བཀའ་ཁྲི་བློ་བཟང་སེང་གེ་མཆོག་གཞུང་འབྲེལ་ཕྱོགས་ཕེབས།

༄༅༎བཙན་བྱོལ་བོད་གཞུང་གི་བཀའ་བློན་ཁྲི་པ་བློ་བཟང་སེང་གེ་མཆོག་ཨ་མི་རི་ཀའི་ནང་གི་གཙུག་ལག་སློབ་གྲ་ཞིག་ནང་གསུང་བཤད་གནང་བར་གདན་ཞུ་བྱས་པ་ལྟར་ཕྱི་ཟླ་གཉིས་པའི་ཚེས་༡༥ ཉིན་བཞུགས་སྒར་རྡ་རམ་ས་ལ་ནས་ཕེབས་ཐོན་གནང་གི་ཡོད་པ་རེད།
དེ་རིང་བཙན་བྱོལ་བོད་གཞུང་གི་དྲ་རྒྱའི་ཐོག་གནས་ཚུལ་བཀོད་པར་གཞིགས་ན། བཀའ་ཁྲི་མཆོག་ཕྱི་ཟླ་གཉིས་པའི་ཚེས་༡༥ རེས་གཟའ་ལྷག་པའི་ཕྱི་དྲོ་བཞུགས་སྒར་རྡ་རམ་ས་ལ་ནས་ཕེབས་ཐོན་གནང་སྟེ། ཕྱི་ཚེས་༡༦ ཉིན་རྒྱ་གར་གྱི་རྒྱལ་ས་ལྡི་ལིར་ཕེབས་རྒྱུ་དང༌། དེ་ནས་ཉིན་དེར་རྒྱལ་ས་ལྡི་ལི་ནས་དབྱིན་ཇིའི་རྒྱལ་ས་ལོན་ཌོན་བརྒྱུད་ཨ་རིའི་གྲོང་ཁྱེར་ནེའུ་ཡོག་ཏུ་ཕེབས་ཏེ་ཉིན་གྲངས་བཞིའི་རིང་སྐུ་སྒེར་གྱི་དགུང་སེང་དུ་བཞུགས་རྒྱུ་ཡིན་པ་རེད། དེ་ནས་ཕྱི་ཟླ་གཉིས་པའི་ཚེས་༢༡ ཉིན་ཨ་རིའི་གཙུག་ལག་སློབ་གྲ་ཆེན་མོ་ཞིག་ཏུ་གསུང་བཤད་གནང་རྒྱུ་དང༌། ཕྱི་ཚེས་༢༥ ནས་༢༦ ཉིན་གྲངས་གཉིས་རིང་གྲོང་ཁྱེར་ནེའུ་ཡོག་དང༌། ཁེ་ན་ཊའི་གྲོང་ཁྱེར་ཊོ་རན་ཊོ་ཁུལ་དུ་གནས་སྡོད་བོད་མི་རྣམས་ལ་གསུང་བཤད་གནང་རྒྱུ། དེ་རྗེས་ཨ་རིའི་གྲོང་ཁྱེར་ནེའུ་ཡོག་ཏུ་ཕེབས་ཏེ། ནེའུ་ཡོག་ནས་Italy གྲོང་ཁྱེར་Milan ལ་དུ་འཚམས་འདྲིར་ཕེབས་ཐོན་གནང་སྟེ། ཕྱི་ཚེས་༢༧ ནས་༢༩ བར་ཨི་ཊ་ལི་མངའ་ཁོངས་ཀྱི་རང་སྐྱོང་ས་ཁུལ་ལྷོ་ཊའེ་རོལ་དང་ཊེརེན་ཊི་ནོ་གཉིས་ཀྱི་མཐོ་རིམ་དཔོན་རིགས་ཁག་ཅིག་དང་མཇལ་འཕྲད་ཞུ་རྒྱུ་མ་ཟད། ཤེས་ཡོན་ལྟེ་གནས་ཁང་ཞིག་ཏུ་གསུང་བཤད་གནང་ཡིན་ཞིང༌། དེ་རྗེས་ཨ་ཡར་ལེན་ཊའི་རྒྱལ་ས་ཌབ་ལིན་དུ་མཐོ་རིམ་སློབ་གྲ་ཞིག་ནས་བཀའ་ཁྲི་མཆོག་ལ་གསེར་གྱི་གཟེངས་རྟགས་ཤིག་འབུལ་ལམ་ཞུ་གི་ཡོད་པ་རེད།