རོཊ་རམ་བྱེད་ཕྱོཊ་ཐད་སྐྱོན་འཛུཊ་དང་ཟིང་ཟིང་གི་རྣམ་པ་ཡོད་པ།

ཕྱིའི་རོགས་རམ་བྱེད་མཁན་དང་བལ་ཡུལ་གཞུང་བར་གནོད་ཐེབས་ས་ཁུལ་ལ་རོགས་རམ་བྱེད་སྟངས་ཐད་དཀའ་ངལ་ཡོང་བཞིན་པ་རེད།
དེ་ཡང་བལ་ཡུལ་ལ་ས་ཡོམ་གྱི་གོད་ཆག་ཕོག་པར་རོགས་རམ་མཁོ་འདོན་བྱེད་མཁན་རྒྱལ་སྤྱིའི་ཚན་པ་ཁ་ཤས་དང་། བལ་ཡུལ་གཞུང་ཕྱོགས་དབར་ཕན་ཚུན་གནོད་འཚེ་ཕོག་ཡུལ་གྱི་མི་དམངས་ལ་རོགས་རམ་མཁོ་འདོན་བྱེད་ཕྱོགས་ཐོག་སྐྱོན་འཛུགས་བྱེད་རེས་བྱེད་པའི་ཟང་ཟིང་གི་རྣམ་པ་ཞིག་ཐོན་བཞིན་ཡོད་པ་དང་། སྤྱི་ཟླ་བཞི་པའི་ཚེས་༢༥ཉིན་བལ་ཡུལ་ལ་ས་ཡོམ་གྱི་གནོད་འཚེ་ཆེན་པོ་བྱུང་མ་ཐག་རྒྱལ་སྤྱིའི་ཡུལ་གྲུ་ཁག་ནས་ཐེངས་འདིའི་ས་ཡོམ་གྱི་གནོད་ འཚེ་ཕོག་ཡུལ་བལ་ཡུལ་ས་གནས་ཁག་གི་ཡུལ་མི་ཚོར་ཉེན་ཡོལ་རོགས་རམ་མཁོ་འདོན་གནང་འགོ་ཚུགས་ཡོད་པ་རེད། ཡིན་ནའང་བལ་ཡུལ་ལ་ས་ཡོམ་ཉེན་ཡོལ་གྱི་རོགས་རམ་མཁོ་འདོན་བྱེད་མཁན་རྒྱལ་སྤྱིའི་ཚན་པ་ཁ་ཤས་ཀྱིས། ཕྱིའི་རྒྱལ་རྒྱལ་ཁབ་ཁག་ནས་བལ་ཡུལ་དུ་ས་ཡོམ་གྱི་ཉེན་ཡོལ་དངོས་ཟོག་མང་པོ་ཞིག་འབྱོར་བཞིན་ཡོད་རུང་། དངོས་ཟོག་དེ་ཚོ་བལ་ཡུལ་གཞུང་ནས་སོ་སོའི་འགག་སྒོའི་ལས་ཁུངས་ནས་གཙང་བཤེར་དགོས་ལུགས་བཤད་ནས་འཕྲལ་དུ་གནོད་འཚེ་ཕོག་ཡུལ་དུ་བགོས་འགྲེམས་བྱེད་མ་ཐུབ་པར། ཉེན་ཡོལ་དངོས་ཟོག་མང་པོ་རྒྱལ་སའི་གནམ་ཐང་དུ་སྤུངས་ནས་བཞག་ཡོད་པ་དང་། བལ་ཡུལ་གཞུང་གི་བྱེད་སྟངས་དང་ཉེན་གཡོལ་ལས་དོན་སྤེལ་སྟངས་འགོར་པོ་ཡོད་པ་བལ་ཡུལ་གཞུང་ལ་སྐྱོན་བརྗོད་ཡོང་གི་ཡོད་ཅིང་། ཡང་བལ་ཡུལ་གཞུང་ནས། བལ་ཡུལ་གྱི་འགག་སྒོ་ལས་ཁུངས་ནས་ཕྱི་ཕྱོགས་ཀྱི་རོགས་རམ་དངོས་པོར་བརྟག་དཔྱད་བྱེད་རྒྱུ་དགོས་ངེས་ཡིན་པ་དང་། རོགས་རམ་དངོས་པོ་ཁག་ཅིག་དང་རོགས་རམ་མི་སྣ་མང་པོ་དེ་འདྲ་བལ་ཡུལ་ལ་དགོས་མཁོ་མེད་པ་བརྗོད་དེ་། རྒྱལ་སྤྱིའི་རོགས་རམ་ཚན་པ་ཁག་ཅིོག་དང་བལ་ཡུལ་གཞུང་གཉིས་ཕན་ཚུན་ཉེན་གཡོལ་རོགས་རམ་མཁོ་འདོན་བྱེད་ཕྱོགས་ཐོག་སྐྱོན་འཛུགས་བྱེད་རེས་བྱེད་པའི་ཟང་ཟིང་གི་རྣམ་པ་ཞིག་ཐོན་བཞིན་ཡོད་པ་རེད་འདུག

གསར་འགོད་པ་ཀུན་བཟང་རིག་འཛིན།