རྒྱ་གར་དུ་ཕྱིན་ན་ས་ཞིང་གཞུང་བཞེས་གཏང་རྒྱུ།

༄༅།ས་གནས་རྒྱ་ནག་གཞུང་གིས་གཞི་ཀ་རྩེ་ཁུལ་གྱི་གྲོང་རྡལ་ཁག་གི་བོད་མི་རྣམས་ལ་གལ་ཏེ་ནང་མི་གཅིག་རྒྱ་གར་ལ་ཕྱིན་ཚེ།    ནང་མི་ཡོངས་ཀྱི་ས་ཞིང་གཞུང་བཞེས་གཏང་རྒྱུ་དང་།    ཕྲུ་གུ་སློབ་གྲྭ་ནས་ཕྱིར་འབུད་གཏང་རྒྱུ། དེ་བཞིན་ཐེམ་ཐོ་མེད་པ་བཟོ་རྒྱུའི་ཉེན་བརྡའི་བརྡ་ཐོ་ཞིག་འདི་ཟླའི་ཚེས་༦ཉིན་བཏང་ཡོད་པའི་གནས་ཚུལ་འདུག གཞི་རྩེའི་ས་གནས་རྣམ་གླིང་རྫོང་གཙོས་པའི་རྫོང་ཁག་བཅོ་བརྒྱད་ཡོད་པ་ཡོངས་རྫོགས་ལ་བརྡ་ཐོ་དེ་བཏང་འདུག

བོད་ཀྱི་དབུ་ཁྲིད་བླ་ན་མེད་པ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་འདི་ལོའི་ཕྱི་ཟླ་༡༡ཚེས་༣༠ནས་ཕྱི་ཟླ་༡༢ཚེས་༡༣བར་རྒྱ་གར་ལྷོ་ཕྱོཌ་མོན་གྷོ་འདོད་རྒུ་གླིང་གི་དཔལ་ལྡན་དགའ་ལྡན་དང་འབྲས་སྤུང་དགོན་ཆེན་ནང་ལམ་རིམ་ཆེན་མོའི་གསུང་ཆོས་བཀྲིན་བསྩལ་སྐབས།    བོད་ནས་བོད་མི་འགྲོ་བསྐྱོད་ལ་བཀག་འགོག་བྱེད་ཕྱིར་བོད་མིའི་ཕྱིར་བསྐྱོད་ལག་ཁྱེར་སྔོན་ནས་བསྡུ་རུབ་བྱས་ཡོད་པ་རེད།    དེ་སྔ་ཆ་མཚོན་པ་ཡིན་ན།    ཕྱི་ལོ་༢༠༡༡ལོར་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་ལ་དཔལ་དུས་ཀྱི་འཁོར་ལོའི་དབང་ཆེན་བསྩལ་སྐབས།    ཆེད་བཅར་ཞུས་པའི་བོད་མི་རྣམས་ཕྱིར་ལོག་སྐབས་དགག་སྒོ་ནས་ལྕ་དངོས་བསྔོགས་བཤེར་དང་བོད་མི་མང་པོ་འཛིན་བཟུང་བཙོན་འཇུག་ཀྱང་བྱས་ཡོད་པ་རེད༎