གཞུང་ཚབ་བརྒྱུད་བོད་དོན་ཐུགས་སྣང་དགོས་པའི་འབོད་བསྐུལ།

༄༅།    །དེ་ཡང་རྒྱལ་ས་ཀ་ཐ་མན་གྲུའི་ནང་དུ་ཡོད་པའི་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་སྐུ་ཚབ་ནས། གཟའ་འཁོར་འདིའི་འགོ་སྟོད་དུ་རྒྱལ་ས་ཀ་ཐ་མན་གྲུའི་ནང་དུ་ཡོད་པའི་ཨ་རི་དང༌། དབྱིན་ཇི། France། ཉི་ཧོང། Italy། Germany། Australia། འབར་མའི་སྐུ་ཚབ་དཔོན་རིགས་གཙོས་པའི་ཕྱི་རྒྱལ་ཁབ་ཁག་གི་སྐུ་ཚབ་དཔོན་རིགས་དང༌། དེ་ནས་འཛམ་གླིང་མཉམ་འབྲེལ་རྒྱལ་ཚོགས་ཀྱི་སྐྱབས་བཅོལ་བའི་འབྲེལ་མཐུད་ཕྱག་ལས་གནང་མཁན་ལྕམ་Amanda Jacobson དང༌། ཁོང་གི་ཕྱག་འབྲེལ་ཁག་ཅིག་མཇལ་འཕྲད་ཞུས་ཏེ། བོད་ནང་གི་ཛ་དྲག་གི་གནས་སྟངས་ལ་ཐུགས་སྣང་གནང་དགོས་པ་དང་།    དེང་སྐབས་རྒྱ་གར་རྒྱལ་ས་ལྡི་ལིའི་ནང་ཟས་བཅད་ལས་འགུལ་གནང་མཁན་བོད་ཀྱི་གཞོན་ནུ་ལྷན་ཚོགས་ཀྱི་རྒྱུན་ལས་གསུམ་གྱི་སྐུ་གཟུགས་གནས་སྟངས་ཐོག་ལ་ཧ་ཅང་བློ་འཚབ་ཡོད་པའི་གནས་ཚུལ་འགྲེལ་བརྗོད་ཞུས་ཏེ་ཁོང་ཚོས་འཛམ་གླིང་མཉམ་འབྲེལ་རྒྱལ་ཚོགས་ལ་རེ་འདུན་ཞུས་པའི་དོན་ཚན་ཁག་ལག་བསྟར་ཡོང་ཐབས་ལ་རོགས་སྐྱོར་ཡོང་བའི་འབོད་སྐུལ་ཞུས་ཡོད་པ་རེད། །