ཐུབ་བསྟན་དབང་ཆེན་ལགས་བོད་མི་མང་སྤྱི་འཐུས་ནས་རང་བཞིན་གྱིས་འཕོས་དགོས་བྱུང་འདུག
2020.04.03
ཐུབ་བསྟན་དབང་ཆེན་ལགས།
པར་ཚགས།
ཡོ་རོབ་དང་ལྷོ་ཨ་ཧྥི་རི་ཀ་ཁུལ་གྱི་སྤྱི་འཐུས་ཐུབ་བསྟན་དབང་ཆེན་ལགས་གྲོས་ཚོགས་ཚོགས་དུས་གཉིས་བསྟུད་མར་ཚོགས་བཅར་མ་ཐུབ་པར་སོང་སྒྲིག་ཁྲིམས་ནང་གསལ་སྤྱི་འཐུས་ནས་རང་བཞིན་གྱིས་འཕོས་དགོས་བྱུང་འདུག
སྐབས་བཅུ་དྲུག་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཡོ་རོབ་དང་ལྷོ་ཨ་ཧྥི་རི་ཀ་ཁུལ་གྱི་སྤྱི་འཐུས་ཐུབ་བསྟན་དབང་ཆེན་ལགས་གྲོས་ཚོགས་ཚོགས་དུས་གཉིས་ལ་བསྟུད་མར་ཚོགས་བཅར་མ་ཐུབ་པར་སོང་། སྒྲིག་ཁྲིམས་ནང་གསལ་རང་བཞིན་གྱིས་སྤྱི་འཐུས་ནས་འཕོས་དགོས་བྱུང་ཡོད་པ་དང་། དེའི་ཐད་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་པདྨ་འབྱུང་གནས་ལགས་ཀྱི་འགྲེལ་བརྗོད་དོན། དེང་སྐབས་འཛམ་གླིང་ནང་ཏོག་དབྱིབས་ནད་འབུ་གསར་བའི་ནད་ཡམས་ཀྱི་རྐྱེན་པས་འཛམ་གླིང་ཁྱོན་ཡོངས་ཀྱི་ནང་འགྲུལ་བཞུད་ལ་དམ་དྲག་ཤུགས་ཆེ་བྱེད་ཡོད་པ་མ་ཟད། ཡོ་རོབ་ནས་རྒྱ་གར་ནང་ཡོང་རྒྱུར་མཐོང་མཆན་(Visa)་སྤྲོད་རྒྱུ་མཚམས་འཇོག་བྱས་བ་བཅས་ཀྱི་གནས་སྟངས་འོག་ནས་སྤྱི་འཐུས་ཐུབ་བསྟན་དབང་ཆེན་ལགས་ཚོགས་བཅར་ཐུབ་པའི་ཆེད་དུ། ཚོགས་དྲུང་ལས་ཁུངས་ནས་གཞུང་འབྲེལ་ཐབས་ཤེས་སྣ་ཚོགས་ཤིག་གནང་བའི་ཁར། ཐུབ་བསྟན་དབང་ཆེན་ལགས་ཁོང་རང་ཉིད་ནས་ཀྱང་ཐབས་ཤེས་གནང་ཡོད་ཀྱང་གྲུབ་འབྲས་མ་ཐོན་པར་སོང་། སྒྲིག་གཞིའི་ཐོག་ནས་སྐབས་གཉིས་བསྟུད་མར་ཚོགས་བཅར་མ་ཐུབ་ཚེ་སྤྱི་འཐུས་ནས་འཕོས་དགོས་གསལ་བ་ལྟར། ཚོགས་དྲུང་ལས་ཁང་ནས་ཟླ་༣་ཚེས་༢༣་ཉིན་དབུས་འོས་བསྡུ་ལས་ཁང་ལ་སྒྲིག་གཞི་ལྟར་ཕྱག་བསྟར་ཡོང་བའི་ཕྱག་ཡིག་ཕུལ་གནང་ཡོད་པ་གསུང་གནང་བྱུང་།
འོས་བསྡུའི་སྤྱི་ཁྱབ་འགན་འཛིན་དབང་འདུས་ཚེ་རིང་ལགས་ཀྱིས། ཚོགས་དྲུང་ལས་ཁུང་གི་ཕྱག་ཡིག་ལྟར་སྒྲིག་དོན་སྒུག་ཐོ་དང་པོ་དབང་པོ་བཀྲས་མཐོང་ལགས་སུ། སྐབས་བཅུ་དྲུག་པའི་ཡོ་རོབ་དང་ལྷོ་ཨ་ཧྥི་རི་ཀའི་སྤྱི་འཐུས་སུ་འདེམས་ཐོན་བྱུང་བའི་ཕྱག་བྲིས་ཕུལ་ཟིན་ཡོད་པ་འགྲེལ་བརྗོད་གནང་གི་འདུག
སྤྱི་འཐུས་ཚོགས་གཙོ་པདྨ་འབྱུང་གནས་ལགས་ཀྱིས་ད་ལྟ་འཛམ་གླིང་ཁྱོན་ཡོངས་ནང་ཛ་དྲག་གི་གནས་སྐབས་འདིར། དབང་པོ་བཀྲས་མཐོང་ལགས་ཀྱི་སྤྱི་འཐུས་ཀྱི་ལས་ཁུར་དམ་བཅའ་དུས་ཚོད་ངེས་གཏན་ཞུ་རྒྱུ་ཁག་པོ་ཡིན་པ་འགྲེལ་བརྗོད་གནང་གི་འདུག
འོས་བསྡུའི་སྒྲིག་གཞི་དོན་ཚན་༥༡་དགོངས་དོན། འདེམས་ཐོན་སྤྱི་འཐུས་ལ་བཞུགས་སྒར་དུ་དམ་བཅའ་འབུལ་བར་ངེས་བཅར་དགོས་རྒྱུའི་ཚེས་གྲངས་ཁ་གསལ་འཁོད་པའི་བརྡ་ལན་དབུས་འོས་བསྡུ་ལས་ཁང་ནས་འཕྲོད་ཐབས་གནང་དགོས་གསལ་ཡོད་ཀྱང་། ད་ལྟའི་ཆར་དབང་པོ་བཀྲས་མཐོང་ལགས་ཀྱིས་དམ་འབུལ་ཚེས་གྲངས་ཐད་ཚོགས་དྲུང་ལས་ཁུང་དང་བཀའ་སྡུར་དང་འབྲེལ་རྗེས་སུ་གཏན་ཁེལ་གནང་རྒྱུ་ཡིན་འདུག།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨེ་ཤེ་ཡ་རང་དབང་རླུང་འཕྲིན་ཁང་གི་སྐད་ཡིག་སྡེ་ཚན་ཕལ་ཆེ་བ་སྒོ་བརྒྱབ་རྒྱུའི་གསལ་བསྒྲགས།
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།
- བཀའ་ཟུར་བཀྲ་ཤིས་དབང་འདུས་ལགས་འདས་གྲོངས་སུ་གྱུར་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ཁག་ཆེ་བའི་དུས་སྐབས་འདིར་༸རྒྱལ་དབང་རིན་པོ་ཆེ་ཡོད་བསམ་ནས་བློ་བདེ་པོ་བྱོས་ཞེས་མཇལ་བཅར་བ་ཚོར་བཀའ་སྩལ་མཛད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸རྒྱལ་བའི་ཡང་སྲིད་དང་། རྒྱ་ནག་དམར་ཤོག་གཞུང་གི་ངན་བྱུས།
- ཨ་རྒྱ་གཉིས་ཀྱི་ཚོང་དམག་ཁྲོད་བཟོ་གྲྭ་མང་པོ་སྒོ་བརྒྱབ་པའི་རྐྱེན་གྱིས་རྒྱ་ནག་གི་ས་ཁུལ་གང་སར་ལས་མིས་ངོ་རྒོལ་བྱེད་བཞིན་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཚང་མ་མཐུན་སྒྲིལ་ཐོག་མཉམ་གནས་ཐུབ་རྒྱུ་དེ་མགོན་པོ་མཆོག་གི་ཐུགས་རེ་གཙོ་བོ་ཡིན་ཞེས་རྒྱ་རིགས་ཚན་རིག་པ་ཚོར་བཀའ་སྩལ་མཛད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- ཨ་རིའི་ཕྱི་སྲིད་ལས་ཁུངས་ཀྱི་འཛིན་སྐྱོང་སྒྲོམ་གཞི་བསྐྱར་སྒྲིག་ཁྲོད། སྲིད་སྐྱོང་སྤེན་པ་ཚེ་རིང་ལགས་ཀྱིས་བོད་དོན་དམིགས་བསལ་འབྲེལ་མཐུད་པ་ཕྱི་སྲིད་དྲུང་ཆེའི་ཐད་ཀར་འོག་ལས་གནས་བསྐོ་བཞག་ཡོང་བའི་འབོད་སྐུལ་གནང་འདུག