༧གོང་ས་མཆོག་གིས་དུས་དབང་ཐེངས་༣༣པའི་སྟ་གོན་གནང་བ།
2014.07.10
༧གོང་ས་མཆོག་གིས་དུས་དབང་ཐེངས་༣༣པའི་སྟ་གོན་གནང་བཞིན་པ། ༢༠༡༤།༧།༡༠
ཨེ་ཤེ་ཡ་རང་དབང་རླུང་འཕྲིན། འཇིགས་མེད་སྙན་གྲགས།
དོལ་རྒྱལ་བསྟེན་མཁན་རིགས་དབང་གྲལ་དུ་བསྡད་ན་དམ་ཚིག་ཉམ་པའི་རྒྱུར་འགྲོ་རྒྱུ་དང་མི་སྒེར་སོ་སོས་བསྟེན་མིན་རང་དབང་ཡིན་པ་གསུངས་འདུག
དེ་ཡང་འདི་གའི་གསར་འགོད་པས་གནས་ཚུལ་བཏང་དོན། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་རྒྱ་གར་ལ་དྭགས་སླེ་གྲོང་ཁྱེར་གྱི་ཞི་བའི་ཚལ་དུ། དཔལ་དུས་ཀྱི་འཁོར་ལོའི་དབང་ཆེན་ཐེངས་༣༣་པའི་སྔོན་འགྲོའི་བཀའ་དབང་བསྩལ་གྲུབ་ནས། ཚེས་༡༠ཉིན་གྱི་སྔ་དྲོ་༧གོང་ས་མཆོག་དབུ་བཞུགས་ཐོག་སེམས་སྐྱེད་ཆོ་ག་དང་། ཉིན་རྒྱབ་སྔོན་འགྲོའི་སྟ་གོན་བསྩལ་ཡོད་པ་རེད། ཕྱོགས་མཚུངས་ཆོས་ཞུ་བ་སྐྱ་བོ་རྣམས་ལ་དགེ་བསྙེན་སྡོམ་པ་གནང་བ་དང་། དགེ་བསྙེན་སྡོམ་པའི་བསླབ་གཞི་ལྔ་ནི། སྲོག་གཅོད་པ། མ་བྱིན་པར་ལེན་པ། ལོག་གཡེམ། མི་ཆོས་བླ་མའི་རྫུན་བཅས་ནས་རང་རང་སོ་སོས་བློས་བཅད་ཀྱིས་བསླབ་གཞི་ལྔ་ནས་སྣེ་གཅིག་གམ་ལྔ་བར་སྲུང་རྒྱུའི་སྡོམ་པ་དང་། དེ་རྗེས་བྱང་ཆུབ་སེམས་དཔའི་སྡོམ་པ་འབོགས་ཆོག་མཛད་ཡོད་པ་རེད། འོན་ཀྱང་༧གོང་ས་མཆོག་གིས། དོལ་རྒྱལ་བསྟེན་མཁན་རིགས་དབང་གྲལ་དུ་བསྡད་ན་དམ་ཚིག་ཉམ་པའི་རྒྱུར་འགྲོ་རྒྱུ་ཡིན་པས་ཞུགས་ན་མི་འགྲིག་པ་གསུངས་པ་དེ་ལྟར་ཡང་མི་སྒེར་པ་སོ་སོས་དོལ་རྒྱལ་ལ་བསྟེན་དང་མི་བསྟེན་རང་དབང་རེད་ཅེས་གསལ་པོར་གསུངས་ཡོད་ཅིང་། ༧གོང་ས་མཆོག་གིས་སྤྱིར་ཆོས་ལུགས་ཚང་མར་གུས་བཀུར་བྱེད་དགོས་པ་དང་། ལྷག་པར་བོད་ཀྱི་ཆོས་བརྒྱུད་ས་དགེ་བཀའ་རྙིང་བོན་དང་བཅས་པ་ནང་ཁུལ་མཐུན་བསྒྲིལ་གནང་རྒྱུ་ཤིན་ཏུ་བྱ་གལ་ཆེ་བ་དང་། དེ་ཡང་ཆོས་བརྒྱུད་ཚང་མས་ཆོས་བརྒྱུད་གཞན་ལ་བསླབ་པ་སློབ་གཉེར་གནང་སྟེ་ཆོས་ལུགས་རིས་མེད་བྱ་དགོས་པའི་གལ་འགངས་ནན་པོར་བཀའ་སློབ་སྩལ་གནང་མཛད་འདུག ད་དུང་༧གོང་ས་མཆོག་གིས་གང་ཉིད་ཞབས་ཀྱིས་མ་བཅག་པའི་ཕྱི་རྒྱལ་ཡུལ་གྲུ་འབར་མ་དང་། པེ་རུ་ལ་སོགས་པ་ནས་ཕེབས་པའི་ཆོས་ཞུ་བ་ཚོར་ཟུར་མཇལ་གནང་ཡོད་པ་དང་། ད་ལྟ་ཕྱི་རྒྱལ་ཡུལ་གྲུ་ཁག་ནས་འབྱོར་བའི་ཆོས་ཞུ་བ་དེབ་བསྐྱེལ་གནང་བའི་གྲངས་འབོར་ཆིག་འབུམ་བཞི་ཁྲི་བཞི་སྟོང་ཙམ་ཡོད་པ་གྲ་སྒྲིག་ཚོགས་ཆུང་གིས་ཁྱབ་བསྒྲགས་གནང་འདུག
གསར་འགོད་པ་ཚེ་བརྟན་རྣམ་རྒྱལ་དང་འཆི་མེད།
ཞིབ་ཕྲ་འདི་གའི་ཆེད་གཏོང་གསར་འགོད་པ་པ་སངས་ཚེ་རིང་གིས་བཏང་བའི་གནས་ཚུལ་ལ་གསན་རོགས།
ཞིབ་ཕྲ་འདི་གའི་ཆེད་གཏོང་གསར་འགོད་པ་བློ་བྷེ་ཡིས་བཏང་བའི་གནས་ཚུལ་ལ་གསན་རོགས།
ཞིབ་ཕྲ་འདི་གའི་ཆེད་གཏོང་གསར་འགོད་པ་སྐལ་ལྡན་བློ་གྲོས་ལགས་སུ་གནས་འདྲི་བྱས་བར་གསན་རོགས།
བལྟ་བཤེར་མང་ཤོས་བྱས་པའི་གནས་ཚུལ།
RFA
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།
- ༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ཁག་ཆེ་བའི་དུས་སྐབས་འདིར་༸རྒྱལ་དབང་རིན་པོ་ཆེ་ཡོད་བསམ་ནས་བློ་བདེ་པོ་བྱོས་ཞེས་མཇལ་བཅར་བ་ཚོར་བཀའ་སྩལ་མཛད་འདུག
- ཨེ་ཤེ་ཡ་རང་དབང་རླུང་འཕྲིན་ཁང་གི་སྐད་ཡིག་སྡེ་ཚན་ཕལ་ཆེ་བ་སྒོ་བརྒྱབ་རྒྱུའི་གསལ་བསྒྲགས།
- ༸རྒྱལ་བའི་ཡང་སྲིད་དང་། རྒྱ་ནག་དམར་ཤོག་གཞུང་གི་ངན་བྱུས།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཡུ་རོབ་གྲོས་ཚོགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཡང་སྲིད་ངོས་འཛིན་གནང་སྒོར་རྒྱ་ནག་གཞུང་གིས་ཐེ་གཏོགས་བྱེད་པར་སྐྱོན་བརྗོད་ཀྱི་གྲོས་ཆོད་ཚད་མཐོའི་མང་མོས་ཐོག་གཏན་འབེབས་གནང་འདུག
- ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་དང་། ཡུ་གུར། འབར་མའི་སྐད་ཡིག་སྡེ་ཚན་གྱི་ལས་དོན་མཚམས་འཇོག་བྱེད་རྒྱུའི་གསལ་བསྒྲགས།
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- ཨ་རིའི་ཕྱི་སྲིད་ལས་ཁུངས་ཀྱི་འཛིན་སྐྱོང་སྒྲོམ་གཞི་བསྐྱར་སྒྲིག་ཁྲོད། སྲིད་སྐྱོང་སྤེན་པ་ཚེ་རིང་ལགས་ཀྱིས་བོད་དོན་དམིགས་བསལ་འབྲེལ་མཐུད་པ་ཕྱི་སྲིད་དྲུང་ཆེའི་ཐད་ཀར་འོག་ལས་གནས་བསྐོ་བཞག་ཡོང་བའི་འབོད་སྐུལ་གནང་འདུག
- ཧོང་ཀོང་དུ་སངས་རྒྱས་ཀྱི་རིང་བསྲེལ་རིན་བསྡུར་ཚོང་སྒྱུར་བྱེད་འཆར་ལ་རྒྱ་གར་གཞུང་གིས་སྐྱོན་བརྗོད་དང་སྦྲགས། རིང་བསྲེལ་རང་གནས་སུ་ཕྱིར་སློག་དགོས་པ་བསྒྲགས་འདུག