འབར་མའི་སྤྱི་ཚོགས་ནང་འཁོད་འཛིན་གྱི་དཀའ་ངལ།

༄༅།།འབར་མའི་ནང་ནང་པ་དང་ཁ་ཆེའི་མི་རིགས་དབར་འཐབ་རྩོད་ཀྱིས་སྤྱི་ཚོགས་ནང་འཁོན་འཛིན་ཆེན་པོ་བཟོས་ཡོད་པའི་གནས་ཚུལ་ཐོན་འདུག
འདི་ལོ་ཕྱི་ཟླ་དྲུག་པའི་ནང་ནུབ་ཕྱོགས་འབར་མའི་ཁུལ་རཁིན་ནང་པའི་མི་རིགས་དང་ རོ་ཧིནྒ་ཡ་ཁ་ཆེའི་མི་རིགས་དབར་ནང་འཁྲུག་ནང་ཡུལ་མི་དགུ་བཅུ་ཙམ་རྐྱེན་ལམ་ཕྱིན་ཡོད་པ་མ་ཟད་ཕྱོགས་གཉིས་ཀས་གྲོང་གསེབ་ཡོངས་རྫོགས་མེ་བསྲེགས་ཀྱིས་ཡུལ་མི་སྟོང་ཕྲག་མང་པོ་གར་འགྲོ་འདིར་འགྲོ་མེད་པའི་གནས་སུ་གྱར་ཡོད་རེད། གནས་ཚུལ་ནང་ཐོན་པར་གཞིགས་ན།  ཁ་ཆེ་ཁྲི་ལྔ་དང་ནང་པ་ཁྲི་གཉིས་སྡོད་ཁང་མེད་པར་ཛ་དྲག་གི་དཀའ་ངལ་འཕྲད་བཞིན་པ་རེད། མི་རིགས་གཉིས་དབར་འཁོན་འཛིན་གྱི་རྩ་བ་ནི་ཐོག་མར་ཁ་ཆེ་ཁ་ཤས་ཀྱིས་ནང་པའི་བུད་མེད་ཅིག་ལ་བཙན་གཡེམ་བྱས་པ་མ་ཟད་དེ་རྗེས་བསད་པའི་རྐྱེན་ངན་དེར་ཐུག་ཡོད་འདུག   འདས་པའི་ལོ་རྒྱུས་མི་རིགས་གཉིས་དབར་དཀའ་ངལ་གང་ཡང་མེད་པའི་རྣམ་པར་  ད་བར་ང་ཚོ་ཚང་མ་ས་གནས་དེར་འཆམ་མཐུན་ངང་གནས་ལུགས་རོ་ཧིངྒཡ་ཁ་ཆེ་ ནའོ་སི་མ་ཧྲ་ཏུ་ཕ་(Nawseema Har Tu Fa)ཞེས་པས་འགྲེལ་བརྗོད་བྱས་འདུག།