བོད་ནང་གངས་བབས་རྗེས་འགྲུལ་འཁོར་བསྐྱར་དུ་འགྲོ་འགོ་ཚུཌ།

༄༅༎གངས་ཆེན་པོ་བབས་ནས་ཉིན་ཤས་རིང་འགྲོ་ལམ་འགག་པའི་བོད་རང་སྐྱོང་ལྗོངས་དང་ཤིན་ཅང་ཡུ་གུར་རང་སྐྱོང་མངའ་ཁུལ་གཉིས་དབར་འབྲེལ་མཐུད་བྱེད་མཁན་གཞུང་ལམ་ཐོག་ད་ཆ་འགྲུལ་འཁོར་བསྐྱར་དུ་འགྲོ་རྒྱུག་བྱེད་འགོ་ཚུགས་ཡོད་སྐོར་རྒྱ་ནག་གཞུང་འབྲེལ་ཤིན་ཧྭ་གསར་ལས་ཁང་གིས་གནས་ཚུལ་སྤེལ་བཞག།

གསར་འགོད་པ་ཊོམ་ཕེ་རོན་གྱིས་ བོད་ནང་གངས་ཆེན་པོ་བབ་ཡུལ་ ཡ་དོང་རྫོང་གི་ ཕག་རི་ས་ཁུལ་ནང་ས་གནས་བོད་མི་ཚོས་གངས་ཀྱི་དཀའ་ངལ་ལ་གདོང་ལེན་བྱས་ནས་ཉིན་རེའི་འཚོ་བ་རྒྱུན་ལྡན་བཞིན་བསྐྱེལ་ཐབས་བྱེད་བཞིན་ཡོད་སྐོར་འགྲེལ་བརྗོད་གནང་འདུག། གཞུང་ལམ་འགའ་ཤས་ཐོག་གངས་མི་ཊར་གཅིག་ཙམ་བབས་ཡོད་ནའང༌། ཕག་རི་གྲོང་མཚོའི་མི་མང་གིས་སྔར་རྒྱུན་བཞིན་ཉིན་རེའི་འཚོ་བ་བསྐྱེལ་བཞིན་ཡོད་པ་རེད། ཐོག་མར་ཉིན་འགའ་ཤས་རིང་འགྲོ་ལམ་ཁ་བས་འགག་ཡོད་ནའང༌། ད་ཆ་ལམ་གཞུང་ཐོག་འགྲུལ་འཁོར་འགྲོ་འགོ་ཚུགས་ཡོད་པ་རེད།