ཨ་རིའི་མཐོ་སློབ་ཁང་ཞིག་ཏུ་བོད་སྐོར་གསུང་བཤད།
2012.02.27
༄༅༎བཙན་བྱོལ་བོད་མིའི་སྒྲིག་འཛུགས་ཀྱི་བཀའ་བློན་ཁྲི་པ་བློ་བཟང་སེང་གེ་མཆོག་གིས་ཨ་རིའི་ཀ་ནེ་ཀྲི་ཀེཏ་མངའ་སྡེའི་WCSU ཞེས་པའི་གཙུག་ལག་སློབ་གཉེར་ཁང་ནང་བཙན་བྱོལ་བོད་མིའི་མང་གཙོའི་གནས་བབས་སྐོར་བཀའ་སློབ་གསུང་བཤད་གནང་བའི་གནས་ཚུལ་འདུག དེ་ཡང་བཙན་བྱོལ་བོད་མིའི་སྒྲིག་འཛུགས་ཀྱི་དྲ་གནས་ཀྱི་ཐོག་གནས་ཚུལ་འགྲེམས་སྤེལ་གནང་བར་གཞིགས་ན།བཀའ་བློན་ཁྲི་པ་བློ་བཟང་སེངྒེ་ལགས་ཀྱིས་བདུན་སྔོན་མའི་རེས་གཟའ་མིག་དམར་ཉིན་གོང་ཞུས་ཨ་རིའི་གཙུག་ལག་སློབ་གཉེར་ཁང་དེར་བོད་ནང་དེང་སྐབས་རྒྱ་དམར་གཞུང་ལ་ངོ་རྒོལ་གྱི་ལས་འགུལ་མུ་མཐུད་སྤེལ་བཞིན་ཡང་མཐའ་མ་དེར་བོད་ཀྱི་དཀའ་རྙོགས་དེ་ཞི་བའི་ངང་སེལ་བའི་རེ་བ་ཡོད་སྐོར་གསུངས་འདུག ཁོང་གིས་རང་ཉིད་བཙན་བྱོལ་བོད་མིས་འོས་འདེམས་གནང་བའི་བཀའ་བློན་ཁྲི་པ་གཅིག་ཡིན་པའི་ཆ་ནས་དམིགས་ཡུལ་བོད་ནང་རང་ལུས་མེར་བསྲེག་གི་གནས་ཚུལ་གཙོས་དྲག་གནོན་དེ་དག་མཚམས་འཇོག་ཡོང་རྒྱུར་འབད་ཐབས་གནང་རྒྱུ་ཡིན་སྐོར་གསུངས་འདུག གཙུག་ལག་སློབ་གཉེར་ཁང་གི་གཙོ་འཛིན་སྐུ་ཞབས་ཇེམ་སི་ཤི་མོ་ཀྲར་ཡིས་བཀའ་བློན་ཁྲི་པ་མཆོག་གི་གསུང་བཤད་དེ་གསན་པའི་རྗེས་ད་ཐེངས་བཀའ་བློན་ཁྲི་པ་མཆོག་གི་གསུང་བཤད་གསན་མཁན་རྣམས་ལ་བོད་ཀྱི་གནས་ཚུལ་མང་དག་མཁྱེན་རྟོགས་ཡོང་རྒྱུར་ཕན་ཐོག་བྱུང་ཡོད་སྐོར་གསུང་འདུག།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨེ་ཤེ་ཡ་རང་དབང་རླུང་འཕྲིན་ཁང་གི་སྐད་ཡིག་སྡེ་ཚན་ཕལ་ཆེ་བ་སྒོ་བརྒྱབ་རྒྱུའི་གསལ་བསྒྲགས།
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- བཀའ་ཟུར་བཀྲ་ཤིས་དབང་འདུས་ལགས་འདས་གྲོངས་སུ་གྱུར་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཨ་རྒྱ་གཉིས་ཀྱི་ཚོང་དམག་ཁྲོད་བཟོ་གྲྭ་མང་པོ་སྒོ་བརྒྱབ་པའི་རྐྱེན་གྱིས་རྒྱ་ནག་གི་ས་ཁུལ་གང་སར་ལས་མིས་ངོ་རྒོལ་བྱེད་བཞིན་འདུག
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- ༸གོང་ས་༸སྐྱབས་མགོན་ཆེན་པོ་མཆོག་གི་གོ་སྟོན་དང་བསྟུན་སྐུ་ཚེའི་ལོ་རྒྱུས་སྐོར་གྱི་གློག་བརྙན་སྐུ་མདུན་ཞེས་པ་ཨ་རིའི་ཊེ་བྷེ་ཀ་གློག་བརྙན་དུས་སྟོན་ཐོག་གཟིགས་འབུལ་ཞུ་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཚང་མ་མཐུན་སྒྲིལ་ཐོག་མཉམ་གནས་ཐུབ་རྒྱུ་དེ་མགོན་པོ་མཆོག་གི་ཐུགས་རེ་གཙོ་བོ་ཡིན་ཞེས་རྒྱ་རིགས་ཚན་རིག་པ་ཚོར་བཀའ་སྩལ་མཛད་འདུག
- ཨ་རིའི་ཕྱི་སྲིད་ལས་ཁུངས་ཀྱི་འཛིན་སྐྱོང་སྒྲོམ་གཞི་བསྐྱར་སྒྲིག་ཁྲོད། སྲིད་སྐྱོང་སྤེན་པ་ཚེ་རིང་ལགས་ཀྱིས་བོད་དོན་དམིགས་བསལ་འབྲེལ་མཐུད་པ་ཕྱི་སྲིད་དྲུང་ཆེའི་ཐད་ཀར་འོག་ལས་གནས་བསྐོ་བཞག་ཡོང་བའི་འབོད་སྐུལ་གནང་འདུག