འཚེ་མེད་དཔའ་བོའི་མཐུན་ཚོཌ།

༄༅༎ཁམས་བྲག་མགོ་རྫོང་ནང་གི་ལྗང་མདའ་ཐང་དུ་བོད་མི་ཚོས་ཞབས་རིམ་གསོག་སྒྲུབ་གནང་བའི་སྐབས། གངས་ལྗོངས་འཚེ་མེད་དཔའ་བོའི་མཐུན་ཚོགས་ཞེས་པའི་ཚོགས་པ་ཞིག་དང་བླངས་ཐོག་གསར་བཙུགས་གནང་ནས། བོད་མི་ནང་ཁུལ་གཅིག་སྒྲིལ་དང་རྐུ་འཕྲོག་བཅོམ་གསུམ་སྤངས་རྒྱུའི་དམ་བཅའ་བཞག་ཡོད་པ་རེད།
ཟླ་བ་འདིའི་ཚེས་༡་ནས་བཞི་བར་ཉིན་གྲངས་བཞིའི་རིང་ཁམས་བྲག་མགོ་རྫོང་ནང་གི་ལྗང་མདའ་ཐང་དུ་ནོར་པ་རུ་ཁག་དང་པོ་དང་གཉིས་པ་གཉིས་གཙོ་བོར་གྱུར་བའི་དེའི་ཉེ་འཁོར་གྱི་ཡུལ་མི་ཚོས་ཞབས་རིམ་གསོག་སྒྲུབ་གནང་བའི་སྐབས་སུ་གངས་ལྗོངས་འཚེ་མེད་དཔའ་བོའི་མཐུན་ཚོགས་ཞེས་པའི་ཚོགས་པ་ཞིག་དང་བླངས་ཐོག་གསར་བཙུགས་གནང་ནས། བོད་མི་ནང་ཁུལ་གཅིག་སྒྲིལ་དང་རྐུ་འཕྲོག་བཅོམ་གསུམ་སྤངས་རྒྱུའི་དམ་བཅའ་བཞག་ཡོད་པའི་སྐོར། རྒྱ་གར་ལྷོ་ཕྱོགས་འབྲས་སྤུངས་དགོན་པའི་དགེ་འདུན་པ་སྐུ་ཞབས་ངག་དབང་མཁྱེན་རབས་ལགས་ཀྱིས འདི་ག་རླུང་འཕྲིན་ཁང་དུ་གནས་ཚུལ་ངོ་སྤྲོད་གནང་འདུག
ཡང་སྐུ་ཞབས་ངག་དབང་མཁྱེན་རབས་ལགས་ཀྱིས་མུ་མཐུད་གསུངས་ན།  བོད་མི་ཚོས་མ་སྐུལ་དང་བླངས་ཀྱི་ཐོག་ནས་བོད་མི་ནང་ཁུལ་རྡོག་རྩ་གཅིག་སྒྲིལ་བྱེད་དགོས་རྒྱུ་དེ་ཧ་ཅང་གི་གལ་འགངས་ཆེན་པོ་ཡིན་པ་ངོས་འཛིན་གནང་བའི་ཐོག་གོང་ཞུས་ཚོགས་པ་དེའི་ནང་ནོར་པ་རུ་ཁག་གཉིས་དང་། དེའི་ཉེ་འཁོར་གྱི་བོད་མི་སོགས་མཁྱོན་བོད་མི་ཆིག་སྟོང་ལྷག་ཙམ་གྱིས་དང་བླངས་ཐོག་འཛུལ་བཞུགས་གནང་ཡོད་ལུགས་གསལ་སྟོན་གནང་འདུག།