པ་ཀིསི་ཐན་གྱི་སྲིད་འཛིན་རྒྱ་གར་དུ་ཕེབས་ཡོད་པ།

༄༅༎པ་ཀི་སི་ཐན་གྱི་སྲིད་འཛིན་ ཨ་སིཕ་ ཨ་ལི་ ཛར་རྡ་རི་ མཆོག་རྒྱ་གར་ནང་ཧ་ཅང་དཀོན་པའི་ཉིན་གཅིག་གི་གཟིགས་སྐོར་དུ་ཕེབས་ཡོད་འདུག
རེས་གཟའ་ཉི་མའི་ཉིན་པ་ཀི་སི་ཐན་གྱི་སྲིད་འཛིན་ཛར་རྡ་རི་མཆོག་རྒྱ་གར་ནང་ཉིན་གཅིག་གི་’’’’’’’’འཚམས་གཟིགས་དེ་བཞིན་སྐུ་སྒེར་གྱི་གཟིགས་སྐོར་ཡིན་ལུགས་བརྗོད་ཡོད་ཀྱང་ཡུལ་གཉིས་ཀས་གཟིགས་སྐོར་དེར་ཆབ་སྲིད་ཐོག་གལ་ཆེར་ངོས་འཛིན་གནང་གི་་ཡོད་འདུག། སྲིད་འཛིན་ཛར་རྡ་རི་ཡིས་རྒྱ་གར་གྱི་སྲིད་བློན་ མན་མོ་ཧན་སིངྒ་མཆོག་ཉིན་གུང་གསོལ་སྟོན་ཐོག་མཇལ་འཕྲད་ཀྱིས་ནང་མོལ་གནང་ཡོད་འདུག། ད་རིང་གི་གློ་བུར་གྱི་གཟིགས་སྐོར་དེ་བཞིན་ཕྱི་ལོ་༢༠༠༥ལོ་ནས་གཟིགས་སྐོར་དེ་རིགས་ཐོག་མ་དེ་ཡིན་པ་རེད། བར་ལམ་ནས་ཡུལ་གཉིས་ཀྱི་འབྲེལ་ལམ་འཕྲན་བུ་བཟང་དུ་འགྲོ་བཞིན་པའི་རྣམ་པ་ཡོད་ཀྱང་། པ་ཀི་སི་ཐན་གྱི་དྲག་སྤྱོད་པས་དེ་སྔ་༢༠༠༨ལོར་མུམ་བྷའི་གྲོང་ཁྱེར་ནང་དྲག་རྒོལ་གྱི་རྗེས་སུ་ཕན་ཚུན་གྱི་འབྲེལ་ལམ་ལ་དཀའ་ངལ་གྱི་རང་བཞིན་ཆགས་ཡོད་པ་མ་ཟད་དྲག་རྒོལ་གྱི་བྱེད་གཏེ་བ་ ལ་ཤེ་ཀར་ ཨི་ ཏའི་བྭ་ ཞེས་པའི་འགོ་ཁྲིད་ཧ་ཕིཛེ་ སའི་རྡི་ ཡིན་པའི་ད་འཕྲོད་གསང་ལོ་མེད་ལུགས་བརྗོད་དེ་དོ་བདག་རྒྱ་གར་ལ་རྩིས་སྤྲོད་བྱེད་ཀྱི་མེད་པ་རེད། དེ་ལྟར་སྲིད་འཛིན་ཛར་དྷ་རི་མཆོག་གིས་གཟིགས་སྐོར་འདི་དོན་འབྲས་ཟོན་པ་ཞིག་བྱུང་ཡོད་པའི་སྐོར་གསར་འགོད་ལྷན་ཚོགས་ཐོག་གསུངས་ཡོད་འདུག། སྲིད་བློན་མན་མོ་ཧན་སིངྒ་མཆོག་ཀྱིས་ཀྱང་གྲོས་མོལ་ལྷུག་པོ་བྱུང་ཡོད་པ་དང་སྲིད་འཛིན་ཛར་རྡ་ཡིས་མགྲོན་འབོད་གནང་བ་བཞིན་དུས་ཚོད་རན་པོ་ཞིག་ལ་པ་ཀི་སི་ཐན་ལ་གཟིགས་སྐོར་དུ་ཕེབས་རྩིས་ཡོད་ལུགས་གསུངས་གནང་འདུག། སྲིད་འཛིན་ཛར་དྷི་ཡིའི་སྐུ་ཚབ་གྱི་ལྷན་དུ་ནང་སྲིད་བློན་ཆེན་ རེ་མན་མ་ལིཀ་ཀྱང་ཕེབས་ཡོད་འདུག། ཁོང་སྲིད་འཛིན་ཛར་རྡ་རི་ཡི་སྲས་ཡིན་པ་རེད༎