མི་གསོད་དོན་རྐྱེན་གྱི་དོགས་གཞིའི་ཁྲོད་དམར་བསད་བཏང་འདུག
2015.05.05
མགོ་ལོག་ནས་མི་གསོད་དོན་རྐྱེན་གྱི་དོགས་གཞིའི་ཁྲོད་མི་གཅིག་དམར་བསད་བཏང་སྐབས། ༢༠༡༥།༥།༣
དྲ་བཤུས
རྒྱ་གཞུང་ཉེན་རྟོག་པས་མགོ་ལོག་དར་ལག་རྫོང་ཁོངས་ནས་ཡིན་པའི་མི་ཞིག་ལ་མེ་མདའ་བརྒྱབ་སྟེ་དམར་བསད་བཏང་ཡོད་འདུག
དེ་ཡང་རྒྱ་ནག་གསར་འགྱུར་དྲ་བའམ་Chinanewsརྒྱ་ཡིག་གི་གསར་འགྱུར་དྲ་རྒྱའི་ཐོག་གནས་ཚུལ་སྤེལ་བའི་ནང་། ཟླ་འདིའི་སྤྱི་ཚེས་༣ཉིན་གྱི་ཞོགས་པར། མཚོ་སྔོན་ཉེན་རྟོག་པས་མགོ་ལོག་ཁུལ་དར་ལག་རྫོང་ཁོངས་ནས་བྱུང་བའི་མི་གསོད་དོན་རྐྱེན་ཞིག་དང་འབྲེལ་བ་ཡོད་པའི་དོགས་གཞིའི་འོག དྲ་རྒྱ་དེའི་ནང་དམར་བསད་བཏང་པའི་མི་དེའི་མིང་ལ་བློ་ཟེར་བ་ལས་མིང་སོགས་ཞིབ་ཕྲ་གསལ་པོར་བཀོད་མེད་པ་རེད། འོན་ཀྱང་དྲ་རྒྱའི་གསར་འགྱུར་དེའི་ནང་དམར་བསད་བཏང་པའི་མི་དེའི་སར་ནས་མེ་མདའ་ཞིག་ཀྱང་ལག་སོན་ཐུབ་ཡོད་ལུགས་བཀོད་འདུག
ཉེན་རྟོག་པས་ཉེས་ཅན་དོགས་གཞི་ཡོད་པའི་མི་དེ་བོད་རིགས་ཡིན་མིན་གསལ་པོར་བརྗོད་མེད་ཀྱང་། ཁོ་བོ་མགོ་ལོག་ཁུལ་དར་ལག་རྫོང་འབོ་སྤ་གྲོང་ཚོ་ནས་ཡིན་པ་དང་། སྤྱི་ལོ་ ༢༠༠༩ཟླ༥ཚེས་༢༠ཉིན་གྱི་ཕྱི་དྲོའི་ཆུ་ཚོད་༤་ཙམ་ལ་བློ་ཟེར་བའི་མིང་ཅན་དེ་དང་ཁོ་བོའི་ལག་རོགས་གསུམ་གྱིས་དར་ལག་རྫོང་གསང་རུ་མ་གྲོང་ཚོའི་ཕྱུག་ལས་ཨུ་ཡོན་ལྷན་ཁང་མདུན་སྐར་ཟེར་བ་ཞིག་ལ་མེ་མདའ་བརྒྱབ་སྟེ་བསད་པ་མ་ཟད། དེའི་བཟའ་ཟླ་པད་ཟེར་བ་ཞིག་ལ་ཡང་རྨས་སྐྱོན་བཏང་ནས་བྲོལ་བྱོལ་དུ་ཕྱིན་ཡོད་པ་རྒྱ་ཡིག་གི་གསར་འགྱུར་དྲ་རྒྱ་དེའི་ནང་བཀོད་ཡོད་པ་རེད། ད་དུང་གསར་འགྱུར་དེའི་ནང་བློ་ཟེར་བའི་མི་དེས་མི་གསོད་དོན་རྐྱེན་ཀྱི་གནད་དོན་དེ་སྤེལ་བ་ནས་བཟུང་རྒྱུན་དུ་མེ་མདའ་ཉར་བ་དང་། གྲོང་ཚོའི་ནང་དང་འབྲོག་སའི་མི་མང་ལ་དོན་མེད་བརྙས་བཅོས་བྱས་ཏེ། མང་ཚོགས་ནང་འཁོན་འཁྲུག་ཆེན་པོ་སློང་མཁན་ཞིག་ཡིན་པ་ཡང་བཀོད་ཡོད་པ་རེད། བློ་ཟེར་བའི་མི་དེས་མི་གསོད་དོན་རྐྱེན་བྱས་པའི་གནས་ཚུལ་བྱུང་རྗེས། མགོ་ལོག་ཁུལ་གྱི་ཉེན་རྟོག་པས་ཁོ་འཛིན་བཟུང་བྱེད་ཐབས་ཐེངས་མང་པོ་བྱས་ཀྱང་། ཁོ་བྲོས་བྱོལ་དུ་ཕྱིན་ནས་བཟུང་ཐུབ་མེད་པ་ཡིན་འདུག
འོན་ཀྱང་ཟླ་འདིའི་སྤྱི་ཚེས་༢ཉིན་དོགས་ཡོད་ཉེས་ཅན་དེ་མགོ་ལོག་དར་ལག་རྫོང་འབོ་སྤ་གྲོང་ཚོའི་ནང་གབ་སྡོད་བྱས་ཡོད་པ་ཤེས་རྟོགས་བྱུང་སྟབས། འཕྲལ་དུ་འཛིན་བཟུང་རུ་ཁག་ས་གནས་དེར་དངོས་སུ་ཕྱིན་ཞིང་། དེའི་ཕྱི་ཉིན་གྱི་ཞོགས་པའི་ཆུ་ཚོད་༧་པ་ཙམ་ལ། ཁོའི་ནང་དུ་འབྱོར་མཚམས་དོགས་ཡོད་ཉེས་ཅན་དེས་ག་ས་གར་བྲོས་ཐབས་བྱས་ཡོད་པར་བརྟེན། ཉེན་རྟོག་རུ་ཁག་ནས་ཁོ་པར་མེ་མདའ་བརྒྱབ་སྟེ་དམར་བསད་བཏང་ཡོད་འདུག་པ་དང་། བློ་ཟེར་བའི་མི་དེ་འཛིན་བཟུང་བྱ་ཐབས་ཀྱི་ལས་དོན་སྤེལ་བའི་དོན་རྐྱེན་ཁྲོད་ཉེན་རྟོག་པ་ཞིག་གི་རྐང་པར་མེ་མདའ་ཕོག་ནས་རྨས་སྐྱོན་ཕོག་ཡོད་ལུགས་གོང་ཞུས་གསར་ཁང་དེས་ཉེན་རྟོག་པ་ཞིག་གིས་བརྗོད་ཡོད་ལུགས་ལུང་འདྲེན་ཀྱང་བྱས་འདུག
གསར་འགོད་པ་སྤྱི་ཁྱབ་རྩོམ་སྒྲིག་པ་སྐལ་ལྡན་བློ་གྲོས།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ཁག་ཆེ་བའི་དུས་སྐབས་འདིར་༸རྒྱལ་དབང་རིན་པོ་ཆེ་ཡོད་བསམ་ནས་བློ་བདེ་པོ་བྱོས་ཞེས་མཇལ་བཅར་བ་ཚོར་བཀའ་སྩལ་མཛད་འདུག
- ༸རྒྱལ་བའི་ཡང་སྲིད་དང་། རྒྱ་ནག་དམར་ཤོག་གཞུང་གི་ངན་བྱུས།
- ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་དང་། ཡུ་གུར། འབར་མའི་སྐད་ཡིག་སྡེ་ཚན་གྱི་ལས་དོན་མཚམས་འཇོག་བྱེད་རྒྱུའི་གསལ་བསྒྲགས།
- ཡུ་རོབ་གྲོས་ཚོགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཡང་སྲིད་ངོས་འཛིན་གནང་སྒོར་རྒྱ་ནག་གཞུང་གིས་ཐེ་གཏོགས་བྱེད་པར་སྐྱོན་བརྗོད་ཀྱི་གྲོས་ཆོད་ཚད་མཐོའི་མང་མོས་ཐོག་གཏན་འབེབས་གནང་འདུག
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཡེ་ཤུའི་བླ་ཆེན་པོབ་ལེའུ་བཅུ་བཞི་པ་མཆོག་ལ་འཚམས་འདྲི་མཛད་འདུག
- རྒྱ་ནག་གཞུང་གིས་ལོ་དགུའི་རིང་ཆུ་དང་གློག་གི་མཐུན་རྐྱེན་བཅད་པར་ཞུ་གཏུགས་བྱེད་མཁན་སྐལ་བཟང་ལགས་བཙོན་འཇུག་བྱས་འདུག
- ཧོང་ཀོང་དུ་སངས་རྒྱས་ཀྱི་རིང་བསྲེལ་རིན་བསྡུར་ལམ་ནས་ཚོང་སྒྱུར་བྱ་འཆར་ལ་རྒྱ་གར་གཞུང་གིས་དགག་བྱ་བྱས་རྐྱེན་རིན་བསྡུར་ཚོང་སྒྱུར་ཕྱི་བཤོལ་བྱས་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།