བལ་ཡུལ་ནང་བོད་མི་༡༣འཛིན་བཟུང་བྱས་འདུག

༄༅༎བལ་ཡུལ་གྱི་རྒྱལ་ས་ཀཋ་མན་གྲུའི་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོས་བདུན་སྔོན་མ་དེར་བོད་མི་གྲངས་ ༡༣ ཡིས་རྒྱལ་ས་ཀཐ་མན་གྲུའི་ནང་ཡོད་པའི་འཛམ་གླིང་མཉམ་འབྲེལ་རྒྱལ་ཚོགས་ཀྱི་ལས་ཁུངས་མདུན་ངོ་རྒོལ་གནང་བའི་རྗེས་བལ་པོའི་ཉེན་རྟོག་པས་འཛིན་བཟུང་བྱས་པའི་བོད་མི་དེ་དག་གིས་བཙོན་ཁང་ནང་རེས་གཟའ་ཟླ་བ་ཉིན་ཟས་བཅད་ངོ་རྒོལ་གནང་འགོ་བཙུགས་ཡོད་སྐོར་གསུངས་འདུག བལ་ཡུལ་གྱི་བཙོན་ཁང་ནང་བཙོན་འཇུག་ཕོག་པའི་བོད་མི་དེ་དག་གིས་བོད་ནང་རང་ལུས་ཞུགས་འབུལ་གནང་མཁན་རིམ་པ་བྱུང་བའི་དོན་རྐྱེན་དེ་དག་ཐོག་འཛམ་གླིང་མཉམ་འབྲེལ་རྒྱལ་ཚོགས་ནས་རྟོག་ཞིབ་བྱེད་དགོས་པའི་དགོས་འདུན་བཏོན་ཡོད་པ་རེད།  བལ་ཡུལ་གྱི་གཞོན་ནུ་ལྷན་ཚོགས་ཀྱི་ཚེ་དབང་སྒྲོལ་མ་ལགས་ཀྱིས་བལ་པོའི་ཉེན་རྟོག་པས་བོད་མི་རྣམས་བཙོན་འཇུག་བྱས་པ་དེ་འགྲོ་བ་མའི་ཐོབ་ཐང་བརྡལ་བཤིག་བཏང་བར་ངོས་འཛིན་དང་ཁོང་ཚོས་ཟས་བཅད་ངོ་རྒོལ་གྱི་ལས་འགུལ་དེ་སྤེལ་དགོས་དོན་ནི་ཁོང་ཚོ་བཙོན་ཁང་ནས་གློད་བཀྲོལ་ཡོང་ཐབས་ཆེད་གནང་བ་ཞིག་ཡིན་སྐོར་གསུངས་འདུག།