གཞུང་འབྲེལ་མཆོད་འབུལ་སྨོན་ལམ།

༄༅། དབུས་བོད་མིའི་སྒྲིག་འཛུགས་ཀྱི་དྲ་གནས་ཐོག་གནས་ཚུལ་སྤེལ་བ་ལྟར་ན།    བཀའ་ཤག་ནས་སྐུ་གཤེགས་དམ་པ་དེ་ཉིད་ཀྱི་སྐུ་འཁོར་རྗེས་ཤུལ་རྣམས་ལ་ཐུགས་གསོ་གནང་བ་དང་ཆབས་ཅིག    དམ་པ་དེ་ཉིད་ཀྱིས་ཚེ་རབས་ཕྲེང་བ་ནས་བསགས་པའི་སྡིག་སྒྲིབ་བྱང་ཞིང་མངོན་མཐོ་ངེས་ལེགས་ཀྱི་གོ་འཕང་མགྱོགས་ནས་མྱུར་དུ་ཐོབ་ཆེད་འདི་རིང་ཉིན་རྒྱབ་ཆུ་ཚོད་ ༢ ནས་ལས་བྱེད་གསོལ་ཐབ་ཚོགས་ཁང་དུ་མང་གཙོའི་ཀ་བ་གསུམ་གྱི་མཛད་གཙོ་རྣམ་པས་དབུས་སྲི་ཞུའི་ལས་བྱེད་རྣམས་ཚང་འཛོམས་ཀྱིས་ཆུ་ཚོད་ ༣ བར་སྨོན་ལམ་གསུང་འདོན་གནང་འདུག    སྐབས་དེར་བཀའ་བློན་ཁྲི་པ་བློ་བཟང་སེང་གེ་མཆོག་གིས་དམ་པ་ཁོང་གི་ལོ་རྒྱུས་སྙིང་བསྡུས་ཤིག་སྒྲོགས་སྦྱང་གནང་རྗེས་དམ་པ་ཁོང་ལ་མྱ་ངན་གུས་འདུད་དང་གདུང་སེམས་མཉམ་སྐྱེད་མཚོན་སླད་དབུས་ཀྱི་ལས་ཁུངས་ཁག་སྒོ་བརྒྱབ་ཡོད་པ་རེད།