འབར་མའི་ནང་ནང་པ་དང་ཁ་ཆེའི་དབར་འཁྲུག་རྩོད།

༄༅༎འབར་མའི་ནང་ནང་པ་དང་ཁ་ཆེའི་དབར་་འཁྲུག་ཟིང་ཇེ་སྡུག་ཏུ་འགྲོ་བཞིན་པར་བརྟེན་རཱ་ཁིན་ཞིང་ཆེན་གྱི་རྒྱལ་ས་སིཏ་ལྦེ་ནང་དྲག་པོའི་ཁྲིམས་གཞི་གདམས་ཡོད་པའི་གནས་ཚུལ་ཐོན་འདུག

རེས་གཟའ་པ་སངས་དང་སྤེན་པའི་ཉིན་འཁྲུག་ཟིང་བ་ཚོས་ནང་པའི་གྲོང་གསེབ་ཀྱི་ཁང་པ་བརྒྱ་ཕྲག་ཁ་ཤས་རྩ་གཏོར་བྱས་ཡོད་པ་མ་ཟད་ཡུལ་མི་བདུན་རྐྱེན་ལམ་དུ་བཏང་བའི་རྗེས་སུ་གཞུང་གིས་རཱ་ཁིན་ཞིང་ཆེན་གྱི་རྒྱལ་ས་སིཏ་ལྦེ་དང་དེ་མིན་གྲོང་ཁྱེར་གསུམ་ནང་ཕྱི་དྲོའི་ཆུ་ཚོད་དྲུག་པ་དང་སྔ་དྲོ་ཆུ་ཚོད་དྲུག་པ་བར་དྲག་པོའི་ཁྲིམས་གཞི་གདམས་ཡོད་ལུགས་ཕ་རེན་སིའི་གསར་ལས་ཁང་གིས་གནས་ཚུལ་སྤེལ་འདུག གནས་ཚུལ་ནང་ཐོན་གསལ་ལྟར་ན་གོང་ཞུས་དྲག་རྒོལ་ནང་ཡུལ་མི་བཅུ་བདུན་རྨས་ཡོད་པ་དང་སྡོད་ཁང་༥༠༠ཙམ་རྩ་མེད་བཟོས་ཡོད་འདུག ར་ཁིན་ཞིང་ཆེན་གྱི་མིང་ནི་ས་གནས་དེའི་ནང་པའི་རིགས་ཤིག་ཡིན་པ་མ་ཟད་ཡུལ་མི་ཕལ་མོ་ཆེ་ནང་པ་ཡིན་པ་རེད། ཞིང་ཆེན་དེར་རོ་ཧིན་ག་ཞེས་པའི་ཁ་ཆེའི་མི་རིགས་ཁག་ཅིག་ཀྱང་ཡོད་འདུག འོན་ཀྱང་འབར་མའི་གཞུང་གི་ཁོང་ཚོ་རང་ཡུལ་མེད་པའི་ཕྱི་མིར་ངོས་འཛིན་བྱེད་བཞིན་པ་མ་ཟད་ཡུལ་མི་ཁག་ཅིག་གིས་ཁོང་ཚོ་འབར་མའི་ནང་བཞག་འདོད་བྱེད་ཀྱི་མེད་པ་རེད། མཉམ་འབྲེལ་རྒྱལ་ཚོགས་ཀྱིས་རོ་ཧིན་ག་ཁ་ཆེའི་མི་རིགས་དེ་བཞིན་འཛམ་གླིང་ནང་སྡུག་སྦྱོང་ཆེ་ཤོགས་མྱོང་བཞིན་པའི་མི་རིགས་ཞིག་ལ་ངོན་འཛིན་བྱེད་ཀྱི་ཡོད་འདུག།