སྲིད་སྐྱོང་མཆོག་ཨ་རིར་ཕྱོགས་ཕེབས་གནང་གཏན་འཁེལ་བ།

བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་དེ་རིང་ཕྱི་ཟླ་ ༡༢ ཚེས་༣ ནས་ཚེས་ ༡༥  བར་ཨ་རི་དང་།ལྡི་ལི་བཅས་སུ་གཞུང་འབྲེལ་ཕྱོགས་ཕེབས་གནང་གཏན་འཁེལ་བ་བཞིན་ཕྱི་ཚེས་ ༥ ཉིན་ལྡི་ལི་ནས་ཨ་རིའི་རྒྱལ་ས་ལྦ་ཤིན་ཊོན་ཌི་སིའི་ལ་ཕེབས་ཐོན་གྱིས་ཕྱི་ཚེས་ ༦ ནས་ཕྱི་ཚེས་ ༨ ཉིན་བར་རྒྱལ་ས་ཝ་ཤིང་ཊོན་དུ་ལས་འཆར་ཡོད་པ་དང་། དེ་ནས་ཚེས་ ༨ ཉིན་རྒྱབ་ཝ་ཤིང་ཊོ་ཌི་སིའི་ནས་གྲོང་ཁྱེར་ནིའུ་ཡོག་ཕེབས་ཐོན་གྱིས་དེར་ཡོད་པའི་རྒྱ་རིགས་མང་གཙོ་དོན་གཉེར་བ་ཁག་ཅིག་དང་མཇལ་འཕྲད་གནང་རྒྱུ་དང་། དེ་ནས་ཕྱི་ཚེས་དགུ་ཉིན་གྲོང་ཁྱེར་ནེའུ་ཡོག་ནང་ཡོད་པའི་གཞོན་སྐྱེས་ཁག་ཅིག་ལ་གཏམ་བཤད་གནང་རྒྱུ་ཡིན་པ་རེད། དེ་ནས་ཕྱི་ཚེས་༡༠འམ་རྒྱལ་སྤྱིའི་འགྲོ་བ་མིའི་ཐོབ་ཐང་ཉིན་མོ་དང་།སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ནོ་སྦེལ་ཞི་བདེའི་གཟེངས་རྟགས་འབུལ་ནས་ལོ་ངོ་༢༨འཁོར་བའི་དགའ་སྟོན་གྱི་ཉིན་མོར་གྲོང་ཁྱེར་ནེའུ་ཡོག་ནང་ཞི་རྒྱ་ཆེ་བའི་བོད་མིའི་གདུང་སེམས་མཉམ་བསྐྱེད་ཀྱི་ལས་འགུལ་ནང་མཉམ་ཞུགས་གནང་རྒྱུ་དང་ གཏམ་བཤད་ཡང་སྤེལ་གནང་རྒྱུ་ཡིན་པ་སོགས་ཀྱི་གནས་ཚུལ་དབུས་བོད་མིའི་སྒྲིག་འཛུགས་ཀྱི་དྲ་རྒྱའི་ཐོག་བཀོད་གནང་འདུག།
གསར་འགོད་པ་དབྱངས་སྒྲོལ།