ཤྲི་ལངྐའི་གྱེན་ལོག་པར་མཐུན་འགྱུར་གནང་བར་སྐྱོན་བརྗོད།

༄༅༎ནོརྭ་ལྦེ་ཡིས་ཤྲི་ལངྐའི་སྟག་ཞེས་པའི་གྱེན་ལོག་པར་མཐུན་འགྱུར་རོགས་སྐྱོར་གནང་ཡོད་པའི་སྐྱོན་བརྗོད་དེ་ངོས་གནང་མེད་པའི་གནས་ཚུལ་ཐོན་འདུག༎

ནོར་ལྦེ་ཡི་གསར་ཤོག་ཞིག་གིས་ ཡུ་དེས་ཤྲི་ལངྐ་ནས་ཏ་མིལ་གྱེན་ལོག་པའི་མི་སྣ་བཅུ་གཉིས་ཙམ་ནོར་ལྦེ་ནང་གནས་སྤོ་བྱ་རྒྱུའི་དམིགས་བསལ་མཐོང་མཚན་སྤྲད་ཡོད་པ་མ་ཟད་ གནམ་གྲུའི་འགྲོ་སོང་ཡང་ཆན་གནང་ཡོད་པའི་གནས་ཚུལ་ཐོན་པ་དེ་དོངས་འབྲེལ་མིན་ལུགས་ཤྲི་ལངྐའི་རྒྱལ་ས་ ཀོ་ལོམ་སྦོར་རྟེན་གཞི་བྱས་པའི་ནོར་ལྦེ་ཡི་གཞུང་ཚབ་ཁང་གིས་གསལ་བཤད་གནང་ཡོད་འདུག། གནས་ཚུལ་དེ་ཐོན་པའི་རྗེས་སུ་ ཤྲི་ལངྐའི་གཞུང་གིས་ཀྱང་ནོར་ལྦེ་ཡི་གཞུང་ཚབ་ཁང་ལ་གནས་བཤད་དགོས་ལུགས་བརྗོད་ཡོད་འདུག། རེས་གཟའ་ཉི་མའི་ཉིན་ནོར་ལྦེ་ཡི་གཞུང་ཚབ་ཁང་གིས་ཡིག་ཐོག་གསལ་བསྒྲགས་ཤིག་སྤེལ་བའི་ནང་ ནོར་ལྦེ་ནང་གནས་ཚུལ་གང་ཐོན་པ་དེའི་ནང་དོན་ཨིན་སྐད་དུ་བསྒྱུར་བ་དེར་ནོར་འཁྲུལ་ཡོད་པ་གསལ་སྟོན་གྱིས་ ནོར་ལྦེ་ནང་སྐྱབས་བཅོལ་ཞུ་མཁན་གྲས་ནས་ཁག་ཅིག་གཞུང་གིས་སྐྱབས་བཅོལ་བའི་གནས་སྟངས་འོག་ཡུལ་དེར་ལེན་རྒྱུའི་དགོངས་བཞེས་གནང་ཡོད་པ་དངོས་འབྲེལ་ཡིན་ཡང་དེ་དག་གི་གྲས་ནས་ཏ་ལིལ་གྱེན་ལོག་གཅིག་ཀྱང་མེད་ལུགས་གསལ་བཤད་དང་སྦྲགས་མི་སྣ་དེ་དག་ནོར་ཝེ་ནང་བསྐྱོད་འཐུས་ཀྱི་བཀའ་འཁྲོལ་མ་གཏོགས་ལམ་གྲོན་སོགས་གང་ཡང་གནང་མེད་ལུགས་གསལ་བཤད་གནང་འདུག༎