རྒྱ་གར་ནང་ལས་བྱེད་པའི་གླ་ཕོགས་བརྒྱ་ཆ་༡༣འཕར་ངེས།

༄༅༎རེས་གཟའ་མིག་མར་ཉིན་ཨེཨོན་ཧིའུ་ལྦིཏ་ཞེས་པའི་ཚོང་དོན་ཉམས་ཞིབ་ལྟེ་གནས་ཁང་གིས་རྒྱལ་སྤྱིའི་ཡུལ་ཁག་གི་དཔལ་འབྱོར་འཕེལ་ཚད་དང་བཟོ་ཚོང་ལས་ཁང་ཁག་གི་མཐུན་སྦྱོར་གྱི་གནས་བབས་སྐོར་ཞིབ་འཇུག་གི་སྔོན་དཔག་འདོན་བྱས་པའི་ནང་ འདས་པའི་༢༠༡༠ལོར་རྒྱ་གར་གྱི་བཟོ་ཚོང་ལས་ཁང་དང་ཁེ་ལས་ཁག་གི་ཕྱི་འབྲེལ་གྱི་ཚོང་འབྲེལ་ཙམ་མ་ཟད་རྒྱལ་ཁབ་ནང་ཁུལ་དུ་ཚོང་ལས་རྒྱ་ཆེར་སོང་བའི་དབང་གིས་ལས་བྱེད་པའི་གླ་ཕོགས་ཡང་བརྒྱ་ཆ་༡༣ཙམ་གྱི་འཕར་ཆ་སོང་སྟེ་རྒྱལ་སྤྱིའི་ཡུལ་ཁག་ཁོངས་ནས་ཕར་ཆའི་ཚད་གཞི་མཐོ་ཤོས་འགྲོ་ངེས་ཡིན་པའི་སྐོར་སྔོན་དཔག་བྱས་ཡོད་པ་རེད་ 

རྒྱ་གར་ནང་བཟོ་ཚོང་ལས་ཁང་དང་ཚོང་ལས་སྡེ་ཚན་གྱི་ལས་བྱེད་པའི་གླ་ཕོགས་དེ་ལྟ་བུའི་ཕར་གནོན་འགྲོ་བའི་རྒྱུ་མཚན་ཇེ་མང་ཡོད་པ་ནས་ གཙོ་བོ་༢༠༡༡ལོར་རྒྱལ་ཁབ་སྤྱི་ཡོངས་ཀྱི་དཔལ་འབྱོར་འཕེལ་རིམ་གྱི་ཚད་གཞི་བརྒྱ་ཆ་༩ཙམ་སླེབས་རྒྱུའི་གདེངས་ཚོད་དང་གཅིག་ ཡང་མྱུར་ཚད་མཐོ་བའི་དཔལ་འབྱོར་འཕེལ་རིམ་གྱི་གནས་སྟངས་འོག་བཟོ་ཚོང་ལས་ཁང་ཁག་ལ་ཤེས་སྦྱོན་ལྡན་པའི་ལས་བྱེད་དཀོན་པའི་གནས་སྟངས་དང་གཉིས་ གསུམ་པ་འདས་པའི་ལོའི་ནང་སྤྱིར་གླ་ཕོགས་ཡར་རྒྱས་སོང་ནའང་རྒྱ་གར་ནང་བཟའ་བཅའི་རིང་གོང་ལྡབ་ལོག་ཕར་བའི་རྐྱེན་ བྱུང་སོང་ཁ་ཐབས་མི་ཐུབ་པའི་གནས་སྟངས་བཅས་ཀྱི་རྒྱུ་མཚན་ལུང་འདྲེན་བྱས་འདུག༎