སྲིད་སྐྱོང་དང་ཚོགས་གཙོ་རྣམ་གཉིས་རྒྱ་གར་ལྷོ་ཕྱོགས་སུ་ཕེབས་པ།

བོད་མིའི་སྒྲིག་འཛུགས་ཀྱི་སྲིད་སྐྱོང་དང་བོད་མི་མང་སྤྱི་འཐུགས་ཚོགས་གཙོ་རྣམ་གཉིས་རྒྱ་གར་ལྷོ་ཕྱོགས་སུ་གཞུང་འབྲེལ་ཕྱོགས་བསྐྱོད་གནང་རྒྱུ།
དེ་ཡང་བོད་མི་མང་སྤྱི་འཐུས་ཚོགས་གཙོ་སྐུ་ཞབས་སྤེན་པ་ཚེ་རིང་མཆོག་དང་། དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་རྣམ་གཉིས་ཁག་སོ་སོར་བཞུགས་སྒར་རྡ་རམ་ས་ལ་ནས་རྒྱ་གར་ལྷོ་ཕྱོགས་ཁུལ་དུ་གཞུང་འབྲེལ་ཕྱོགས་བསྐྱོད་ཆེད་ཕེབས་ཡོད་པ་རེད།
གནས་ཚུལ་ལྟར་ན། བོད་མི་མང་སྤྱི་འཐུས་ཚོགས་གཙོ་སྐུ་ཞབས་སྤེན་པ་ཚེ་རིང་མཆོག་བཞུགས་སྒར་རྡ་རམ་ས་ལ་ནས་གཟའ་ལྷག་པའི་ཉིན་ཕེབས་ཐོན་གནང་རྗེས། ཟླ་བ་འདིའི་ཚེས་༡༧ཉིན། ཚོགས་གཙོ་མཆོག་གིས་ལུགས་ཟུང་བསམ་གྲུབ་གླིང་ངམ་བྷེ་ལ་ཀོ་པིར་ཕེབས་རྒྱུ་དང་། ཚེས་༡༩ཉིན། བོད་མིའི་དབུ་ཁྲིད་བླ་ན་མ་མཆིས་པ་སྤྱི་ནོར་གོང་ས་སྐྱབས་མགོན་ཆེན་པོ་མཆོག་གིས་བཀྲ་ཤིས་ལྷུན་པོའི་ཚོགས་ཁང་གསར་པ་དབུ་འབྱེད་རབ་གནས་གནང་སྐབས་ཀྱི་མཛད་རིམ་ཁོངས་སུ་ཚོགས་གཙོ་མཆོག་མཉམ་ཞུགས་གནང་རྒྱུ་དང་། ཚེས་༢༠འི་ཉིན་བྷེ་ལ་ཀོ་པི་ནས་ཕེབས་ཐོན་གྱིས་ཚེས་༢༡ཉིན་བཞུགས་སྒར་དུ་ཕེབས་འབྱོར་གནང་གི་ཡོད་པ་རེད།  
དེ་བཞིན་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་སྤྱི་ཚེས༡༣ཉིན། བཞུགས་སྒར་རྡ་རམ་ས་ལ་ནས་ཕྱིར་ཕེབས་ཀྱིས་རྒྱ་གར་ལྷོ་ཕྱོགས་བྷེང་ལོར་གྲོང་ཁྱེར་ནང་ཕེབས་འབྱོར་གནང་སྟེ། གྲོང་ཁྱེར་དེའི་ནང་ཡོད་པའི་Christམཐོ་སློབ་ཁང་གི་དགེ་ལས་དང་།  སློབ་ཕྲུག་རྣམས་ལ་བཀའ་སློབ་གནང་རྒྱུ་ཡིན་པ་རེད།
དེ་ནས་རྒྱ་གར་ལྷོ་ཕྱོགས་བྷེ་ཀོབ་བོད་མིའི་གཞིས་སྒར་ནང་རྟེན་གཞི་བྱས་པའི་བཀྲིས་ལྷུན་པོའི་དགོན་པས་ཇི་ལྟར་གསོལ་འདེབས་ཞུས་གནང་བ་བཞིན་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ནས་བཀྲིས་ལྷུན་པོ་དགོན་པའི་འདུ་ཁང་གསར་བཞེངས་དབུ་འབྱེད་མཛད་སྒོ་མཉམ་ཞུགས་གནང་རྒྱུ་ཡིན་པ་རེད།

གསར་འགོད་པ་འབེན་པ་སྟོབས་རྒྱལ་དང་དབྱངས་སྒྲོལ།