བོད་ཀྱི་གཞོན་ནུ་ལྷན་ཚོགས་ཀྱིས་ལས་འགུལ་སྤེལ་འཆར།

༄༅༎བོད་ཀྱི་གཞོན་ནུ་ལྷན་ཚོགས་ནས་གཞི་ལུས་བོད་མི་རྣམས་ལ་གདུང་སེམས་མཉམ་བསྐྱེད་ཞུ་ཆེད་ གཞི་རྒྱ་ཆེ་བའི་ལས་འགུལ་སྤེལ་འཆར་ཡོད་ལུགས་གསལ་བསྒྲགས་གནང་འདུག་ ཡིན་ཡང་ལས་འགུལ་གྱི་ཞིབ་ཕྲའི་གནས་ཚུལ་གསལ་འདོན་གནང་མེད་པ་རེད་༎
ཁ་ས་བཞུགས་སྒར་རྡ་རམ་ས་ལར་ གཞི་ལུས་བོད་མི་རྣམས་ལ་གདུང་སེམས་མཉམ་བསྐྱེད་མཚོན་པའི་མར་མེའི་ཁྲོམས་སྐོར་གནང་ཡོད་པ་དང་ ལས་འགུལ་དེའི་སྐབས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཞོན་དོན་གྲུབ་ལྷ་དར་ལགས་ནས་ འདི་ལོ་བོད་ཀྱི་གནམ་ལོ་གསར་ཚེས་ཀྱི་དུས་ཚེས་དང་བསྟུན་ཏེ་བོད་ཀྱི་གཞོན་ནུ་ལྷན་ཚོགས་ངོས་ནས་གཞི་རྒྱ་ཆེ་བའི་ལས་འགུལ་སྣེ་འཁྲིད་གནང་རྒྱུ་དང་ ལས་འགུལ་དེའི་ནང་བོད་མི་ཚང་མས་རྒྱབ་སྐྱོར་དང་མཉམ་བཞུགས་གནང་གལ་ཆེ་བའི་འབོད་སྐུལ་གནང་བཞག་  ཚོགས་གཞོན་དོན་གྲུབ་ལྷ་དར་ལགས་ཀྱིས་འགྲེལ་བརྗོད་གནང་དོན་དུ་  ཉེ་སྔོན་ཕྱི་ཟླ་པོའི་ཚེས་ ༢༩ནས་བཟུང་བོད་ཀྱི་གཞོན་ནུ་ལྷན་ཚོགས་ནས་ ད་ལྟའི་བོད་ནང་ཛ་དྲག་གི་གནས་སྟངས་རྐྱེན་པས་ རྒྱ་ནག་གཞུང་ལ་ངོ་རྒོལ་གྱི་རྔམ་སྟོན་ཁྲོམས་སྐོར་དང་ མར་མེའི་ཁྲོམ་སྐོར་ དེ་བཞིན་རྒྱལ་གཅེས་དཔའ་བོ་རྣམས་ལ་སྨོན་ལམ་ཆོས་འབུལ་སོགས་ལས་འགུལ་སྟུད་མར་སྤེལ་བཞིན་ཡོད་པ་དེ་དག་མུ་མཐུད་མཇུག་སྐྱོང་གནང་རྒྱུ་མ་ཟད་  རྒྱ་ནག་གི་རྒྱལ་དར་མེར་བསྲེགས་གཏོང་བ་སོགས་རྣོ་ངར་ཆེ་བའི་ལས་འགུལ་མུ་མཐུད་སྤེལ་རྒྱུའི་གྲ་སྒྲིག་གནང་བཞིན་པ་དང་ ལས་འགུལ་དེ་ཚོའི་ནང་བོད་མི་ཚོས་རྒྱབ་སྐྱོར་དང་མཉམ་བཞུགས་གནང་དགོས་གལ་སྐོར་གསལ་འདོན་གནང་བཞག་༎