རྒྱ་གྲམ་དམར་པོའི་རོགས་ཚོགས་ནས་ཉི་ཧོང་ལ་ཞལ་འདེབས།

༄༅༎རྒྱ་ནག་ནང་དུ་ཡོད་པའི་རྒྱལ་སྤྱིའི་རྒྱ་འགྲམས་དམར་པོའི་རོགས་ཚོགས་ནས་ཉི་ཧོང་གི་ས་ཡོམ་གནོད་འཚེ་ཚབས་ཆེ་བྱུང་བ་དེར་ ཉི་ཧོང་གི་རྒྱ་འགྲམས་དམར་པོའི་རོགས་ཚོགས་རྒྱུད་ཛ་དྲག་གི་རོགས་དངུལ་རྒྱ་མིའི་སྒོར་མོ་ས་ཡ་གཅིག་ཞལ་འདེབས་ཕུལ་རྒྱུའི་ཐག་གཅོད་བྱུང་ཡོད་པ་རེད།

ད་དུང་རྒྱ་འགྲམས་དམར་པོའི་རོགས་ཚོགས་ནས་ཉི་ཧོང་གི་ས་ཡོམ་གྱི་གནོད་འཚེ་ཚབས་ཆེ་དེའི་ནང་གོད་ཆག་ཕོག་པའི་མི་དམངས་ཚོར་གདུང་སེམས་ཉམས་སྐྱེད་དང་སེམས་གསོ་ཡོད་ཅེས་གསུངས་ཡོད་པ་མ་ཟད། ཁོང་ཚོས་མུ་མཐུད་ནས་གནོད་འཚེ་ཕོག་ཡུལ་དུ་རོགས་རམ་དགོས་ངེས་ཁག་ལ་མི་ཆོས་རིང་ལུགས་དང་མཐུན་པའི་རོགས་སྐྱོར་བྱ་རྒྱུ་ཡིན་ཞེས་ཁས་ལེན་གནང་ཡོད་པ་རེད། དེའི་དབར་ན། ཉི་ཧོང་གི་སྲིད་བློན་སྐུ་ཞབས་ན་ཨོ་ཏོ་ཀན་མཆོག་གིས་བརྙན་འཕྲིན་ཐོག་རྒྱལ་ཡོངས་སུ་གསུང་བཤད་གནང་བའི་སྐབས།  ད་རེས་ཚབས་ཆེ་བའི་ས་ཡོམ་གྱི་གོད་ཆགས་དེ་དང་དེས་རྐྱེན་བྱས་ཏེ་རྒྱ་མཚོའི་རྦ་རླབས་ཀྱི་གཡོ་འགུལ་ཆེ་བའི་གནོད་འཚེ་དེ་གཉིས་ཀྱིས་ཉི་ཧོང་གི་ས་ཁུལ་མང་ཆེ་བའི་ནང་གཏོར་ཚབས་ཆེན་པོ་བྱུང་བ་དང་འཛམ་གླིང་མི་དམངས་ཧ་སང་དགོས་པའི་ཉི་ཧོང་རྒྱལ་ཁབ་ནང་བྱུང་མྱོང་མེད་པའི་རང་འབྱུང་གི་གནོད་འཚེ་ཚབས་ཆེ་ཞིག་ཡིན་པ་གསུངས་ཏེ། གནོད་འཚེ་དེར་གདོང་ལེན་བྱ་རྒྱུར་མི་དམངས་མི་རེ་ངོ་རེས་གཞུང་དང་འབྲེལ་ཡོད་ལས་ཁང་ཁག་མཉམ་རུབ་ཀྱིས་ནུས་པ་འདོན་སྤེལ་བྱས་ཏེ་གནོད་འཚེ་དེ་ལས་རྣམ་པར་རྒྱལ་དགོས་པའི་བློ་སྟོབས་སྤེལ་གནང་ཡོད་པ་རེད།