དཀར་མཛེས་སུ་ཞབས་རིམ་དང་བསྔོ་སྨོན་མཆོད་འབུལ།

འདི་གའི་གསར་འགོད་པས་གནས་ཚུལ་བཏང་དོན། ཁམས་དཀར་མཛེས་རྫོང་གི་ཡུལ་ཚོའི་ནང་ས་གནས་དགོན་སྡེ་ཁག་གི་དགེ་འདུན་པ་འཛོམས་ནས་བོད་མི་རྣམས་ཀྱིས་བོད་རྒྱལ་ལོ་༢༠༣༩་རབ་གནས་ཆུ་འབྲུག་ལོ་མཇུག་མ་སྒྲིལ་བའི་གོང་ལ་༧རྒྱལ་བའི་སྐུ་ཕྱའི་ཞབས་རིམ་དང་། བོད་དོན་ཆེད་བློས་གཏོང་ཆེན་པོ་གནང་མཁན་རྣམས་དང་། སྡུག་སྦྱོང་མྱོང་བཞིན་པའི་བོད་མི་རྣམས་ཀྱི་ཆེད་དུ་སྐུ་རིམ་དང་། བསྔོ་སྨོན་མཆོད་འབུལ་བྱས་འདུག དེ་བཞིན་ད་ལོའི་བོད་ཀྱི་ལོ་གསར་སྐབས་བོད་དོན་ཆེད་སྐུ་སྲོག་བློས་གཏོང་གནང་མཁན་ལ་མྱ་ངན་ཞུ་རྒྱུ་ལས་དགའ་སྤྲོ་གནང་རྒྱུ་མིན་པའི་ཐག་གཅོད་གནང་འདུག་ལ་ད་དུང་སྐབས་དེར་རྒྱང་བསྒྲགས་བརྒྱུད་བདེན་ཚིག་སྨོན་ལམ་འདོན་བཞིན་པ་ཉེ་འཁོར་གྱི་བོད་མི་ཚོས་གསལ་བོ་གོ་ཐུབ་པ་བྱུང་འདུག