བལ་ཡུལ་གླང་ཐང་ཁུལ་ནས་མི་༢༠༠ཙམ་རྐྱེན་འདས་སུ་སོང་འདུག
2015.05.06
ས་ཡོམ་གྱི་གོད་ཆག་ཕོག་སའི་བལ་ཡུལ་གླང་ཐང་། ༢༠༡༥།༥།
དྲ་བཤུས
བལ་ཡུལ་གྱི་ས་ཡོམ་གོད་ཆག་ཁྲོད་གླང་ཐང་ཞེས་བའི་ཁུལ་ནས་མི་གྲངས་༢༠༠ཙམ་རྐྱེན་འདས་སུ་སོང་ཡོད་པ་རེད།
དེ་ཡང་བལ་ཡུལ་རྒྱལ་ས་དང་བར་ཐག་སྤྱི་ལེ་༦༠ཙམ་ལས་མེད་པའི་རྒྱལ་སའི་བྱང་ཕྱོགས་ཁུལ་དུ་གནས་པའི་གྲགས་ཆེ་བའི་ཡུལ་སྐོར་སྤྲོ་འཆམ་པ་འགྲོ་ཡུལ་གླང་ཐང་ཞེས་པའི་གྲོང་ཚོ་དེར་། ས་ཡོམ་གྱི་རྐྱེན་པས་གྲོང་ཚོ་བྲག་དང་འདམ་པའི་འོག་གནན་ཏེ་ཕལ་ཆེར་མི་གྲངས་༢༠༠ཙམ་ཞིག་རྐྱེན་འདས་སུ་ཕྱིན་ཡོད་པ་དང་། ད་ཆ་ཉེན་ཡོལ་མྱུར་སྐྱོབ་པས་གྲོང་ཚོ་དེ་ནས་ཕྱི་རྒྱལ་བ་མི་དགུ་ཚུད་པའི་ཁྱོན་མི་༡༦༠ཙམ་གྱི་ཕུང་པོ་བཙལ་རྙེད་ཐུབ་པ་བྱུང་འདུག ཁ་ས་རེས་གཟའ་མིག་དམར་ཉིན་། གོང་ཞུས་གླང་ཐང་ཞེས་པའི་གྲོང་ཚོ་དེའི་མི་ཞིག་གིས། ད་རེས་སྤྱི་ཟླ་བཞི་པའི་ཚེས་༢༥ཉིན་གྱི་བལ་ཡུལ་གྱི་ས་ཡོམ་ཆེན་པོ་དེས་རྐྱེན་པས། གླང་ཐང་དུ་ཕལ་ཆེར་མི་གྲངས་༢༠༠་ཙམ་ཞིག་བྲག་དང་འདམ་པའི་འོག་བསད་ཡོད་པ་གསུངས་འདུག་ལ། ཡང་Rasuwaས་གནས་ཀྱི་དཔོན་རིགས་རྒུ་ཐམ་རི་མོའོ་ཞེས་པ་ཞིག་གིས གླང་ཐང་གྲོང་ཚོ་ཆ་ཚང་འདམ་པའི་འོག་ལ་མནན་ཡོད་ཅིང་། གྲོང་ཚོ་དེའི་ནང་ཁྱོན་ཁྱིམ་དུད་༦༠ཙམ་ཡོད་པ་དང་། ཡིན་ནའང་ཚང་མ་སོ་ཕག་དང་འདམ་པའི་འོག་མནན་ཡོད་ལ། རྐྱེན་འདས་སུ་ཕྱིན་པའི་མི་ཚོའི་ཕུང་པོ་ཆ་ཚང་ཚུར་བཏོན་ཐུབ་ཐབས་བྲལ་བ་ཞིག་ཡིན་པ་ཡང་གསུངས་འདུག
གཞན་ཡང་ཉེ་ཆར་སྤྱི་ཟླ་བཞི་པའི་ཚེས༢༥འི་ཉིན་གྱི་ས་ཡོམ་དེས། བལ་ཡུལ་གྱི་གྲོང་ཁྱེར་དང་གྲོང་གསེབ་ཁང་ནང་། ད་བར་ཁྱོན་མི་གྲངས་༧༦༥༠ལྷག་གི་ཚེ་སྲོག་འཕྲོག་ཟིན་ཡོད་པ་དང་། དེ་མིན་མི་གྲངས་ཆིག་ཁྲི་བཞི་སྟོང་ལྷག་ལ་རྨས་སྐྱོན་བཏང་ཡོད་པ་མ་ཟད། ད་དུང་ཁང་པ་དང་གནའ་ཤུལ་རྙིང་པ་མང་པོ་ཞིག་ལའང་གཏོར་སྐྱོན་ཆེན་པོ་བཏང་ཡོད་པ་རེད་འདུག ཡང་འཛམ་གླིང་འཕྲོད་བསྟེན་སྒྲིག་འཛུགས་ནས་གསུངས་ན། ཁོང་ཚོས་ད་ཆ་རྒྱལ་ས་ཀ་ཐཱ་མཎ་ཀྲོའི་ནང་སྐབས་འཕྲལ་གྱི་སྨན་ཁང་ལྔ་དང་རྒྱལ་སའི་ཕྱི་ཕྱོགས་སུ་སྨན་ཁང་ལྔ་བཙུགས་གནང་ཡོད་པ་རེད་འདུག
གསར་འགོད་པ་ཀུན་བཟང་རིག་འཛིན།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ཁག་ཆེ་བའི་དུས་སྐབས་འདིར་༸རྒྱལ་དབང་རིན་པོ་ཆེ་ཡོད་བསམ་ནས་བློ་བདེ་པོ་བྱོས་ཞེས་མཇལ་བཅར་བ་ཚོར་བཀའ་སྩལ་མཛད་འདུག
- ༸རྒྱལ་བའི་ཡང་སྲིད་དང་། རྒྱ་ནག་དམར་ཤོག་གཞུང་གི་ངན་བྱུས།
- ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་དང་། ཡུ་གུར། འབར་མའི་སྐད་ཡིག་སྡེ་ཚན་གྱི་ལས་དོན་མཚམས་འཇོག་བྱེད་རྒྱུའི་གསལ་བསྒྲགས།
- ཡུ་རོབ་གྲོས་ཚོགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཡང་སྲིད་ངོས་འཛིན་གནང་སྒོར་རྒྱ་ནག་གཞུང་གིས་ཐེ་གཏོགས་བྱེད་པར་སྐྱོན་བརྗོད་ཀྱི་གྲོས་ཆོད་ཚད་མཐོའི་མང་མོས་ཐོག་གཏན་འབེབས་གནང་འདུག
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཡེ་ཤུའི་བླ་ཆེན་པོབ་ལེའུ་བཅུ་བཞི་པ་མཆོག་ལ་འཚམས་འདྲི་མཛད་འདུག
- རྒྱ་ནག་གཞུང་གིས་ལོ་དགུའི་རིང་ཆུ་དང་གློག་གི་མཐུན་རྐྱེན་བཅད་པར་ཞུ་གཏུགས་བྱེད་མཁན་སྐལ་བཟང་ལགས་བཙོན་འཇུག་བྱས་འདུག
- ཧོང་ཀོང་དུ་སངས་རྒྱས་ཀྱི་རིང་བསྲེལ་རིན་བསྡུར་ལམ་ནས་ཚོང་སྒྱུར་བྱ་འཆར་ལ་རྒྱ་གར་གཞུང་གིས་དགག་བྱ་བྱས་རྐྱེན་རིན་བསྡུར་ཚོང་སྒྱུར་ཕྱི་བཤོལ་བྱས་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།