པདྨ་ལགས་འཛིན་བཟུང་བཙན་ཁྲིད།

༄༅།    །ཕྱི་ལོ་༢༠༡༢ ཟླ་༡ ཚེས་ཚེས་༢༤ ཉིན་གསེར་རྟ་རྫོང་ཐོག་ཏུ་མི་མང་གིས་གཞུང་ལ་ཞི་བའི་ངོ་རྒོལ་གྱི་སྐད་འབོད་བྱས་པར་བརྟེན། རྒྱ་ནག་གིས་དྲག་གནོན་བྱས་ཏེ། མི་མང་པོར་རྨས་སྐྱོན་བྱུང་བས་མ་ཟད། གསེར་རྟ་རྫོང་ཤོ་རེབ་གྲོང་ཚོའི་ཟླ་བ་གྲགས་པ་དམར་གསོད་བཏང་བའི་ཉིན་པདྨ་ལགས་ཀྱང་ལས་འགུལ་ནང་མཉམ་ཞུགས་བྱས་ཡོད་འདུག སྐབས་དེར་རྒྱ་ནག་གཞུང་གིས་མེ་མདའ་བརྒྱབ་སྟེ་ཁོང་གི་ལག་པར་རྨས་སྐྱོན་ཕོག་ཡོད་ནའང་། ཁོང་རིའི་སྒང་དུ་བྲོས་བྱོལ་ལ་སོང་སྟེ་བསྡད་ཡོད་འདུག འོན་ཀྱང་ཟླ་འདིའི་ཚེས་༨ ཉིན་རྒྱ་གཞུང་གིས་ཁོང་འཇུ་བཟུང་བཙན་ཁྲིད་བྱས་པ་དང་། ད་ལྟ་འབྲེལ་ཡོད་ཀྱིས་གང་དུ་ཁྲིད་ཡོད་མེད་ཙམ་ཡང་ཤེས་རྟོགས་ཐུབ་ཀྱི་མེད་པ་རེད། པདྨ་ལགས་ནི་ཁམས་དཀར་མཛེས་ཁུལ། གསེར་རྟ་རྫོང་། གནུབ་ཟུར་ཡུལ་ཚོ། ཨ་སྐྱབས་སྡེ་པ་ནས་ཡིན་པ་དང་། ཕའི་མིང་ལ་ཏེ་པོ་དང་། མའི་མིང་ལ་ནོར་རྒྱུན་ཟེར་གྱི་ཡོད་འདུག     ད་ལྟ་རང་ལོ་༢༢ ཡིན་འདུག །