རྒྱ་གར་ལྷོ་ཕྱོགས་གཞིས་ཆགས་ཁག་གི་སྤྱི་ཁྱབ་ནས་གསུང་བཤད།
2012.02.28
༄༅༎དབུས་བོད་མིའི་སྒྲིག་འཛུགས་ཀྱི་རྒྱ་གར་ལྷོ་ཕྱོགས་གཞིས་ཆགས་ཁག་གི་སྤྱི་ཁྱབ་པ་བཀྲིས་ཕུན་ཚོགས་ལགས་ཉེ་ཆར་རྒྱ་གར་ལྷོ་ཕྱོགས་ཀར་ན་ཊ་ཀ་མངའ་སྡེའི་རྒྱལ་ས་ སྦེང་ལུ་རུར་ཚུགས་པའི་(YUVA BHARAT) འམ་རྒྱ་གར་གྱི་གཞོན་ནུ་ཞེས་མིང་བཏགས་པའི་རྒྱལ་ཡོངས་བདེ་འཇགས་གོང་བུ་གཅིག་འགྱུར་གྱི་གླེང་སྟེགས་ཞེས་པའི་ཚོགས་འདུར་ཇི་ལྟར་གདན་ཞུས་ལྟར་ཆེད་ཕེབས་ཀྱིས། ཚོགས་འདུའི་དབུ་འབྱེད་ཉིན་བོད་ནང་གི་ད་ལྟའི་གནས་སྟངས་སྤྱི་དང་ལྷག་པར་དུ་བོད་ཀྱི་གནད་དོན་ནི་རྒྱ་གར་གཙོས་པའི་ཁྱིམ་མཚེས་ཡུལ་གྲུ་ཁག་གི་བདེ་འཇགས་ཀྱི་གནས་བབས་དང་འབྲེལ་ཆགས་སྐོར་གསུང་བཤད་གཟབ་རྒྱས་ཤིག་གནང་ཡོད་པ་བོད་མིིའི་སྒྲིག་འཛུགས་ཀྱི་དྲ་རྒྱའི་ཐོག་གནས་ཚུལ་སྤེལ་འདུག།
ཚོགས་འདུ་དེ་བཞིན་ཕྱི་ཟླ་ ༢ ཚེས་ ༢༥ དང་ ༢༦ ཉིན་གྲངས་གཉིས་རིང་ཚུགས་ཤིང༌། ཚོགས་འདུའི་དབུ་འབྱེད་ཀྱི་གསུང་བཤད་གནང་མཁན་གྱི་ཁོངས་སུ་རྒྱ་གར་གྱི་བདེ་སྲུང་ལྷན་ཁང་ལ་ཚན་རིག་གི་གནད་དོན་ཐད་སློབ་སྟོན་པ་མཁས་དབང་སྐུ་ཞབས་ལྦི་ཀེ་ས་ར་ལྦཏ་དང༌། རྒྱ་གར་གྱི་ཇན་ཏ་སྲིད་དོན་ཚོགས་པའི་གཙོ་འཛིན་སྐུ་ཞབས་སུབ་ར་མ་ནམ་སུལྦ་མི་སོགས་གལ་གནད་ཆེ་བའི་མི་སྣ་ཡོད་འདུག།
ལྷོ་ཕྱོགས་བོད་མིའི་གཞིས་ཆགས་ཁག་གི་སྤྱི་ཁྱབ་པ་བཀྲིས་ཕུན་ཚོགས་ལགས་ཀྱིས། བོད་དང་རྒྱ་གར་དབར་གྱི་འདས་པའི་ལོ་རྒྱུས་ཀྱི་འབྲེལ་ལམ་དང༌། རྒྱ་གར་དང་བོད་དབར་ས་འབྲེལ་གྱི་གནས་བབས་དེ་གཅིག་པུའི་ཐོག་ནས་བོད་འདི་རྒྱ་གར་གྱི་བདེ་འཇགས་གནས་བབས་ཐོག་གལ་གནད་ཆེན་པོ་ཇི་ཙམ་མཚོན་གྱི་ཡོད་མིན་སོགས་གསལ་བཤད་ཞིབ་རྒྱས་གནང་འདུག་ལ། དེ་བཞིན་ཁོང་གིས་བོད་ནང་རྒྱ་ནག་གཞུང་གིས་དྲག་གནོན་ཤུགས་ཆེ་བྱེད་བཞིན་པར་བོད་མི་ཚོ་མི་བཟོད་པའི་ཐོག་ནས་རང་ལུས་མེར་བསྲེགས་བཏང་སྟེ་རང་སྲོག་བློས་གཏོང་བྱེད་བཞིན་པ་མཚམས་འཇོག་ཡོང་ཐབས་སུ་ཚོགས་བཅར་བ་ཚོས་རྒྱ་ནག་གཞུང་གིས་བོད་ཐོག་བཟུང་བའི་སྲིད་བྱུས་ལ་སྐྱོན་བརྗོད་ཡོང་བའི་འབོད་བསྐུལ་ཡང་ཞུས་གནང་འདུག།
གཞོན་ནུའི་ཚོགས་འདུ་དེའི་ནང་ཚོགས་བཅར་ཞུས་པའི་ ཨཕྷ་གྷནིསི་ཐན་དང་བལ་ཡུལ། འབྲུག། སྦང་ལ་དེཤ། མལ་རྡིཝིསི་སོགས་ཀྱི་གཞོན་ནུའི་སྐུ་ཚབ་ནས་རང་རང་སོ་སོའི་ཡུལ་གྲུ་ཁག་གི་བདེ་འཇགས་ཀྱི་གནས་བབས་སྐོར་གསུང་བཤད་ཀྱང་གནང་འདུག།
དམིགས་བསལ་ད་རེས་ཀྱི་ལྷན་ཚོགས་དེའི་སྐབས། རྒྱ་གར་གྱི་ཀར་ན་ཊ་ཀ་མངའ་སྡེའི་རྒྱལ་ཡོངས་བདེ་འཇགས་གོང་བུ་གཅིག་འགྱུར་གླེང་སྟེགས་ཀྱི་ཚན་པའི་གཙོ་འཛིན་སྐུ་ཞབས་ཌི་སྦི་ཤེ་ཀཏ་ཀར་གྱིས་ཚོགས་བཅར་བ་ཚོས་སྐུ་ཞབས་བཀྲིས་ཕུན་ཚོགས་ལགས་ཀྱི་བཀའ་མོལ་གྱི་ནང་དོན་ཁག་ལ་མཐའ་གཅིག་ཏུ་རྒྱབ་སྐྱོར་གནང་དགོས་པའི་བསྐུལ་མ་གནང་པ་དང༌། ལྷག་པར་དུ་གཞོན་ནུ་ཚོས་རྒྱ་གར་གྱི་རང་དབང་དང་མང་གཙོ་ལ་གཅེས་འཛིན་བྱེད་པ་དང་དུས་མཚུངས་དེ་དག་དོ་ནན་གྱི་ཐོག་ནས་སྲུང་སྐྱོབ་བྱ་དགོས་པ་ཡང་གསུངས་འདུག།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨེ་ཤེ་ཡ་རང་དབང་རླུང་འཕྲིན་ཁང་གི་སྐད་ཡིག་སྡེ་ཚན་ཕལ་ཆེ་བ་སྒོ་བརྒྱབ་རྒྱུའི་གསལ་བསྒྲགས།
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།
- བཀའ་ཟུར་བཀྲ་ཤིས་དབང་འདུས་ལགས་འདས་གྲོངས་སུ་གྱུར་འདུག
- ཨ་རྒྱ་གཉིས་ཀྱི་ཚོང་དམག་ཁྲོད་བཟོ་གྲྭ་མང་པོ་སྒོ་བརྒྱབ་པའི་རྐྱེན་གྱིས་རྒྱ་ནག་གི་ས་ཁུལ་གང་སར་ལས་མིས་ངོ་རྒོལ་བྱེད་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཚང་མ་མཐུན་སྒྲིལ་ཐོག་མཉམ་གནས་ཐུབ་རྒྱུ་དེ་མགོན་པོ་མཆོག་གི་ཐུགས་རེ་གཙོ་བོ་ཡིན་ཞེས་རྒྱ་རིགས་ཚན་རིག་པ་ཚོར་བཀའ་སྩལ་མཛད་འདུག
- ཨ་རིའི་ཕྱི་སྲིད་ལས་ཁུངས་ཀྱི་འཛིན་སྐྱོང་སྒྲོམ་གཞི་བསྐྱར་སྒྲིག་ཁྲོད། སྲིད་སྐྱོང་སྤེན་པ་ཚེ་རིང་ལགས་ཀྱིས་བོད་དོན་དམིགས་བསལ་འབྲེལ་མཐུད་པ་ཕྱི་སྲིད་དྲུང་ཆེའི་ཐད་ཀར་འོག་ལས་གནས་བསྐོ་བཞག་ཡོང་བའི་འབོད་སྐུལ་གནང་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཧོང་ཀོང་དུ་སངས་རྒྱས་ཀྱི་རིང་བསྲེལ་རིན་བསྡུར་ཚོང་སྒྱུར་བྱེད་འཆར་ལ་རྒྱ་གར་གཞུང་གིས་སྐྱོན་བརྗོད་དང་སྦྲགས། རིང་བསྲེལ་རང་གནས་སུ་ཕྱིར་སློག་དགོས་པ་བསྒྲགས་འདུག