དོན་གཅོད་མཆོག་གིས་ཨ་རིའི་གྲོས་ཚོཊ་གོང་འོག་གི་མི་སྣར་མཇལ་མོལ།

བྱང་ཨ་རིའི་བོད་ཀྱི་སྐུ་ཚབ་དོན་གཅོད་མཆོག་གིས་ཨ་རིའི་གྲོས་ཚོགས་གོང་འོག་གི་གནད་ཡོད་མི་སྣར་མཇལ་མོལ་གནང་སྐབས། ༢༠༡༧།༣།༡

བྱང་ཨ་རིའི་བོད་ཀྱི་སྐུ་ཚབ་དོན་གཅོད་མཆོག་གིས་ཨ་རིའི་གྲོས་ཚོགས་གོང་འོག་གི་གནད་ཡོད་མི་སྣར་མཇལ་མོལ་གནང་འདུག
དེ་ཡང་བྱང་ཨ་རིའི་བོད་ཀྱི་སྐུ་ཚབ་དོན་གཅོད་མཆོག་དང་། དེ་བཞིན་རྒྱལ་སྤྱིའི་བོད་དོན་ལས་འགུལ་ཁང་གི་ཚོགས་གཙོ་དང་འགན་འཛིན་བཅས་ཀྱིས་ཨ་རིའི་གྲོས་ཚོགས་གོང་འོག་གི་འཐུས་མི་མང་དག་མཇལ་འཕྲད་དང་གྲོས་མོལ་གནང་འདུག ཕྱི་ཚེས་༡་ཉིན་བོད་མིའི་སྒྲིག་འཛུགས་ཀྱི་བྱང་ཨ་མི་རི་ཀའི་སྐུ་ཚབ་དོན་གཅོད་སྤེན་པ་ཚེ་རིང་མཆོག་དང་། རྒྱལ་སྤྱིའི་བོད་དོན་ལས་འགུལ་ཁང་གི་ཚོགས་གཙོ་སྐུ་ཞབས་Richard Gere་མཆོག་དང་འགན་འཛིན་སྐུ་ཞབས་Matteo Mecacci་མཆོག་བཅས་ཀྱིས་ཨ་མི་རི་ཀའི་གྲོས་ཚོགས་གོང་མའི་འཐུས་མི་སྐུ་ཞབས་Bob Corker་དང་། སྐུ་ཞབས་Ben Cardin སྐུ་ཞབས་ Marco Rubio, སྐུ་ཞབས་John McCain་བཅས་དང་། དེ་བཞིན་མང་གཙོ་ཚོགས་པའི་གྲོས་ཚོགས་འོག་མའི་དབུ་ཁྲིད་ལྕམ་Nancy Pelosi་དང་། གྲོས་ཚོགས་འོག་མའི་འཐུས་མི་སྐུ་ཞབས་Eliot Engel, Jim McGovern་སོགས་དང་མཇལ་ནས་བོད་དོན་གླེང་སློང་གནང་འདུག།

གསར་འགོད་པ་ལྷུན་གྲུབ་ཚེ་རིང་།