ཐའེ་ལྦན་གྲོང་ཁྱེར་ཀའོ་ཞུང་གི་སྤྱི་ཁྱབ་རྒྱ་ནག་ཏུ་འཚམས་གཟིཌ།

༄༅༎ཐེ་ལྦན་གྱི་གྲོང་ཁྱེར་ཆེ་གྲས་གཉིས་པ་ཀའོ་ཞུང་གྲོང་ཁྱེར་གྱི་སྤྱི་ཁྱབ་བདུན་ཕྲག་འདིའི་ནང་རྒྱ་ནག་ཏུ་འཚམས་འདྲིའི་གཟིགས་སྐོར་དུ་ཕེབས་ཀྱི་ཡོད་པ་རེད་ཅེས་དེ་རིང་གཞུང་འབྲེལ་གསལ་སྟོན་གནང་བཞག

ཐེ་ལྦན་ཀའོ་ཞུང་གྲོང་ཁྱེར་གྱི་སྤྱི་ཁྱབ་ལྕམ་ཁྲེན་ཁྲུས་རེས་གཟའ་ཕུར་བུ་ནས་འགོ་བཙུགས་ཀྱིས་ཉིན་བཞིའི་རིང་རྒྱ་ནག་གི་རྒྱལ་ས་པེ་ཅིང་དང་གྲོང་ཁྱེར་ཧྲང་ཧད་ནང་རྒྱལ་དོན་འཚམས་འདྲིའི་གཟིགས་སྐོར་གནང་གི་ཡོད་པ་རེད། ཡང་ཀའོ་ཞུང་གྲོང་ཁྱེར་གཞུང་གིས་གསུངས་ན་གྲོང་ཁྱེར་སྤྱི་ཁྱབ་ཁྲེན་པེ་ཅིང་དང་ཧྲང་ཧད་ནང་འཚམས་འདྲིའི་གཟིགས་སྐོར་གནང་རྒྱུ་དང་སྦྲགས་གྲོང་ཁྱེར་དེ་གཉིས་ཀྱི་སྤྱི་ཁྱབ་མཉམ་དུ་ཡང་མཇལ་འཕྲད་གནང་རྒྱུ་ཡིན་པ་རེད་ཅེས་གསུངས་འདུག ཀའོ་ཞུང་གྲོང་ཁྱེར་སྤྱི་ཁྱབ་ལྕམ་ཁྲེན་རྒྱ་ནག་ནང་གཞུང་འབྲེལ་འཚམས་འདྲིའི་གཟིགས་སྐོར་གནང་བ་དང་དུས་མཚུངས་རིང་མིན་ཕྱི་ཟླ་བདུན་པའི་ནང་ཀའོ་ཞུང་ནང་སྐོང་འཚོགས་གནང་རྒྱུའི་རྒྱལ་སྤྱིའི་རྩེད་འགྲན་འགྲན་བསྡུར་གྱི་ལས་དོན་ཐོག་ཏུའང་ཁྱབ་བསྒྲགས་གནང་སྟེ་སྐབས་དེར་རྒྱ་ནག་སྐམ་ས་ཆེན་མོ་ནས་ཀའོ་ཞུང་ནང་ཡུལ་སྐོར་སྤྲོ་འཆམ་པ་མང་ཙམ་ཕེབས་ཐུབ་པའ་རེ་སྐུལ་ཡང་གནང་གི་ཡོད་པ་རེད། ལྕམ་ཁྲེན་ཀའོ་ཞུང་གྲོང་ཁྱེར་སྤྱི་ཁྱབ་ཏུ་གཞུང་འབྲེལ་འོས་འདེམས་མ་བྱུང་གོང་ཐེ་ལྦན་མང་གཙོ་ཡར་ཐོན་ཚོགས་པའི་ངལ་རྩོལ་གྱི་བློན་ཆེན་དང་དེ་བཞིན་འགྲོ་བ་མིའི་ཐོབ་ཐང་དར་སྤེལ་གཏོང་གནང་མཁན་གྱི་བེུད་ཅིག་ཡིན་པ་རེད།