ཇ་མུ་ཀཤི་མིར་ནས་རྙེད་པའི་ནང་པའི་དགོན་པའི་འདྲ་པར།

༄༅༎བོད་ཀྱི་བླ་ན་མེད་པའི་དབུ་འཁྲིད་སྤྱི་ནོར་༸གོང་ས་སྐྱབས་མགོནཆེན་པོ་མཆོག་གིས་རྒྱ་གར་གྱི་རྒྱལ་ས་ལྡི་ལོའི་ནང་། ཉེ་ཆར་རྒྱ་གར་བྱང་ཕྱོགས་ཇ་མུ་ཀཤིམིར་ནང་གསར་བརྙེད་བྱུང་བའི་ནང་པའི་མགོན་པའི་འདྲ་དཔར་གྱི་འགྲེམས་སྟོན་ཞིག་དབུ་འབྱེད་གནང་ཡོད་པ་རེད། ཉིན་གསུམ་རིང་གོ་སྒྲིག་གནང་བའི་འདྲ་དཔར་གྱི་འགྲེམས་སྟོན་དེ་རྒྱ་གར་བོད་དོན་རྒྱབ་བསྐྱོར་བ་དང་གསར་འགོད་པ་སྐུ་ཞབས་ལྦི་ཇེ་ཀ་རན་ཏི་ དང་ཁོང་གི་བུས་གོ་སྒྲིག་གནང་བ་ཞིག་ཡིན་པ་དང་། དེའི་ནང་རྒྱ་གར་བྱང་ཕྱོགས་ཇ་མུ་ཀཤིམིར་གྱི་ཨཀ་ནུར་ས་ཁུལ་དུ་ཡི་ཤུ་མ་འཁྲུངས་ལོ་ངོ་བརྒྱ་ལྷག་གོང་ནང་པ་སངས་རྒྱས་པའི་དགོན་པ་དང་ཆོས་རྟེན་སོགས་ཡོད་པ་དཔར་གྱི་འགྲེམས་སྟོན་དེའི་ནང་སྟོན་ཡོད་པ་རེད། འདྲ་དཔར་གྱི་འགྲེམས་སྟོན་དེར་རྒྱ་གར་བ་མང་པོ་ཞིག་གཟིགས་ཞིབ་གནང་བར་ཕེབས་མཁན་ཁོངས་རྒྱ་གར་དབུས་གཞུང་གི་ལས་བྱེད་པ་དང་ནང་པ་སངས་རྒྱས་པའི་ཆོས་ཐོག་ཉམས་ཞིབ་གནང་མཁན་གཞན་ཡང་རྒྱ་གར་གྱི་གྲོས་ཚོགས་གོང་མའི་འཐུས་མི་སྐུ་ཞབས་སྦལ་སྦིར་པནཇ་དང་གྲོས་ཚོགས་འོག་མའི་འཐུས་མི་སྐུ་ཞབས་མ་རྡན་ལལ་ཤར་མ་སོགས་ཕེབས་ཡོད་པ་རེད། སྐབས་དེར་༸གོང་ས་སྐྱབས་མགོན་ཆེན་པོ་མཆོག་ལ་གདན་ཞུ་ཕུལ་བཞིན་མ་འོངས་པར་གང་ཉིད་ཨཀ་ནུར་ས་ཁུལ་དེར་གཟིགས་ཞིབ་ཏུ་ཕེབས་རྒྱུའི་ཞལ་བཞེས་ཡང་གནང་ཡོད་པ་རེད། གོང་ཞུས་ཀྱི་ས་ཁུལ་དེ་རྒྱ་གར་གྱི་ཇ་མུ་ས་ཁུལ་དུ་ཡོད་པའི་གནས་ཚུལ་ཐོནའདུག།