བོད་གནས་དང་འབྲེལ་བའི་རྒྱ་ཡིག་གི་དཔེ་དེབ་གསར་པ།

༄༅༎ཕྱི་ཚེས་༡༩ཉིན་དཔལ་ལྡན་སྐུ་སྒེར་ཡིག་ཚང་གི་དྲུང་ཆེ་ཚེ་རྒྱམ་ལགས་ཐེ་དབན་དུ་ཕེབས་ཞོར་དང་བསྟུན་ནས་ཐེ་དབན་སྐུ་ཚབ་དོན་གཅོད་ལས་ཁང་གི་ལམ་སྟོན་འོག་སྔ་ལོ་ཐེ་དབན་གཞུང་ལ་དེབ་སྐྱེལ་གསར་འཛུགས་གནང་བའི་གངས་ལྗོངས་དཔེ་སྐྲུན་ཁང་ནས་ཉེ་ཆར་གསར་དུ་འདོན་སྤེལ་ཞུས་པའི་བོད་དོན་སྐོར་གྱི་རྒྱ་ཡིག་དཔེ་དེབ་གྲངས་བཞི་དབུ་འབྱེད་གྱི་མཛད་སྒོ་ཞིག་གནང་ཡོད་པ་དང་ སྐུ་ཚབ་དོན་གཅོད་ཟླ་བ་ཚེ་རིང་ལགས་ཀྱིས་དཔེ་དེབ་བཞི་པོ་དེ་དག་རེ་རེ་བཞིན་ངོ་སྤྲོད་མདོར་བསྡུས་གནང་ཡོད་པའི་ནང་ ཉེ་ཆར་ཕྱི་ཟླ་གསུམ་པ་དང་བཞི་པ་ནང་གསར་དུ་འདོན་སྤེལ་གནང་བའི་དཔེ་དེབ་ཁག་བཞི་ནི་ བོད་མདོ་སྨད་ཁུལ་དུ་འཁྲུངས་པའི་ནགས་ཚང་ནུས་བློས་བྲིས་པའི་རང་གི་མི་ཚེའི་ལོ་རྒྱུས་ནགས་ཚང་ཞི་ལུའི་སྐྱིད་སྡུག་ཅེས་པ་དང་རྒྱལ་སྤྱིའི་ཁྲིམས་དོན་མཁས་པས་རྩོམ་བྲིས་གནང་བའི་བོད་ཀྱི་གནས་བབ་ཅེས་པ་རྒྱ་ཡིག་དཔར་ཐེངས་གཉིས་པ་ བོད་གཞུང་ཐེ་དབན་སྐུ་ཚབ་དོན་གཅོད་ལས་ཁང་ནས་ཕྱོགས་སྒྲིག་ཞུས་པའི་ལོ་ལྔ་བཅུ་བཙན་བྱོལ་དུ་འདས་པའི་བོད་མིའི་སྐྱིད་སྡུག་དྲན་གསོའི་འགྲེམས་སྟོན་དཔར་རིགས་བརྙན་དེབ་ ཉི་ཧོང་གི་རྩོམ་པ་པོ་སྐུ་ཞབས་ཀྲེ་ཚུ་སའེ་ལྦའེ་ཡིས་བྲིས་གནང་བའི་༧གོང་ས་མཆོག་གི་མཛད་རྣམ་རི་མོའི་བརྙན་དེབ་བཅས་ཡིན་པ་རེད་