༸གོང་ས་མཆོག་གི་ཨའེ་སི་ལེན་ཌིའིི་མཛད་འཆར་ལེགས་སྒྲུབ།

༄༅༎བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཨའེ་སི་ལེན་དྲིའི་ནང་གི་ཉིན་གཉིས་རིང་གི་མཛད་འཆར་ཁག་ལེགས་སྒྲུབ་གནང་ཡོད་པ་རེད།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དྲུག་པའི་ཚེས་གཅིག་ཉིན་ཨའེ་སི་ལེན་ཌིའི་ནང་མཛད་འཆར་ཐོག་མར་ཁུལ་དེའི་ཆོས་དཔོན་སྐུ་ཞབས་ཀལ་སི་གུར་སྦི་ཡོརྣ་སེན་ནས་གོ་སྒྲིག་གནང་བའི་ཁུལ་དེའི་ཡེ་ཤུའི་ཆོས་ཁང་ཆེ་ཤོས་གིརིམ་སི་ཀིར་ཧ་ཞེས་པའི་ནང་ཆོས་ལུགས་རིས་མེད་ཀྱི་སྨོན་ལམ་གསོལ་འདེབས་ཤིག་གི་ཐོག་ལྷན་ཞུགས་གནང་བའི་རྗེས་སུ་ཁ་ས་ཚེས་གཉིས་ཉིན་ཁུལ་མི་མང་གསུམ་སྟོང་ཙམ་ལ་བྱམས་བརྩེ་དང་རིན་ཐང་བདེ་སྐྱིད་བཅས་ཀྱི་སྐོར་བཀའ་སློབ་བཀྲིན་བསྐྱང་གནང་ཡོད་པ་རེད། དེ་ཡང་༸གོང་ས་མཆོག་གིས་མིའི་མི་ཚེའི་ནང་བྱམས་བརྩེའི་རང་བཞིན་གྱི་རྒྱུད་སྦྱང་ཤེས་བྱེད་དགོས་ཡས་དེ་ཧ་ཅང་གི་གལ་འགངས་ཆེན་པོ་ཡིན་པའི་སྐོར་སོགས་བཀའ་གནང་ཡོད་པ་རེད། དེར་དམངས་ཁྲོད་ཀྱི་བཀའ་སློབ་ཁག་སྒྲུབ་པའི་རྗེས་རིམ་བཞིན་ཡུལ་དེའི་མི་མང་གིས་ད་ལྟའི་འཛམ་གླིང་གི་དཔལ་འབྱོར་གནས་སྟངས་ཀྱི་རྐྱེན་པས་ཡུལ་དེའི་ནང་དཔལ་འབྱོར་གྱི་ཐོག་ཤུགས་རྐྱེན་ཆེན་པོ་ཐེབས་བཞིན་ཡོད་པའི་སྐོར་སོགས་ཀྱི་འདྲི་བ་ཁག་ལ་ལན་འདེབས་གནང་ཡོད་པ་རེད། ༸གོང་ས་༸སྐྱབས་མགོན་ཆེན་པོ་མཆོག་ད་རེས་ཨའེ་སི་ལེན་དྲིའི་ནང་ཆིབས་བསྒྱུར་བསྐྱང་གནང་སྟེ་དེར་ཆོས་ཕྱོགས་ཀྱི་མཛད་རིམ་དང་དེ་བཞིན་དམངས་ཁྲོད་དུ་བྱམས་སྙིང་རྗེའི་སྐོར་གྱི་བཀའ་སློབ་བཀྲིན་བསྐྱང་གནང་བ་མ་ཟད་ཡུལ་དེའི་དཔོན་རིགས་ཁག་དང་མཇལ་འཕྲད་གནང་རྒྱུའི་ཐོག་ལ་རྒྱ་ནག་གཞུང་གིས་ངོ་རྒོལ་ཤུགས་ཆེ་བྱེད་བཞིན་ཡོད་པ་རེད།