རྒྱ་གར་དུ་ཧིན་རྡུ་དང་ཡེ་ཤུའི་ཆོས་ལུགས་གཉིས་བར་རྩོད་རྙོག།

༄༅༎ཡེ་ཤུའི་ཆོས་དཔོན་པོབ་མཆོག་གིས་ཧིན་རྡུ་དང་ཡེ་ཤུའི་ཆོས་ལུགས་གཉིས་དབར་གྱི་རྩོད་རྙོག་ཡོང་བཞིན་པ་དེར་མཐའ་གཅིག་ཏུ་ངོ་རྒོལ་ཡོད་ཅེས་དེ་རིང་རེས་གཟའ་ལྷག་པའི་ཉིན་གསར་འགོད་པར་གསལ་སྟོན་གནང་ཡོད་པ་རེད་

དེ་ཡང་ཉེ་ཆར་རྒྱ་གར་གྱི་ཤར་ཕྱོགས་ཨོ་རི་ས་མངའ་སྡེའི་ནང་ཡེ་ཤུའི་ཆོས་ལུགས་པ་དང་ཧིན་རྡུའི་ཆོས་ལུགས་པ་དབར་རྩོད་རྙོག་གི་བརྒྱུད་རིམ་ནས་མི་མང་བདུན་ཙམ་རྐྱེན་ལམ་དུ་གྱུར་བ་དང་མི་མང་མང་པོ་ཞིག་ལ་རྨས་སྐྱོན་ཕོག་པའི་གནས་ཚུལ་བྱུང་བའི་ནང་ཧིན་རྡུའི་ཆོས་དཔོན་ཞིག་ཡང་རྐྱེན་ལམ་དུ་བཏང་ཡོད་པ་རེད་བཞག གོང་ཞུས་དོན་རྐྱེན་དེ་བྱུང་བ་རྗེས་རྒྱ་གར་ཤར་ཕྱོགས་ཨོ་རི་ས་མངའ་སྡེའི་ནང་ཡེ་ཤུའི་ཆོས་ལུགས་བྱེད་མཁན་གྱི་ཚོགས་སྡེ་ཁག་ཚོའི་ཐོག་གདུག་རྩུབ་ཤུགས་ཆེ་བྱེད་བཞིན་པའི་གནས་ཚུལ་ཐོས་རྗེས་ཐུགས་ཕམ་ཆེན་པོ་བྱུང་ཞེས་ཡེ་ཤུའི་བླ་ཆེན་པོབ་མཆོག་གིས་ལྦེ་ཊི་ཁེན་གྲོང་ཁྱེར་ནས་དེ་རིང་རེས་གཟའ་ལྷག་པའི་ཉིན་གསར་འགོད་པར་གསལ་སྟོན་གནང་བཞག ད་རེས་རྒྱ་གར་ཤར་ཕྱོགས་ཨོ་རི་ས་མངའ་སྡེའི་ཀན་རྡ་མལ་ཁུལ་དུ་ཆོས་ལུགས་འདྲ་མིན་གཉིས་དབར་རྩོད་རྙོག་གི་དོན་རྐྱེན་ནང་མི་གྲངས་བདུན་རྐྱེན་ལམ་དུ་བཏང་ཡོད་པ་དང་དེ་བཞིན་ཡང་ས་ཁུལ་གཞན་ཁག་ཏུའང་ཆོས་ལུགས་གཉིས་དབར་གྱི་རྩོད་རྙོག་གི་ཐོག་ནས་མི་མང་རྐྱེན་ལམ་དུ་བཏང་བའི་གནས་ཚུལ་དེ་རིགས་བྱུང་ཡོད་པ་རེད་བཞག