་རིག་པ་ཚོར་བཀའ་སྩལ་མཛད་འདུག
- ཨ་རིའི་ཕྱི་སྲིད་ལས་ཁུངས་ཀྱི་འཛིན་སྐྱོང་སྒྲོམ་གཞི་བསྐྱར་སྒྲིག་ཁྲོད། སྲིད་སྐྱོང་སྤེན་པ་ཚེ་རིང་ལགས་ཀྱིས་བོད་དོན་དམིགས་བསལ་འབྲེལ་མཐུད་པ་ཕྱི་སྲིད་དྲུང་ཆེའི་ཐད་ཀར་འོག་ལས་གནས་བསྐོ་བཞག་ཡོང་བའི་འབོད་སྐུལ་གནང་འདུག