ཨ་རིའི་བོད་དོན་འབྲེལ་མཐུད་པ་དང་མཇལ་འཕྲད།

༄༅༎ཕྱི་ཟླ་༡༠་ཚེས་༡༩ ཉིན་བཙན་བྱོལ་བོད་མིའི་སྒྲིག་འཛུགས་ཀྱི་ཡོ་རོབ་དམིགས་བསལ་སྐུ་ཚབ་སྐལ་བཟང་རྒྱལ་མཚན་ལགས་ཀྱིས་ཨ་མི་རི་ཀའི་གཞུང་གིས་བསྐོ་བཞག་གནང་བའི་བོད་དོན་ཐད་འབྲེལ་མཐུད་གནང་མཁན་དམིགས་བསལ་སྐུ་ཚབ་ཨ་རིའི ཕྱི་སྲིད་དྲུང་ཆེ་གཞོན་པ་ལྕམ་Mario Otero མཇལ་འཕྲད་ཞུས་ཡོད་པའི་སྐོར་དེ་རིང་བཙན་བྱོལ་བོད་མིའི་སྒྲིག་འཛུགས་ཀྱི་དྲ་རྒྱའི་ཐོག་གནས་ཚུལ་སྤེལ་བཞག
དེ་ཡང་ཨ་རི་གཞུང་གི་ཆེད་བཙུགས་གནང་པའི་བོད་དོན་ཐོག་འབྲེལ་མཐུད་གནང་མཁན་དམིགས་བསལ་སྐུ་ཚབ་ལྕམ་Mario Otero སྐབས་དེར་France རྒྱལ་ས་Paris ནང་ཡོ་རོབ་ཁུལ་གྱི་ཕྱི་སྲིད་དྲུང་ཆེ་གཞོན་པ་ཚོར་ཨ་མི་རི་ཀའི་ཕྱོགས་ནས་བོད་ཀྱི་གནད་དོན་ཐོག་སྲིད་ཇུས་ཇི་ལྟར་འཛིན་གྱི་ཡོད་པའི་སྐོར་གསལ་བཤད་གནང་བར་ཕེབས་ཡོད་པར་བརྟེན་ཕྱི་ཟླ་བཅུ་པའི་ཚེས་༡༩ ཉིན་རྒྱལ་ས་Paris ནང་བཙན་བྱོལ་བོད་མིའི་སྒྲིག་འཛུགས་ཀྱི་ཡོ་རོབ་ཁུལ་གྱི་དམིགས་བསལ་སྐུ་ཚབ་སྐལ་བཟང་རྒྱལ་མཚན་ལགས་ཀྱིས་ལྕམ་Mario Otero མཇལ་འཕྲད་ཞུས་ཡོད་པ་རེད། སྐབས་དེར་སྐལ་བཟང་རྒྱལ་མཚན་ལགས་ཀྱི་ལྷན་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཡོ་རོབ་སྐུ་ཚབ་དོན་གཅོད་དངོས་གྲུབ་རྡོ་རྗེ་ལགས་ལྷན་དུ་ཕེབས་ཏེ། དུས་ཡུན་ཚོུད་གཅིག་རིང་མཇལ་འཛོམས་བཀའ་མོལ་གནང་བའི་སྐབས། དངོས་གྲུབ་རྡོ་རྗེ་ལགས་ཀྱིས་ཡོ་རོབ་ཁུལ་གྱི་བོད་ཀྱི་གནད་དོན་དང༌། དཀའ་ངལ། གདོང་ལེན་བྱ་དགོས་པའི་གནད་དོན་རིམ་པ་མདོར་བསྡུས་ཤིག་སྙན་གསེང་ཞུས་ཡོད་པ་རེད།།