ས་སྐྱ་བདག་ཁྲི་རིན་པོ་ཆེས་ཨོ་སོ་ཀྲོ་ལི་ཡའི་ཁུལ་དུ་གསུང་ཆོས།

༄༅༎དཔལ་ལྡན་ས་སྐྱ་བདག་ཁྲི་གོང་མ་རིན་པོ་ཆེ་མཆོགནས་ཨོ་སོ་ཀྲོ་ལི་ཡའི་ཁུལ་དུ་གསུང་ཆོས་དང་བཀའ་དབང་སྩལ་གནང་མཛད་རྒྱུ་ཡིན་པའི་སྐོར་གནས་ཚུལ་ཐོན་འདུག

དེ་ཡང་བཙན་བྱོལ་བོད་གཞུང་གི་དྲ་གནས་ཐོག་གནས་ཚུལ་བཀོད་དོན་བྱས་པར་གཞིགས་ན་འདི་ཟླའི་ཚེས་ཉི་ཤུ་བཞི་ཉིན་ནས་བཟུང་དཔལ་ལྡན་ས་སྐྱ་བདག་ཁྲི་རིན་པོ་ཆེ་མཆོག་གིས་ཨོ་སོ་ཀྲོ་ལི་ཡའི་སི་ཌི་ནི་གྲོང་ཁྱེར་རུ་སྦེལ་མེན་ཞེས་པའི་ས་གནས་ཀྱི་ཚོགས་ཁང་ཆེན་མོའི་ནང་དད་ལྡན་ཆོས་ཞུ་བ་རྣམས་ལ་དུས་ཡུན་བདུན་ཕྲག་ལྔའི་རིང་ས་སྐྱའི་ཆོས་བརྒྱུད་ཀྱི་ལམ་འབྲས་ཀྱི་བཀའ་ཆོས་དབུ་འཛུགས་གནང་རྒྱུ་ཡིན་པ་རེད། བདུན་ཕྲག་ལྔའི་རིང་ལམ་འབྲས་ཀྱི་བཀའ་ཆོས་དེ་བཞིན་གཙོ་བོ་ས་སྐྱ་བདག་ཁྲི་གོང་མ་རིན་པོ་ཆེའི་དབུ་བཞུགས་ཐོག་གྱ་ན་ལྦཇ་ར་རིན་པོ་ཆེ་དང་རཏ་ན་ལྦཇ་ར་རིན་པོ་ཆེ་རྣམ་གཉིས་ནས་ཀྱང་གསུང་ཆོས་དང་བཀའ་དབང་ཁག་ཅགི་སྩལ་གནང་མཛད་རྒྱུ་ཡིན་འདུག ཐེངས་འདིའི་ས་སྐྱ་གོང་མ་རིན་པོ་ཆེའི་ཨོ་སོ་ཀྲོ་ལི་ཡའི་ཁུལ་གྱི་ཆིབས་བསྒྱུར་དང་གསུང་ཆོས་ཀྱི་མཛད་འཆར་དེ་ཨོ་སོ་ཀྲོ་ལི་ཡའི་ནང་རྟེན་གཞི་བྱས་པའི་བཙན་བྱོལ་བོད་གཞུང་གི་སྐུ་ཚབ་དོན་གཅོད་ལས་ཁང་དང་ཡང་ཨོ་སོ་ཀྲོ་ལི་ཡ་དང་ནིའུ་ཛི་ལེནདྲ་གཉིས་སུ་གནས་འཁོད་ས་གནས་བོད་མི་ཚོས་ཇི་ལྟར་གསོལ་འདེབས་ཞུས་པར་ལྟར་ཞལ་བཞེས་ཀྱིས་མཛད་འཆར་གོ་སྒྲིག་ཞུ་བཞིན་ཡོད་འདུག།