གཙོས་དགའ་ལྡན་ཆོས་གླིང་གི་དགེ་འདུན་པ་འཛིན་བཟུང་།

དེ་ཡང་རྡ་སར་གནས་སྡོད་ཀླུ་སྒྲུབ་ཀྱིས་གནས་ཚུལ་བཏང་དོན། འདི་ལོའི་ཕྱི་ཟླ་༨ ཚེས་༧ ཉིན་ཀན་ལྷོ་གཙོས་དགོན་པའི་ཉེ་འགྲམ་དུ་བུད་མེད་སྒྲོལ་དཀར་མཚོས་རང་ལུས་མེར་སྲེག་གིས་རྒྱ་གཞུང་ལ་ངོ་རྒོལ་བྱས་ཏེ་འདས་གྲོངས་སོང་བའི་ཕྱི་ཉིན་དགོན་པའི་དགེ་འདུན་པ་བློ་བཟང་ཆོས་འཕེལ་དང་། བརྩོན་འགྲུས། བློ་གསལ། སྟོབས་ལྡན་བཅས་རྒྱ་གཞུང་གིས་ཉིན་ཤས་རིང་འཇུ་བཟུང་བཀག་ཉར་བྱས་ཏེ། ཚ་འདྲི་ནན་འདྲི་བྱས་མཐར་གློད་གྲོལ་བཏང་ཡོད་ནའང། རྗེས་སུ་ཆོས་འཕེལ་བསྐྱར་དུ་རྒྱ་གཞུང་གིས་འཛིན་བཟུང་བཙན་ཁྲིད་བྱས་ཡོད་པ་ལས། འཛིན་བཟུང་བཀག་ཉར་གྱི་དུས་ཚོད་ག་དུས་ཡིན་ཤེས་རྟོགས་མེད་པ་རེད།

འདི་ལོའི་ཕྱི་ཟླ་༡༠ ཚེས་༡༣ ཉིན་ས་གནས་དེར་རྟ་མགྲིན་རྡོ་རྗེས་རང་ལུས་མེར་སྲེག་གིས་ངོ་རྒོལ་བྱས་ཏེ། འདས་གྲོངས་སོང་རྗེས། བསྐྱར་དུ་གྲྭ་བློ་གསལ་དང་། བརྩོན་འགྲུས། སྟོབས་ལྡན་བཅས་རྒྱ་གཞུང་གིས་འཛིན་བྱས་ཡོད་པ་དང་། ད་ལྟ་ས་གནས་སུ་དམ་དྲག་ཆེན་པོ་ཡོད་ཐོག་ཁོང་ཚོ་གང་ཞིག་ཏུ་བཀག་ཉར་བྱས་ཡོད་པ་སོགས་གནས་ཚུལ་ཤེས་རྟོགས་ཐུབ་ཀྱི་མེད་པ་རེད།