ཐའེ་ལྦན་དུ་བོད་དང་ཤིན་ཅང་གི་གློག་བརྙན་སྟོན་རྒྱུའི་སྐོར།

༄༅༎རྒྱ་ནག་མི་དམངས་སྤྱི་མཐུན་རྒྱལ་ཁབ་བཙུགས་ནས་ལོ་དྲུག་བཅུ་འཁོར་བའི་རྒྱལ་སྟོན་ཉིན་མོར་ཐའེ་ལྦན་དུ་དོན་གྲུབ་དབང་ཆེན་ལགས་ཀྱིས་བཟོ་སྒྲིག་གནང་བའི་བོད་པའི་དངོས་འབྱུང་གློག་བརྙན་འཇིགས་བྲལ་དང་ཡུ་གུར་མི་རིགས་ཀྱི་དབུ་ཁྲིད་ལྕམ་རཱ་སྦི་ཡ་ཀ་རྡིར་གྱི་ལོ་རྒྱུས་ཐོག་གཞི་བཞགས་པའི་གློག་བརྙན་བྱམས་བརྩེའི་ཆ་རྐྱེན་བཅུ་ཞེས་པ་དེ་གཉིས་སྟོན་གནང་རྒྱུ་ཡིན་པ་རེད།

ཐའེ་ལྦན་གྱི་དམངས་གཙོ་ཡར་ཐོན་ཚོགས་པའི་དབུ་འཁྲིད་ཚོས་ཉེ་དུས་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས༸སྐྱབས་མགོན་ཆེན་པོ་མཆོག་ཐའེ་ལྦན་ལ་གདན་ཞུ་གནང་བར་རྒྱ་ནག་གིས་ཁོང་ཁྲོ་དང་སྐྱོན་བརྗོད་ཤུགས་ཆེ་བྱས་ཡོད་པ་དང་ཡུ་གུར་མི་རིགས་ཀྱི་དབུ་ཁྲིད་རཱ་སྦི་ཡ་ཀ་རྡིར་གྱི་གློག་བརྙན་ཐའེ་ལྦན་ནང་སྟོན་རྒྱུར་རྒྱ་ནག་གིས་དགག་བྱ་བྱེད་བཞིན་ཡོད་པ་རེད།