འབར་མའི་ནང་འོས་བསྡུའི་རྗེས་འགྱུར་བ་ཕྱིན་མེད།
2011.05.13
༄༅༎འབར་མའི་དམངས་གཙོ་ཚོགས་པའི་དབུ་ཁྲིད་དང་འཛམ་གླིང་ཞི་བདེའི་བྱ་དགའ་བཞེས་མཁན་ལྕམ་ཨང་སང་སུ་ཅི་མཆོག་གིས་ཡུལ་ནང་རྒྱལ་ཡོངས་འོས་བསྡུའི་རྗེས་གཞུང་གི་ལས་དོན་བྱ་ཕྱོགས་ལ་དོན་ཕན་ལྡན་པའི་འགྱུར་བ་གང་ཡང་མཐོང་རྒྱུ་མེད་སྐོར་གསུངས་ཡོད་པ་རེད་
ལྕམ་ཨང་སང་སུ་ཅི་མཆོག་གི་དགོངས་ཚུལ་དེ་ཇར་མན་གྱི་ཌེ་ཌབ་ལུ་DW-- TV ཞེས་པའི་བརྙན་འཕྲིན་ལས་ཁང་གིས་ཁོང་ལ་ཞལ་དཔར་བརྒྱུད་འབར་མའི་ནང་གི་ཆབ་སྲིད་གནས་སྟངས་སྐོར་ བཀའ་དྲི་ཞུས་པའི་བཀའ་ལན་དུ་གསུངས་ཡོད་པ་དང་ ཇར་མན་གྱི་བརྙན་འཕྲིན་ལས་ཁང་དེས་ཁོང་ལ་གནས་དྲིས་ཞུས་པའི་བཀའ་ལན་ཁག་གཟའ་འཁོར་འདིའི་ནང་རྒྱང་སྲིང་གནང་གི་ཡོད་ཅིང་་འདིའི་ནང་ཁོང་གིས་ཡུལ་ནང་འོས་བསྡུ་གོ་སྒྲིག་བྱས་ཡོད་པ་ཤེས་ཀྱི་ཡོད་ཀྱང་ འོས་བསྡུའི་རྗེས་གོ་སྒྲིག་ཞུས་པའི་གཞུང་འདི་དེ་སྔ་འོས་བསྡུ་གོང་གི་གཞུང་དེ་རང་ཡིན་པས་ ང་ཚོར་ད་བར་འགྱུར་བ་ཞིག་གང་ཡང་མཐོང་རྒྱུ་མེད་པ་དང་ གལ་ཏེ་འགྱུར་བ་ཞིག་ཡོང་གི་ཡོད་ན་ འགྱུར་བ་དེ་སྒུག་སྡོད་ཅེས་བཀའ་གནང་ཡོད་པ་རེད་
འབར་མའི་དྲག་པོའི་གཞུང་གིས་རྒྱལ་སྤྱིའི་སྐྱོན་བརྗོད་མ་བཟོད་པ་ལྟ་བུར་སྔ་ལོའི་ཕྱི་ཟླ་༡༡་པའི་ནང་ཡུལ་ནང་རྒྱལ་ཡོངས་འོས་བསྡུ་གོ་སྒྲིག་ཞུས་ཡོད་པ་དང་ ཡིན་ནའི་འོས་བསྡུའི་ནང་ལྕམ་ཨང་སང་སུ་ཅིས་དབུ་ཁྲིད་པའི་ཕྱོགས་འགལ་དམངས་གཙོ་ཚོགས་པར་འོས་ཐོབ་མི་ཡོང་བའི་ཆེད་སྔ་ས་ནས་ ལྕམ་ཨང་སང་སུ་ཅི་མཆོག་འོས་བསྡུར་ཞུགས་རྒྱུའི་ཆ་རྐྱེན་ཚང་གི་མེད་པའི་སྐྱོན་བཙུགས་ཀྱིས་བཀག་འགོག་དང་ ཕྱོགས་མཚུངས་ཁོང་གིས་དབུ་ཁྲིད་པའི་དམངས་གཙོ་ཚོགས་པ་དེ་ཉིད་ཀྱང་ ཁྲིམས་མཐུན་མིན་པ་སོགས་ མདོར་ན་དྲག་པོའི་གཞུང་གི་དཔོན་རིགས་ཚོར་ སྐྱར་དུ་ཞི་བའི་འགོ་ཁྲིད་ཀྱི་ངོ་བོར་འོས་ཐོབ་ཐབས་ཁོ་ན་བྱས་ཡོད་ནའང་ རྒྱལ་སྤྱིའི་ཚོགས་སྡེ་གང་ཞིག་ནང་འབར་་མའི་གཞུང་གི་འོས་བསྡུ་དེ་དམངས་གཙོ་ལུགས་དང་མཐུན་པའི་འོས་བསྡུ་དྲང་པོ་ཞིག་བྱུང་ཡོད་པར་ངོས་འཛིན་བྱེད་མཁན་གཅིག་ཀྱང་བྱུང་མེད་པ་རེད་
འབར་་མའི་གཞུང་གིས་འོས་བསྡུའི་སྐྱོན་གནད་དེ་ཡོ་བསྲང་ལྟ་བུར་ལྕམ་ཨང་སང་སུ་ཅི་མཆོག་རྗེས་སུ་ལོ་མང་གི་བཟང་བཙོན་ནས་གློད་གྲོལ་བཏང་ཡོད་ནའང་ ཁོང་ལ་ཆབ་སྲིད་ཀྱི་ལས་འཁུར་ནང་ཞུགས་རྒྱུའི་རང་དབང་ལ་བཏང་འཛིན་མུ་མཐུད་བྱེད་བཞིན་ཡོད་པ་རེད་
ལྕམ་ཨང་སང་སུ་ཅི་མཆོག་གིས་གོང་ཞུས་ཇར་མན་གྱི་བརྙན་འཕྲིན་ལས་ཁང་དེར་ ཇི་སྲིད་དུ་ཆབ་སྲིད་བཙོན་པ་ཡོངས་རྫོགས་གློད་འགྲོལ་གྱིས་ང་ཚོ་ཚང་མར་ཆབ་སྲིད་ཀྱི་ལས་དོན་ནང་ཆ་ཤས་ལེན་རྒྱུའི་གོ་སྐབས་ཤིག་མ་བྱུང་བར་ད་ལྟའི་རྒྱལ་ཁབ་འཛིན་སྐྱོང་གི་ལས་འཁུར་ལ་འགྱུརབ་ཞིག་ཡོང་གི་ཡོད་པ་གཟིགས་ཀྱི་མེད་ཅེས་གསུངས་ཡོད་པ་རེད་
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་དང་། ཡུ་གུར། འབར་མའི་སྐད་ཡིག་སྡེ་ཚན་གྱི་ལས་དོན་མཚམས་འཇོག་བྱེད་རྒྱུའི་གསལ་བསྒྲགས།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཡེ་ཤུའི་བླ་ཆེན་པོབ་ལེའུ་བཅུ་བཞི་པ་མཆོག་ལ་འཚམས་འདྲི་མཛད་འདུག
- ༸རྒྱལ་བའི་ཡང་སྲིད་དང་། རྒྱ་ནག་དམར་ཤོག་གཞུང་གི་ངན་བྱུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ཁག་ཆེ་བའི་དུས་སྐབས་འདིར་༸རྒྱལ་དབང་རིན་པོ་ཆེ་ཡོད་བསམ་ནས་བློ་བདེ་པོ་བྱོས་ཞེས་མཇལ་བཅར་བ་ཚོར་བཀའ་སྩལ་མཛད་འདུག
- ཡུ་རོབ་གྲོས་ཚོགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཡང་སྲིད་ངོས་འཛིན་གནང་སྒོར་རྒྱ་ནག་གཞུང་གིས་ཐེ་གཏོགས་བྱེད་པར་སྐྱོན་བརྗོད་ཀྱི་གྲོས་ཆོད་ཚད་མཐོའི་མང་མོས་ཐོག་གཏན་འབེབས་གནང་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- རྒྱ་ནག་གཞུང་གིས་ལོ་དགུའི་རིང་ཆུ་དང་གློག་གི་མཐུན་རྐྱེན་བཅད་པར་ཞུ་གཏུགས་བྱེད་མཁན་སྐལ་བཟང་ལགས་བཙོན་འཇུག་བྱས་འདུག
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- ཧོང་ཀོང་དུ་སངས་རྒྱས་ཀྱི་རིང་བསྲེལ་རིན་བསྡུར་ལམ་ནས་ཚོང་སྒྱུར་བྱ་འཆར་ལ་རྒྱ་གར་གཞུང་གིས་དགག་བྱ་བྱས་རྐྱེན་རིན་བསྡུར་ཚོང་སྒྱུར་ཕྱི་བཤོལ་བྱས་འདུག