ལྐོག་ཟའི་བྱ་སྤྱོད་ནི་འཚེ་བའི་བྱ་སྤྱོད་ཡིན་པ་བཀའ་གནང་འདུག
2015.02.10
༧གོང་ས་མཆོག་ནོར་ཝེ་ཡུལ་གྱི་རྒྱལ་སྤྱིའི་སློབ་ཕྲུག་དུས་སྟོན་སྐབས། ༢༠༡༥།༢།༩
སྐུ་སྒེར་དྲ་བ
༧གོང་ས་མཆོག་གིས་ནོར་ཝེ་ཡུལ་གྱི་མཛད་འཕྲིན་འགྲུབ་ནས་ཌེན་མརཀ་རུ་ཞབས་སོར་འཁོད་གནང་གྲུབ་འདུག
དེ་ཡང་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཕྱི་ཚེས་དགུ་ཉིན་ནོར་ཝེའི་གྲོང་ཁྱེར་Trondheimརུ་ཁུལ་དེར་ཚུགས་བཞིན་པའི་རྒྱལ་སྤྱིའི་སློབ་ཕྲུག་དུས་སྟོན་ཐོག་བཀའ་སློབ་གསུང་བཤད་སྩལ་གནང་མཛད་པ་དང་། ལོ་ངོ་སྟོང་ཕྲག་གཅིག་ཙམ་གྱི་གོང་གྲོང་ཁྱེར་འདི་ནི་ནོར་ཝེའི་རྒྱལ་ས་ཡིན་པ་དང་། འཛམ་གླིང་ནང་སློབ་ཕྲུག་གི་དུས་སྟོན་མི་འདྲ་བ་མང་པོ་ཚུགས་སྲོལ་ཡོད་ན་ཡང་Trondheimནང་ཚུགས་པ་འདི་ཆེ་ཤོས་དེ་ཡིན་འདུག འདི་ལོའི་རྒྱལ་སྤྱིའི་སློབ་ཕྲུག་དུས་སྟོན་གྱི་ཚོགས་འདུ་དེའི་བརྗོད་གཞི་ནི། ལྐོག་ཟའི་གནད་དོན་སྐོར་ཡིན་འདུག་ཅིང་། ༧གོང་ས་༧སྐྱབས་མགོན་མཆོག་གིས་ལྐོག་ཟའི་བྱ་སྤྱོད་ནི་འཚེ་བའི་བྱ་སྤྱོད་ཅིག་ཡིན་པ་བཀའ་གནང་པ་དང་། རྒྱུ་མཚན་ནི་༧གོང་ས་སྐྱབས་མགོན་ཆེན་པོ་མཆོག་གིས། བྱ་སྤྱོད་དེས་མི་གཞན་གྱི་ཐོབ་ཐང་འཕྲོག་ཅིང་། གཞན་གྱི་སེམས་ལ་གནོད་པའི་བྱ་སྤྱོད་ཅིག་ཡིན་པ་འགྲེལ་བརྗོད་གནང་འདུག ༧གོང་ས་སྐྱབས་མགོན་ཆེན་པོ་མཆོག་གིས་སློབ་ཕྲུག་ཆིག་སྟོང་བརྒྱད་བརྒྱ་བརྒལ་བར་བཀའ་སློབ་སྩལ་གནང་མཛད་སྐབས། གལ་ཏེ་མི་སྒེར་རེ་རེའི་ངོས་ནས་རང་ཉིད་མི་གཞན་དང་གཅིག་མཚུངས་ཡིན་པ་དང་། གཞན་བདེ་བ་དོན་གཉེར་གྱི་བསམ་བློ་ཞིག་དང་ལྡན་ཚེ་ལྐོག་ཟ་ལ་སོགས་པ་འཚེ་བའི་བྱ་སྤྱོད་དེ་རིགས་ཡོང་ཐབས་མེད་པ་ཞིག་ཡིན་པ་བཀའ་གནང་འདུག སློབ་ཕྲུག་༡༨༠༠ འི་ཁོངས་ནས་༥༠༠ཙམ་ནོར་ཝེ་ཕྱི་ལོག་གི་ཡུལ་གྲུ་ཁག་ནས་ཡིན་འདུག
སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ནས་དུས་རབས་ཉི་ཤུ་རྩ་གཅིག་པ་འདི་ཞི་བ་དང་། བདེ་སྐྱིད་ལྡན་པ་ཞིག་བཟོ་ཐུབ་རྒྱུའི་རེ་བ་ཆེན་པོ་ཡོད་པ་བཀའ་གནང་ཞིང་། དེ་ལྟར་འབྱུང་བར་དེང་དུས་ཀྱི་ཤེས་ཡོན་སློབ་གསོའི་ལམ་ལུགས་ནང་ངེས་པར་དུ་ནང་སེམས་ཀྱི་བྱམས་པ་དང་བརྩེ་སེམས། གཞན་ཕན་ལྷག་བསམ་ལ་སོགས་པའི་རིན་ཐང་ངོ་སྤྲོད་ཀྱི་སློབ་གསོ་ངེས་པར་སྤྲོད་ཐུབ་པ་བྱ་རྒྱུ་གལ་ཆེ་ཡིན་པ་བཀའ་གནང་ཡོད་པ་རེད། ༧གོང་ས་༧སྐྱབས་མགོན་ཆེན་པོ་མཆོག་ནོར་ཝེ་ནས་དེ་རིང་ཕྱི་ཚེས་༡༠ཉིན་ཌེན་མརཀ་རུ་ཞབས་སོར་འཁོད་ནང་གྲུབ་ཅིང་། ཕྱི་ཚེས་༡༡ཉིན་ཌེན་མརཀ་གྱི་རྒྱལ་ས་ཀོ་པེན་ཧེ་གྷན་རུ་བྱམས་བརྩེ་དང་འབྲེལ་བའི་ནུས་པ་ཞེས་པའི་བརྗོད་གཞིའི་སྒོ་ནས་མང་ཚོགས་ལ་བཀའ་སློབ་གསུང་བཤད་དང་། ཕྱི་ཚེས་༡༢ཉིན་བློ་སྦྱོང་ཚིགས་བརྒྱད་མའི་སྒོ་ནས་ཆོས་འབྲེལ་གསུང་ཆོས་སྩལ་མཛད་རྒྱུའི་མཛད་འཆར་ཡོད་པ་རེད།
གསར་འགོད་པ་སྤྱི་ཁྱབ་རྩོམ་སྒྲིག་པ་སྐལ་ལྡན་བློ་གྲོས།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨེ་ཤེ་ཡ་རང་དབང་རླུང་འཕྲིན་ཁང་གི་སྐད་ཡིག་སྡེ་ཚན་ཕལ་ཆེ་བ་སྒོ་བརྒྱབ་རྒྱུའི་གསལ་བསྒྲགས།
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།
- བཀའ་ཟུར་བཀྲ་ཤིས་དབང་འདུས་ལགས་འདས་གྲོངས་སུ་གྱུར་འདུག
- ཨ་རྒྱ་གཉིས་ཀྱི་ཚོང་དམག་ཁྲོད་བཟོ་གྲྭ་མང་པོ་སྒོ་བརྒྱབ་པའི་རྐྱེན་གྱིས་རྒྱ་ནག་གི་ས་ཁུལ་གང་སར་ལས་མིས་ངོ་རྒོལ་བྱེད་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཚང་མ་མཐུན་སྒྲིལ་ཐོག་མཉམ་གནས་ཐུབ་རྒྱུ་དེ་མགོན་པོ་མཆོག་གི་ཐུགས་རེ་གཙོ་བོ་ཡིན་ཞེས་རྒྱ་རིགས་ཚན་རིག་པ་ཚོར་བཀའ་སྩལ་མཛད་འདུག
- ཨ་རིའི་ཕྱི་སྲིད་ལས་ཁུངས་ཀྱི་འཛིན་སྐྱོང་སྒྲོམ་གཞི་བསྐྱར་སྒྲིག་ཁྲོད། སྲིད་སྐྱོང་སྤེན་པ་ཚེ་རིང་ལགས་ཀྱིས་བོད་དོན་དམིགས་བསལ་འབྲེལ་མཐུད་པ་ཕྱི་སྲིད་དྲུང་ཆེའི་ཐད་ཀར་འོག་ལས་གནས་བསྐོ་བཞག་ཡོང་བའི་འབོད་སྐུལ་གནང་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཧོང་ཀོང་དུ་སངས་རྒྱས་ཀྱི་རིང་བསྲེལ་རིན་བསྡུར་ཚོང་སྒྱུར་བྱེད་འཆར་ལ་རྒྱ་གར་གཞུང་གིས་སྐྱོན་བརྗོད་དང་སྦྲགས། རིང་བསྲེལ་རང་གནས་སུ་ཕྱིར་སློག་དགོས་པ་བསྒྲགས་འདུག