བོད་དོན་རྒྱབ་སྐྱོར་གྱི་ཕྱག་ལས་ལ་ཆེ་བསྟོད་ཞུས་ཡོད་པ།

༄༅༎ དེ་རིང་བཙན་བྱོལ་བོད་གཞུང་གི་དྲ་རྒྱའི་ཐོག་གནས་ཚུལ་སྤེལ་བར་གཞིགས་ན། ཟླ་བ་འདིའི་ཕྱི་ཚེས་༡༤ཉིན་རྒྱ་གར་ལྷོ་ཕྱོགས་ལྦེ་ལ་ཀོ་པི་བོད་མིའི་གཞིས་ཆགས་སུ། བོད་མི་དམངས་སྤྱི་འཐུས་ལྷན་ཚོགས་ཀྱི་གོ་སྒྲིག་གནང་བའི་ལྷན་ཚོགས་ཐོག་ལ། རྒྱ་གར་གྱི་ཨར་ཨེས་ཨེས་ཆབ་སྲིད་ཚོགས་པའི་དབུ་ཁྲིད་ཟུར་པ་སྐུ་ཞབས་ཀེ་ཨེས་ཤུ་རྡར་ཤན་མཆོག་དང་ཚོགས་པའི་མགྲིན་ཚབ་པ་སྐུ་ཞབས་ཨིན་ཊེ་རི་ཤི་རྣམ་གཉིས་གདན་ཞུ་གནང་སྟེ། བོད་མི་དམངས་སྤྱི་འཐུས་ཚོགས་གཙོ་གཞོན་པ་རྒྱ་རི་སྒྲོལ་མ་ལགས་ཀྱིས་མཛད་སྒོ་ངོ་སྤྲོད་ཀྱི་གསུང་བཤད་གནང་གྲུབ་པའི་རྗེས། ཁོང་རྣམ་གཉིས་ཀྱི་ད་བར་༧གོང་ས་མཆོག་གི་དབུ་མའི་ལམ་གྱི་དགོངས་གཞི་དང༌། བོད་དོན་ཐོག་ལ་རྒྱབ་སྐྱོར་གནང་བའི་ཕྱག་ལས་ལ་རྗེས་སུ་ཡིད་རང་དང་བཀྲིན་ཆེ་ཞུ་བའི་རྗེས་དྲན་གྱི་ཕྱག་རྟགས་ཤིག་ཀྱང་ཕུལ་ཡོད་པ་རེད།

མཛད་སྒོ་དེའི་ཐོག་ལ་བོད་མི་གཙོ་བོར་གྱུར་བའི་རྒྱ་གར་བ་མི་ཉུང་བ་ཞིག་མཉམ་ཞུགས་བྱས་ཡོད་པ་དང། སྐུ་ཞབས་ཀེ་ཨེས་ཤུ་རྡར་ཤན་མཆོག་གིས་གསུང་བཤད་གནང་བའི་ནང༌། བཙན་བྱོལ་བོད་གཞུང་གི་བཀའ་བློན་ཁྲི་པ་མཆོག་གིས་བཙན་བྱོལ་བོད་མིའི་སྤྱི་ཚོགས་ནང་རྫས་ལུས་དང་། རྫས་འགྱུར་མེད་པའི་སྲོལ་རྒྱུན་གྱི་སོ་ནམ་གྱི་ཐོན་སྐྱེས་ལས་དོན་འགོ་བཙུགས་གནང་བའི་ཕྱག་ལས་ལ་བསྔགས་བརྗོད་ཆེན་པོ་ཞུས་པ་རེད།།